Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Gómez García gana'l XXI Premiu 'Fernán Coronas' cola obra 'Nun me preguntes cómo pasa'l tiempu'

Votos

(Total de votos recibidos 99)

(Puntuación 3,01)

maquina de escribir
Miguel Ángel Gómez García resultó ganador del premiu de poesía "Fernán Coronas".

L'uviedín afincáu en Vaḷḷouta, Miguel Ángel Gómez García, foi'l ganador del XXI Premiu de Poesía 'Fernán Coronas' Padre Galo. La so obra "Nun me preguntes cómo pasa'l tiempu" foi la escoyida como la meyor de les presentaes a concursu.

El xuráu del premiu,  que foi presidíu por Félix Ferreiro y nel que tamién taben Carmen Guardado, Mar Madera, Susana Sela –que fixo les veces de secreatria– y Inaciu Galán, reunióse ayeri pela tarde en Cadavéu,. El resultáu foi que Gómez García algamó esti premiu que fai referencia a ún de los escritores de referencia na hestoria de la llingua asturiana. D'esta miente, l'escritor afincáu nel conceyu de Cuideiru asocede nel palmarés del citáu premiu al candasín Xurde Fernández, qu'algamó l'añu pasáu'l concursu qu'entama la Sociedá Popular de la Regalina pol poema 'Difícil'.

Nacíu n'Uviéu nel añu 1980, Gómez García ye llicenciáu en Filoloxía Hispánica y cuenta col títulu oficial del Máster Universitariu de Formación del profesoráu. Tien espublizaos los llibros en castellanu 'Soledades juntas', 'Perro sin dueño' y 'El triunfo de la muerte', y collabora na revista Anáfora. Tamién tien firmao nes revistes lliteraries 'Estandoriu' y 'Clarín'.