¡Saca la llingua 2009!
Participantes
Los Sestos Alcuentros de la Mocedá cola Llingua, "Saca la Llingua" ficiéronse'l 28 d'abril nel Muséu del Pueblu d'Asturies. Más de 550 mozos y moces de los trece Institutos de Xixón participaron nuna xornada lúdico-pedagóxica cola que s'intenta averar la llingua asturiana a la mocedá de manera prestosa. La Oficina Municipal de la Llingua organiza, con gran éxitu, esta actividá dende hai seis años.
Esti añu participaron:
| Institutu | Participantes |
|---|---|
| IES Calderón de la Barca | 33 |
| IES Doña Jimena | 40 |
| IES Montevil | 70 |
| IES Padre Feijoo | 44 |
| IES Roces | 40 |
| IES Rosario Acuña | 36 |
| IES Universidad Laboral | 90 |
| IES Emilio Alarcos | 24 |
| IES Mata Jove | 70 |
| IES Fernández Vallín | 33 |
| IES Número 1 | 112 |
| IES Jovellanos | 18 |
| Colexu San Lorenzo | 57 |
| TOTAL | 562 |
Actividaes
Estes son les actividaes que destacaron esti añu:
- Xuegos Tradicionales: nel prau del muséu ficiéronse xuegos y deportes tradicionales como los bolos, la llave, los zancos, la rana, el tiru cuerda, el tiru al palu...
- Yinkana astronómica: tuvieron que trabayar a comuña pa dir perpasando les distintes pruebes qu'enllenen los espacios del Pueblu d'Asturies y que tienen que ver cola astronomía y la cultura asturiana.
- Actuación d'un monologuista: Carlos García Alba, el monologuista conocíu como Cellero, recuperó un de los sos personaxes más famosos "El Pola" pa que nos cuente la so visión del mundu.
- Karaoke: esti añu fueron los mozos y moces participantes los encargaos de pesllar a lo grande los alcuentros coles sos voces y cantares.
