Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Andrés poeta



undefined

Andrés Solar saltó de los poemes deprendíos de mala gana na escuela a la llectura de poetes como Pablo Neruda nuna transición qu'entamó dempués del so contactu col movimientu asturianista. La cabeza empezó a referve-y, enllena d'un mundu hasta esi momentu desconocíu. Escribiendo de mano en soportes de lo más inverosímil (un cachu cartón, les orielles d'una fueya de periódicu...), los sos pensamientos, les sos preocupaciones, fueren garrando forma lliteraria.

De too ello conservamos, no que tien de ver cola poesía, cuarenta poemes. Son los más d'ellos composiciones cencielles, de versu llibre, ensin rima. Munches nun tienen gran cosa qu'emponderar, son la obra del qu'entama dempués de pegar esi gran saltu nel vacíu qu'él dio. Son poesíes que güelen a prau, cencielles, como él lo yera, que nun saben d'artificios nin refinamientos, que van direutes al corazón. Andrés pinta nelles la soledá, l'amor, l'amistá, los deseyos y desesperos qu'a la so vida aportaben, pero nun lo fai cola ellaboración d'un pintor avezáu, conocedor de los rellavicos de la lluz y la mestura de colores; failo con una cenciella casa de llapiceros de los de tola vida, los que toos usemos dalguna vez detrás d'un pupitre.



undefined