Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Biografía

biografia 1

El barriu d'El Fondón, na xixonesa parroquia de Deva, vio ñacer el 25 d'agostu de 1955 a Andrés Manuel Solar Santurio. Fíu de campesinos, el futuru de aquel neñu paecía claru: unos años a la escuela del llugar y dempués a trabayar na casería. Al principiu, la so hestoria foi precisamente asina.

Pero nel añu 1978 entró en contactu col movimientu asturianista que naquel momentu, empobináu por Conceyu Bable, garraba fuercies. Andrés entamó una intensa actividá. Ensín abandonar la caseria familiar y ensin olvidar xamás qu'él yera un rapaz de campu, el so mirar tornó pal llabor cultural y polliticu de la época, siempre dentro del asturianismu. A ello dedicó bien de tiempu y bien d'esfuerzu. Los siete años que van dende esta fecha hasta la de la so tráxica muerte, fueron d'una frenética actividá en munchos campos que fizo d'él una persona mui querida, apreciada y reconocida. Publicó articulos na prensa, ganó los primeros premios lliterarios, dió clases na Universidá Popular, foí miembru de l'Academia de la Llingua Asturiana, collaboró en teatru y otres asociaciones culturales.

Cualquiera que lu tratare o que tenga lleio les sos obres sabe lo muncho que prometía, el munchu talentu lliterariu y humanu qu'había en aquel rapaz de Deva. Pero un accidente de tráficu en Sotrondio, de la que volvia de Llaviana, acabó-y cola vida n'el mes d'avientu de 1984.



biografia 2