Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

El ruxideru: Afayáivos en casa



Foto del logotipo de ¡El Ruxideru! ¡Afayáivos en casa!Ye un proyeutu empobináu a los padres y madres qu'acaben de tener un fíu o una fía y nel que se-yos afala pa que-yos tresmitan la llingua asturiana a los sos fíos y fíes nesti periodu tan importante de los primeros años que tanto van repercutir nel futuru de los más pequeños.

Al tiempu que se-yos da la norabona pol momentu tan especial como'l nacimientu d'un fíu/a ufiértase-yos información por si quieren pone-y el nome n'asturianu al recién nacíu, un baberu, y un cartelu desplicando les distintes etapes del bebé.

Oxetivos

  • Afitar el compromisu del Ayuntamientu de Xixón pa cola llingua asturiana.
  • Promover, dende l'Alministración del conceyu, la normalización llingüística nos distintos ámbitos de la sociedá xixonesa.
  • Tresmitir a la ciudadanía'l compromisu real pa cola llingua asturiana.
  • Desarrollar campañes de promoción y usu del asturianu ente los padres y madres.
  • Tresmitir la importancia del usu del asturianu na familia como forma d'afitar el futuru de la llingua.

Darréu esponemos los distintos materiales que s'apurrieron a les madres nos hospitales de Cabueñes y de Begoña del conceyu de Xixón:

  • Carpetes troquelaes y personalizaes que lleven dientro un baberu, una pegadiella pa poner nel coche y un calendariu del desarrollu del bebé que na parte d'atrás anima a los pas al usu del asturianu, a que lo depriendan na escuela y asina garantizar que nel futuru (que ye de los qu'agora nacen) la llingua asturiana seya instrumentu real de comunicación.

Foto de una carpetes troquelaes y personalizaes del Ruxideru
  • Pegadielles troquelaes cola fras: Cuidadín que voi dientro, pa poner nel cristal traseru del coche y asina avisar a los conductores que tengan precaución.

Foto de una pegadiella pa poner nel coche del Ruxideru

  • Baberos d'algodón con dibuxos rellacionaos col mundu los bebés y el nome puestu n'asturianu: chupu, trubiecu, ruxideros, etc.
Baberu Afayaivos a 175

  • Fiches con información, billingüe, del vocabulariu propiu de los bebés.
Fiches nenos a 175Fichas nenas a 175
  • Calendarios del desarrollu del bebé, una guía ilustrada na que se van contando les diferentes etapes peles que van pasando los naciellos hasta l'añu y mediu de vida. 
  • Crecederos, mididor pa dir apuntando como va medrando'l neñu o la neña.

 Medidor ciempies a 250

  • Marcos pa colocar les semeyes de los neños y neñes recién nacíos.

Portarretratos Afayaivos a 175

Participantes

La carpeta informativa entrégase nos hospitales de Cabueñes y el Sanatoriu Begoña con gran ésitu, polo que tuvimos que la reeditar. Regálase a tolos naciellos/es de los hospitales de Xixón.