Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Llistáu de nomes


Equí puedes consultar los nomes de muyer y d'home n'asturianu.

Los nomes y apellíos de les persones tienen una llarga historia.

Al traviés de los sieglos, los distintos pueblos de la Península y d'Europa recueyen nos nomes personales les sos circunstancies históriques: la llegada de los romanos, la presencia de los xermanos, les influencies griegues y árabes, les guerres, les emigraciones o les rellaciones comerciales, too ello quedó rexistrao nes formes onomástiques, nos nomes y apellíos de la xente.

Unes veces, la procedencia de los nomes ye la mesma pa distintos pueblos, como ocurre colos nomes llatinos presentes en tolos pueblos peninsulares. Otres, débese a fechos más concretos y propios d'una comunidá, como por exemplu los nomes y apellíos francos que llegaron a Asturies na Edá Media colos emigrantes franceses.

Pero siempre, cada comunidá de falantes adapta los nomes que va recibiendo al so sistema llingüísticu, a la so manera de pronunciar y d'entender les palabres. Col pasu del tiempu, estos nomes dirán cambiando nel mesmu sen que la llingua y formando dafechu parte d'ella.