Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.


¡Qué cuentu tienes! Esposiciones itinerantes


Foto de esposiciones didáutiques itinerantes de la Oficina Municipal de la LlinguaLes esposiciones itinerantes de la Oficina de Normalización Llingüística tán pensaes pa trabayar la llingua asturiana al mesmu tiempu que se fomenta la pasión por lleer. Empréstense a los colexos de Xixón unos díes y tamién tán presentes en salones específicos pa la infancia, como Mercaplana, Fantasium o la Feria Internacional de Muestres d'Asturies.

Les esposiciones tán formaes por un conxuntu de cuadros, basaos en cuentos escritos n'asturianu, y que tienen imáxenes prestoses pa los neños y les neñes. Dalgunes acompáñense de móviles o figures de cartón piedra, otres lleven una sesión de cuentacuentos o materiales didáuticos (fiches de trabayu, cuadernos didáuticos) pa trabayar na clas de Llingua Asturiana.




Esposiciones pal cursu 2017-18:

Y estes son les esposiciones que tenemos pa esti cursu:


"MENÚ DE VERSOS"

menu de versos


Ye un llibru infantil escritu en versu, fechu, según la so autora con intención lliteraria. La hestoria del llibru trescurre nun comedor escolar onde se trata con humor los menús que se ufierten pa los distintos grupos de neños.

Menú de versos Testu: Esther García. Illustraciones: Borja Sauras. Edita: Pinta Pintar




"LA NEÑA DE LES TRENCES AL REVÉS"

Trences

Basáu nel cuentu d'Iris Díaz Trancho editáu por Trabe con dibuxos de Sara Rosado. Ye un material afayadizo pa trabayar les llingües del mundu y la diversidá cultural. Les especificaciones téuniques son les siguientes: componse de catorce cuadros (doce de 65x42 cm y dos de 40x42 com) acompañáu d'un plotter de 46x23 cm y una figura de cartón piedra.



"AQUEL VIAXE ESTRAORDINARIU (QUE CAMUDÓ AL HOME SOLITARIU)"

espo aquerl viaxe sala tres

Esti llibru convídate a disfrutar d’un prestosu viaxe alredor del mundu. Cada vuelta de fueya ye un xiru al rodiu de la música y les lletres de los Beatles. Too nes sos precioses páxines ye un homenaxe a George, Ringo, Paul y John, la banda de los corazones solitarios.

Testu: Lucía Tejerina. Ilustraciones: María Díaz Perera. Edita: Impronta



"PULGARINA"


Pulgarina
"Pulgarina" ye una historia creada pola escritora y música Alicia Álvarez. Trátase d’un discu-llibru con siete cantares de pop intimista y con ilustraciones d’Alicia Varela. Ye una referencia de "La Fabriquina, creaciones culturales" y na so versión asturiana ta editada por Araz.net,

















Otres esposiciones que se ficieron n'años anteriores:


"Les coses que-y presten a Fran"

Autora Berta Piñán; dibuxos: Lucía Bande. Edita: Trabe. La esposición de 13 cuadros acompáñase de delles figures de papel maché. P'alumnáu de terceru a sestu de primaria.

PDF: Guía didáutica "Les coses que-y presten a Fran"

"Mansín"

Esta esposición tien diez cuadros (caún mide 52 x 18 cm) acompañaos de tres figures grandes de cartón pluma (caúna mide 90 x 90 cm). Va acompañada de guía didáutica pa trabayar en clase. Pa escolinos y escolines de terceru a sestu de primaria.
Autora y dibuxos: Carla Menéndez Fernández. Edita: Trabe.

PDF: Guía didáutica "Mansín"

"El poema que cayó a la mar"

Inspirada nel llibru del mesmu títulu escritu por Aurelio González Ovies ya ilustráu por Ester Sánchez, y qu'edita Pintar Pintar.

Son once cuadros (50 x 35 cm.) más delles figures de papel maché colos pexes que salen nel cuentu.


"La llegada"

La llegada ye un llibru nel que l’autora fai alcordanza del pá. Son 8 cuadros (50 x 35 cm) más una figura del coche que apaez nel cuentu (100 x 51 x 50 cm).

Autora: MarMartín / Debuxos: Anxelu González / Edita: Pintar Pintar

PDF: Guia didautica La Llegada


"Vicente García Oliva, un paisanu con munchu cuentu"

Esposición ufiertada hasta'l cursu 2016-2017 na que se recueye información sobre Vicente García Oliva, fecha dende la Oficina de Normalización Llingüística colos trabayos d'una de les entrugues del Concursu "Ruempi la mollera" del cursu 2012-2013.

"Xosefa Xovellanos"

Esta esposición ufiertada hasta'l cursu 2016-2017, acompañada de guía didáutica, recueye los dibuxos fechos pelos escolinos y escolines del conceyu pal concursu “Ruempi la mollera” del añu 2011-2012. Pente medies de 4 plotters en soporte autoenrollable con bolsa de tresporte, va poder conocese más de la vida y obra d’esta muyer de les lletres asturianes.

PDF: Guía didáutica "Xosefa Xovellanos, una muyer de lletres"

"Xovellanos"

Esposición na que se recueye información sobre Xovellanos, fecha dende la Oficina Municipal de la Llingua colos trabayos d'una de les entrugues del Concursu "Ruempi la mollera" del cursu 2010-2011.
La esposición tien cuatro ploters en soporte autoenrollable con bolsa de tresporte.
Pa escolinos y escolines de terceru a sestu de Primaria. Va acompañada de material didáuticu.

PDF: Guía didáutica "Xovellanos"

"Ciudaes hermanaes"

Esposición na que se recueye información sobre les ciudaes hermanaes con Xixón, fecha dende la Oficina Municipal de la Llingua colos trabayos d'una de les entrugues del concursu "Ruempi la mollera" del cursu 2009-2010.

La esposición tien 4 plotters ensoporte autoenrollable con bolsa de tresporte. Va acompañada de guía didáutica pa trabayar en clase.

PDF: Guía didáutica "Les hermanes de Xixón"


"Un llugar na tierra"

Autor: Pablo Antón Marín Estrada. Debuxos: Pablo Amargo. Edita: Ámbitu.
Un llugar na tierra ye un llibru que nos fala de les persones y de cómo viven y muden de llugar. Con esta esposición vamos decatanos de que tol mundu busca un sitiu onde afayase en casa.

"Agora Quini, agora"

Esposición na que se recueye la vida del renomáu futbolista y fecha dende la Oficina Municipal de la llingua colos trabayos d'una de les entrugues del concursu "Ruempi la mollera" del cursu 2008-09.
La esposición tien 4 plotters en soporte autoenrollable con bolsa de tresporte. P'alumnáu de terceru a sestu de primaria.

"Poemes de carambelu"

Esposición de trece cuadros y un móvil de papel maché que s'acompaña d'un taller de cuentacuentos musical.
Basada en el llibru de Marisa López Cid con dibuxos de Ester Sánchez y editáu por Pintar-Pintar.
Trabaya la poesía en llingua asturiana de manera prestosa pa los neños y les neñes de primeru y segundu d'Educación Infantil.

"La neña de les trences al revés"

Son catorce cuadros (doce de 55 x 40 cm. y dos de 30 x 30 cm.) acompañaos d'un plotter de 46 x 23 cm. y una figura de cartón piedra.
Basáu nel cuentu d'Iris Díaz Trancho editáu por Trabe con dibuxos de Sara Rosado. Ye un material afayadizu pa trabayar les llingües del mundu y la diversidá cultural.

"La estrella que subiere al cielu"

Ye una aplicación didáctica del llibru del mesmu títulu de Xuan Xosé Sánchez Vicente, con dibuxos de Luis Manuel Díaz Rodríguez, editáu por Trabe.
Un movil y quince cuadros (60 x 40 cm.) que s'acompañen de fiches de trabayu pa tolos/es escolinos y escolines.
Fiches: Trátase d'una riestra d'actividaes pa que los neños y les neñes d'Educación Primaria trabayen y deprendan la llingua asturiana. Tien dibuxos mui guapos y fiches de lóxica, cantares, cosadielles...

"El Trasgu"

Esposición basada nel cuentu "El Trasgu"de Reyes Tuero y dibuxos de Berto Peña, editáu por VTP.
Son trece cuadros (60 x 40 cm.) y una figura de cartón piedra que representa al Trasgu.
Tien una colección de fiches con guapes y prestoses actividaes protagonizaes por dalgún personaxe de la nuestra mitoloxía o de los nuestros cuentos, col enfotu de deprender dalgo más d'ellos.

"Mª Teresa González, una collacia ente nós"

Esposición basada nos trabayos que se presentaron a la primer entruga del concursu "Ruempi la mollera" qu'organiza la Oficina Municipal de la Llingua de Gijón/Xixón en collaboración coles escueles del conceyu sobre la escritora xixonesa María Teresa González.
Nesta esposición entemécense los testos de l'autora colos dibuxos de los neños y neñes, p'asina face-y un sentíu homenaxe.
Modificar aplicación