Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xuegos didáuticos ganadores


Ganadores del Concursu 2012-2013

La Oficina de Normalización Llingüística de Xixón vien entamando dende va años el concursu Vas velo, trebeyos pal aula que consiste na preparación de materiales didáuticos pa trabayar la llingua asturiana nel aula.

Nesta sesta edición presentáronse mozos y moces de dellos institutos del conceyu. El premiu consistió nun viaxe a Miranda do Douro pa la clase de los/es ganadores y la publicación del so trabayu.

El trabayu ganador d’esti añu foi: ¡QUE NUN TE PESQUEN! del que son autores: Ana Mª Fanjul Rodríguez, Patricia García Fernández, Sonia Mª García García, Jhonatan García Pelaez, Rui Pinto Guedes de Oliveira, Daniel Manzano Amieva, Almudena Martínez Rúa, Christian Morán Velázquez y David Soto Gómez del IES Montevil, cola coordinación de la profesora Sonia Mora González.

El xuráu valoró positivamente la presentación mui ellaborada y orixinal del trabayu, los temes variaos de los conteníos y centros d’interés que planteguen. El xuráu entendió tamién que ye mui entreteníu y didáuticu colo que pue ser una bona ferramienta pa les clases de los caberos cursos d'Educación Primaria, pa la E.S.O. y pal Bachiller, al tiempu qu’ufierta la posibilidá de trabayar el pallabreru de la mar y los pexes, los refranes y frases feches y plantega cuestiones que posibiliten el conocimientu del patrimoniu cultural asturianu, sobremanera no que tien de ver colos vezos , tradiciones y costumes marineres y colos conceyos marineros d’Asturies.

Hai que valorar tamién mui positivamente’l trabayu de tol alumnáu y de los y les profesores d’asturianu que contribuyeron a qu’esta sesta edición del concursu tuviere un nivel tan altu, polo qu’hai que felicitar igual a ganadores como al restu de participantes y animalos a participar n’ediciones vinientes.


Ganadores del Concursu 2011-2012

AntroxamosEsti ye’l quintu añu que se fai’l concursu, que consiste na preparación de materiales escolares pa trabayar la llingua asturiana nel aula. Presentáronse mozos y moces de dellos institutos de la ciudá participantes nesti concursu, como l'IES Nu 1, l'IES Fernández Vallín y l'IES Padre Feijoo, y el premiu consistió nuna seleición de discos n’asturianu y na publicación del trabayu ganador.

El trabayu ganador d’esti añu fue: “¿ANTROXAMOS?” un prestosu percorríu peles tradiciones del antroxu asturianu entemecíu con refranes y espresiones de la nuestra llingua al rodiu la comedera. D’esti trabayu son autores: Gaël Acebal Anta de terceru d’ESO, Beatriz Riesco Valcárcel de terceru d’ESO, Lucía Aroa Alejos García de cuartu d’ESO y José Antonio Brito Molina de cuartu d’ESO del IES númberu 1.

El xuráu valoró positivamente la presentación mui ellaborada y orixinal d’entrambos trabayos, los temes variaos de los conteníos y centros d’interés que planteguen. El xuráu entendió tamién que ye mui entreteníu y didáuticu colo que pue ser una bona ferramienta pa les clases de los caberos cursos d'Educación Primaria, pa la E.S.O. y pal Bachiller, al tiempu qu’ufierta la posibilidá de trabayar el pallabreru de la comedera, los refranes y dichos d’iviernu y plantega cuestiones que posibiliten el conocimientu del patrimoniu cultural asturianu, sobremanera no que tien de ver cola pintura y les fiestes d’antroxu.

Hai que valorar tamién mui positivamente’l trabayu de tol alumnáu y de los y les profesores d’asturianu que contribuyeron a qu’esta quinta edición del concursu tuviere un nivel tan altu, polo qu’hai que felicitar igual a ganadores como al restu de participantes y animalos a participar n’ediciones vinientes.


Ganadores del Concursu 2009-2010

Los trabayos ganadores d'esti añu fueron: ASTURIES, PARAÍSU MITOLÓXICU del que son autores: Iván Batalla Tuero, Iyán Caldevilla Rodríguez, Alberto Hilario Díaz, Arturo Paraja Ruiz, Rudney Weslley Santos de Souza Lima, Adrían Vélez Fernández y Laura González García, de terceru de la ESO del I.E.S. Calderón de la Barca; y el trabayu LA QUINTA DEL TÍU VALLÍN del que son autores: Francisco José Franco Díaz, Érika Marcela Guevara Solorzano, Juha Peón Díaz, Noemí Pérez Alves, Santiago Raposo Moreno, Jairo Segurola Cano, Jossy Briones Iglesias, Tatiana Elizabeth Curimilma Guamán, Mario Martínez Fernández, Pilsy Pérez Terrero, Johana Paola Pesántez Velín, Adriana Mariel Vargas Cadima, de terceru de la ESO del I.E.S. Fernández Vallín.

- Portada xuegu QUINTA a 200.jpg  - Portada xuegu MITOLOXICU a 200.jpg

El xuráu valoró positivamente la presentación mui ellaborada y orixinal d'entrambos trabayos, los temes variaos de los conteníos y centros d'interés que planteguen, que van dende la lliteratura hasta la gramática, pasando pela xeografía, los refranes, la mitoloxía y la historia d'Asturies en xeneral. El xuráu entendió tamién que son mui entreteníos y didáuticos colo que pue ser una bona ferramienta pa les clases de los caberos cursos d'Educación Primaria, pa la E.S.O. y pal Bachiller. Ufierten la posibilidá de trabayar la espresión oral en distintes situaciones de comunicación, xueguen tamién col pallabreru y planteguen cuestiones que posibiliten el conocimientu del patrimoniu cultural asturianu.


Ganadores del Concursu 2008-2009

- Xuegu EN PORRICA a 200.jpgEl xuráu, dempués de lleer, analizar y valorar con procuru los trabayos que se presentaron acordó por mayoría de les persones presentes na xunta, declarar como trabayu ganador: NUN QUEDES EN PORRICA, del que son autores: Adrián Marcos Rodríguez, Aida Seiz Rodríguez, Aleksei Berajano Santos, Fernando Javier solís Brignardello, Jacqueline Díaz gonzález, Jennifer Nava Paniceres, Marco Antonio Calvín Antuña, Miguel Álvarez Filgueiras, Mor Fasa Fall, Sara Martín Hevia y Yolanda García Álvarez Pérez, de terceru de la ESO del I.E.S. Padre Feijoo.

El xuráu valoró positivamente la presentación mui ellaborada y orixinal del trabayu, venceyada col traxe tradicional asturianu, los temes variaos de los conteníos y centros d'interés que planteguen, que van dende la lliteratura hasta la gramática, pasando pela xeografía, los refranes y la historia d'Asturies en xeneral. El xuráu entendió tamién que ye mui entreteníu y didáuticu colo que pue ser una bona ferramienta pa les clases de los caberos cursos d'Educación Primaria, pa la E.S.O. y pal Bachiller. Ufierta la posibilidá de trabayar la espresión oral en distintes situaciones de comunicación, xuega tamién col pallabreru y plantega cuestiones que posibiliten el conocimientu del patrimoniu cultural asturianu.

Igualmente hai que valorar mui positivamente'l trabayu de tolos alumnos y alumnes, maestros y maestres d'asturianu que contribuyeron a qu'esta tercer edición del concursu tuviere un nivel tal altu, polo que felicitamos tanto a los ganadores como a los que participaron y animámoslos a siguir trabayando tan guapo y tan bien pola llingua asturiana n'ediciones vinientes.


Ganadores del Concursu 2007-2008

- XUEGU GUELI a 200.jpgEl xuráu, dempués de valorar los trabayos presentaos declaró ganador al trabayu: ¿QUÉ HAI PA COMER GÜELI?.

AUTORES:
Brenda Díaz Rodríguez, Noelia Expósito Marqués, Jonatan Fernández Pendones, Manuel Ángel Fuertes Bernardo, Abel García Nicolás, Irene García Pérez y Sandra González Rosado.

INSTITUTU:
Alumnos/es de cuartu cursu de la E.S.O. del I.E.S. Padre Feijoo. El xuráu declaró que'l xuegu propuestu favorez l'usu y afitamientu del pallabreru rellacionáu cola comida.

Valoróse la orixinalidá de la presentación, el centru d'interés y les so derivaciones (refranes, frases feches, recetes, etc.). Ye mui entreteníu y didáuticu colo que pue ser una bona ferramienta pa les clases de los caberos cursos d'Educación Primaria, pa la E.S.O. y pal Bachiller.

Ufierta la posibilidá de trabayar la espresión oral en distintes situaciones de comunicación y plantega cuestiones que posibiliten el conocimientu de la historia, de les costumes y vezos y del patrimoniu cultural asturianu en xeneral.


Ganadores del Concursu 2006-2007

El xuráu, dempués de lleer y valorar los trabayos que se presentaron acordó por mayoría de les persones presentes na xunta, declarar como trabayos ganadores ex aequo: DE CORIU A CORIU Y EL TIRU YE MÍU, del que son autores Cristian Argüelles, Adrián Gutiérrez, José Luis Llera, Mª Eulalia Pérez, Nerea Rodríguez, Rubén Suárez y Judit Vicente, alumnos y alumnes de segundu cursu d'ESO del I.E.S. Dña. Ximena y EL XUEGU DE LA LLINGUA, del que ye autora Eva Fernández, alumna de terceru d'ESO del I.E.S. Emilio Alarcos.

- XUEGU CORIU a 200.jpg - XUEGU LLINGUA a 200.jpg

El xuráu valoró positivamente la presentación de los trabayos, que fueren prestosos y entreteníos al tiempu y sobremanera l'aplicación didáutica que puedan tener nel aula, porque'l primeru d'ellos favorez l'usu y afitamientu de determinaes espresiones asturianes al tiempu que trabaya centros d'interés concretos, como son los animales y la casería, colo que pue ser una bona ferramienta pa les clases de Primaria, mentanto que'l segundu ufierta la posibilidá de trabayar la espresión oral en distintes situaciones de comunicación, xuega tamién col pallabreu específicu en delles actividaes y plantega cuestiones que posibiliten el conocimientu del patrimoniu cultural asturianu.