Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Andrés narrador

narrador 1

L'Andrés narrador ye l'Andrés de la imaxinación, y tamién por qué nun lo dicir, del cuntador de malos recuerdos (non en baldre, los recopiladores de la so obra alcontráronse que tenia axuntaos munchos de los sos cuentos nuna especie de Decamerón de neños pal que ya tenia titulu: Cuentos pa neños con mala hostia).

Diecisiete cuentos curtidos, dos llargos y una novela curtia, amás d'un cuentu pa nenos, son la obra narrativa completa d'Andrés Solar. Nes primeres obres, les situaciones y argumentos de los cuentos tán sacaos de les vivencies d'infancia y adolescencía del autor. Otres obres tienen un calter catastrofista, coincidiendo con un mal estau d'animu del autor que tuvo dalgún tiempu amalicáu de la columna.

La tercera etapa, siguiendo a Carlos Rubiera, coincidiría col definitivu desapegu del autor polo autobiográfico y l'afitamientu de l'acción y los personaxes nel mundu urbanu y la superación del derrotismu anterior gracies al inxeniu y la ironía.

Andrés Solar ganó bien de concursos colos sos cuentos. El más importante de toos foi'l Segundu Concursu de Narraciones Curties n'Asturianu, entamau pola entós Diputación d'Asturies, con Xuan y Xuanín.




narrador 2