Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Campaña pal comerciu: "Nel comerciu asturianu yes bienveníu/ida"


Esta campaña vien faciéndose con gran ésitu dende l'añu 2005.

Cada convocatoria van renovándose dalgunos de los materiales que facemos pal comerciu de Xixón y reeditándose los que tienen más demanda.

Hasta agora son algo más de 300 los comercios xixoneses que participen na campaña ente pescaderíes, fruteríes, carniceríes, tiendes de regalos, zapateríes, anque la idea ye dir ampliando'l númberu de comercios participantes.

Oxetivos

  • Potenciar un usu normalizáu del asturianu per parte de los distintos departamentos que dende l'Ayuntamientu se rellacionen con actividaes empresariales o comerciales.
  • Promover l'usu del asturianu nel sector del Comerciu al tiempu que se pon en valir les potencialidaes d'usar l'asturianu na so imaxe corporativa.
  • Favorecer ente'l pequeñu comerciu xixonés y los sos veceros que l'asturianu seya la llingua d'usu y de rellación cotidiana nel sector.
  • Apurrir a los comerciantes distintos materiales que faciliten l'usu del asturianu nos sos negocios.
- ComerciuasturianuCabezapaxina.gif

Campaña añu 2011

Esti añu reforciamos otra vuelta estos sectores cola reedición de les bolses de tela o les llibretes de Fai los recaos n'asturianu.

Participen nesta campaña unos 375 comercios de Xixón ente pescaderíes, carniceríes y fruteríes, asina como tamién tiendes de regalu, zapateríes, llibreríes, etc.

Como años anteriores, a los establecimientos comerciantes participantes facilitóse-yos material de baldre pa usar nos comercios, como bolses de tela y les llibretes de "Fai los recaos n'asturianu".

Bolsa_tela_2011  Llibretes_Fai_los_recaos_2011 Portada_Fai_los_recaos_2011

Campaña añu 2010

Participen nesta campaña unos 375 comercios de Xixón ente pescaderíes, carniceríes y fruteríes. Tamién tán adscritos a la campaña tiendes de regalu, zapateríes, llibreríes, etc.

Esti añu a los más de 375 comercios que collaboren con la Oficina Municipal de la Llingua na campaña "Nel comerciu asturianu yes bienveníu/ida" facilitóse-yos material de baldre pa usar nos comercios, como bolses de tela; los tacos de "Fai los recaos n'asturianu"; cartelos col pallabreru de les carniceríes, les fruteríes y les pescaderíes.

 Cartel_2010 Tacos fai los recaos 2010Tacos Fai los recaos2_2010 Bolsa_tela_2010

Campaña añu 2009

Esti añu a los más de 300 comercios que collaboren con la Oficina Municipal de la Llingua na campaña "Nel comerciu asturianu yes bienveníu/ida" facilitóse-yos material de baldre pa usar nos comercios, como bolses de papel de diferentes tamaños, bolses de plásticu; los tacos de Fai los recaos n'asturianu; lletreros abierto/pesllao; pegadielles pa poner nos regalos; folletos con pallabreru específicu; cartelos col pallabreru de les carniceríes, les fruteríes y les pescaderíes y espetos colos distintos nomes de los alimentos, pa les carniceríes, fruteríes y pescaderíes.

Esti añu reforciamos otra vuelta estos sectores cola reedición de les bolses de plásticu y papel o los tacos de Fai los recaos n'asturianu.

 Bolses plasticu y papelEspetos

Campaña añu 2008

Esti añu reforciamos otra vuelta dalgunos sectores como les pescaderíes, fruteríes y carniceríes y amás de la reedición de les bolses de plásticu y papel, que complementen a los cartelos col pallabreru de les distintes tiendes d'alimentación, ficiéronse unos espetos pa poner el preciu y el nome de los productos. Estos espetos lleven el lema: "Ye como ye", y sacáronse 56 modelos distintos:

  • Pescaderíes: nomes de los pexes (potarru, xarda, pixín, tiñosu, parrocha, etc) y los mariscos más comunes (bígaru, ñocla, muxones, centollu, etc.).
  • Carniceríes: nome de la carne y embutíos (llacón, picadiyu, fégadu, pitu, carne picao, chorizu, etc.).
  • Fruteríes: nome de frutes (mazanes, cereces piescos, peres, naranxes, etc.) y verdures (arbeyos, repollu, llechuga, cenadories, xampiñones, etc.).
Unos 300 comercios de Xixón ente pescaderíes, carniceríes y fruteríes. Tamién tán adscrites a la campaña tiendes de regalu, de ropa, zapateríes, llibreríes, etc. A la campaña de los espetos xuntáronse esti añu 178 comercios.

Munchos fueron los comercios que pidieron los materiales de la campaña, a los qu'acompañaron les llibretes, bolses y pegatines.

Cartel xata  Cartel_gochu

Campaña añu 2007

Esti añu amás de los materiales d'años anteriores ficiéronse unos cartelos col pallabreru de les distintes tiendes d'alimentación:

  • El despiece de la xata y el gochu pa les carniceríes.
  • Les frutes y verdures pa les fruteríes y tiendes d'ultramarinos.
  • Los pexes y mariscos pa les pescaderíes.
Cartel mariscos  Cartel pexes
Cartel frutes Cartel verdures

Campaña añu 2005 y 2006

La campaña consistió na edición d'una carpeta informativa na que s'ufiertaba a los y les comerciantes los distintos materiales y pa que s'animen a amosar l'asturianu nos sos comercios y, asina, dar a conocer la nuestra llingua a la ciudadanía.

La carpeta tenía cinco trípticos col pallabreru específicu de los distintos sectores: pexes y mariscu, carne, pan, futa y verdura y ropa. Nel trípticu apaez el nome n'asturianu de tolos productos que se merquen nestos comercios y dalguna información y/o suxerencia.

Tamién se ficieron pegadielles y marques diferenciadores, bolses de papel cola frase Nel comerciu asturianu yes bienveníu/bienvenida, cartelos, pegadielles de regalu pa poner nos paquetes col lema: Préstame que te preste y llibretines pa facer los recaos n'asturianu.

- Tripticu1.jpg     - Tripticu2.jpg     - Tripticu3.jpg     - Tripticu4.jpg     - Tripticu5.jpg