Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

La Ferrería

- laferreria.jpgHasta'l sieglu XIX yeren los mesmos homes los que facíen ya iguaben los preseos y les otres ferramientes d'usu frecuente. La ferrería yera'l llugar onde se trabayaba'l fierro.

Ellí había una noria que per aciu del agua movía un mazu de madera. Nun estremu del mazu colocábase'l martiellu pilón, que pesaba ente los 60 y 300 kilos. El martiellu pilón diba dando güelpes rítmicamente sobre la incla o yuncla, entós el ferreru aprovechaba esta fuerza pa trabayar el metal ablandiao primero nunes brases.

Les brases teníen que ser mui potentes pa poner el metal en caldia. Por esta razón, los ferreros utilizaben el barquín o fuelle que soplaba l'aire necesario pa consiguir un mayor poder del fueu.

Cola llegada de la industria les ferreríes tradicionales desapaecieron, anque tovía pues visitar un par d'elles en Grandas y Taramundi que funcionaron hasta hai poco.