Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

¿Qué tienes que facer?

Primero: nel Rexistru Civil

Pa poner el nome n'asturianu

Si yes mayor d'edá, namás tienes que solicitar per escrito nel Rexistru Civil que te cambien el nome pol to equivalente en llingua asturiana. Has presentar una instancia, un certificáu onde s'afite la equivalencia ente'l to nome llegal y el que vas poner, el DNI y una copia del certificáu lliteral de nacencia. Si se trata de recién nacíos, namás fai falta que lu inscribas col nome n'asturianu que más te preste. El teléfonu del Rexistru Civil de Xixón ye: 985 17 55 12.

Pa poner los apellíos na so forma asturiana

Si yes mayor d'edá, solicítalo per escrito al Rexistru presentando una instancia, un certificáu qu'acredite la forma asturiana que correspuende a los tos apellíos oficiales, un certificáu lliteral de nacencia y el DNI. Los tos fíos y fíes llevarán el to apellíu, n'asturianu si tu yá lu cambiaste.

Tocante al certificáu d'equivalencia pal nome o pal apellíu, tien de tar espedíu por dalgún organismu oficial. Na Oficina de Política Llingüística de la Conseyería de Cultura y Turismu (C/ Eduardo Herrera "Herrerita", e/n, primera planta; 33006 Uviéu; teléfonu: 985106741) o na Academia de la Llingua Asturiana (C/ L'Águila 10; Tfnu. 985 21 18 37 - Fax. 985 22 68 16. Apartáu de Correos 574 E-33080 UVIÉU; corréu-e: alla@asturnet.es).


Segundo: na oficina del DNI

En teniendo cambiaos el nome o los apellíos, ye conveniente que lo faigas tamién nel Carné d'Identidá pa que figuren nelli les nueves formes correctes del to nome o apellíos. Siempre que'l DNI tea en vigor, esto ye, que'l cambiu se faiga únicamente pa sustituyir el nome o los apellíos pol so equivalente na llingua vernácula, el trámite ye de baldre. Namás tienes de dir a la Comisaría de Policía col DNI, dos fotos y el documentu del Rexistru Civil onde figuren el nome o los apellíos camudaos.