Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

De la panoya al platu


Taller de cocina asturiana: ¡De la Panoya al Platu! Taller de Tortos

Cenciellu taller de cocina onde los escolinos y les escolines, col sofitu d'una monitora especialista y del profesor/a fadrán tortos dulces y salaos nuna plancha.

Al tiempu ellaboróse un pequeñu álbum de pegadielles con un pallabreru mui cenciellu pa los neños y les neñes y les recetes de los tortos.

Oxetivos

Averar a los más pequeños a la llingua asturiana pente medies de la cocina.

Actividaes

  • Desplicación del procesu d'ellaboración de la fariña.
  • Realización de tortos dulces y salaos.
  • Rellenar un llibru de pegadielles.

¿Cómo facer un tortu de maíz?

  • Necesites 300 gr. de fariña de maíz, 200 gr. de fariña de trigu, aceite d'oliva, agua y sal.
  • Hai qu'entemecer les dos fariñes, añádese una cuyarina sal y échase-y agua templao hasta formar una masa que se puea manexar.
  • Déxase posar envuelto nun rodiellu húmedu una media hora.
  • Dáse-yos forma a los tortos y fríense con bien d'aceite d'oliva.
- 2.jpg  - 3.jpg- 5.jpg  - 6.jpg

Tipos de Tortos

Con esta receta tienes la base del tortu. Si agora añadimos dalgunos ingredientes más tendremos tortos salaos o tortos dulces:

  • Pal tortu saláu. güevu cocíu, cenadoria, aceitunes, pepininos, cebollines, mayonesa, tomate, remolacha...
  • Pal tortu dulce: nata, chicolate, cocu, carambelu, cereales, compota de mazana...
- 7.jpg  - 8.jpg  - 9.jpg

- 10.jpg  - 11.jpg  - 12.jpg

Fiches de trabayu

Los neños y neñes llevaron pa en casa unes fiches didáutiques mui prestoses con pegadielles y recetes pa facer los tortos.
Estes fiches son les nueves:

Mandilficha 1
Ficha 2

Equí podéis ver les fiches de les ediciones anteriores de "De la panoya al platu"

    - 14.jpg  - 15.jpg   

- 16.jpg  - 18.jpg



 

Cursu 2014-2015

Esti cursu diéronse 18 talleres en 13 colexos del conceyu de Xixón, nos qu'en total participaron 488 escolines y escolinos. Los coles fueron: C. San Miguel, CP Noega, CP Ramón de Campoamor, CP Jacinto Benabente, CP Atalía, CP Cabueñes, CP Príncipe de Asturias, CP Honesto Batalón, CP Xove, CP Montevil, CEE Castiello y CP Ramón Menéndez Pidal.

Dexámosvos estes semeyes pa que podáis ver como se trabayó nel aula esta guapa actividá

panoya1 panoya2 panoya3

panoya4 panoya5



Cursu 2013-2014

Esti cursu diéronse 25 talleres en 14 colexos del conceyu de Xixón, nos que'n total participaron 575 escolines y escolinos. Los coles fueron: EEI Gloria Fuertes, EEI Alejandro Casona, CP Santa Olaya, C. San Miguel, CP Noega, CP Tremañes, CP Antonio Machado, CP Atalía, CP Rey Pelayo, CP El Llano, CP Los Pericones y CP Ramón Menéndez Pidal. Como novedá tuvimos la collabración de tres grandes cocineros del conceyu.

Esther Manzano, la primera chef asturiana con estrella Michelin, Gonzalo Pañeda, temién con estrella Michelin y Alejandro García Urrutia, a toos ellos nueso mayor agradecimientu pol so collaboración

Dexámosvos estes semeyes pa que podáis ver como se trabaya nel aula esta guapa actividá

De la panoya al platu  De la panoya al platu 2 De la panoya al platu 3 De la panoya al platu 4


Cursu 2012-2013

Esti cursu diéronse 25 talleres en 13 colexos del conceyu de Xixón nos que en total participaron 575 escolines y escolinos. Los coles fueron: C. San Lorenzo, CP Eduardo Martínez Torner, CP Gaspar Melchor de Xovellanos, CP Xove, CP Julián Gómez Elisburu, CP Antonio Machado, CP Montiana, CP Jacinto Benavente, CP Laviada, CP Santa Olaya, CP Río Piles, CP Ramón Menéndez Pidal y la EEI Gloria Fuertes.

Por cortesía de Jesús, el maestru de Llingua Asturiana del Colexu Santa Olaya, dexámosvos esti enllaz onde pueden vese dalgunes semeyes de l'actividá: Semeyes de la panoya al platu nel CP Santa Olaya

Cursu 2011-2012

Esti cursu diéronse 24 talleres en 14 colexos del conceyu de Xixón nos que en total participaron 548 escolines y escolinos. Los coles fueron: C. San Lorenzo, CP Ramón de Campoamor, CP Honesto Batalón, CP Xove, CP Asturias, CP Atalía, CP El Llano, CP Jacinto Benavente, CP Laviada, CP Los Pericones, CP Rey Pelayo, CP Tremañes, CP Educación Especial de Castiello y la EEI Gloria Fuertes.

Cursu 2010-2011

Esti añu participaron 20 colexos, ente los que tan: C. Patronato San José, C. San Lorenzo, CP Antonio Machado, CP Asturias, CP Cabueñes, CP Eduardo Martínez Torner, CP El Llano, CP Rey Pelayo, CP Santa Olaya y la EEI Gloria Fuertes. En total esfrutaron d'esti taller 457 alumnos/es.

Panoya_al_platu_2011_1_a_175  Panoya_al_platu_2011_2_a_175  Panoya_al_platu_2011_3_a_175  Panoya_al_platu_2011_4_a_175

Cursu 2009-2010

Impartiéronse 20 talleres al alumnáu de quintu cursu d'Educación Infantil de 11 colexos de Xixón: CP Begoña, CP El Llano, CP Jacinto Benavente, CP Los Pericones, CP Montevil, CP Nicanor Piñole, CP Príncipe de Asturias, CP Xove, EEI Alejandro Casona, EEI Gloria Fuertes. Participaron 449 alumnos/es.

      - 19.jpg       - 21.jpg  - 20.jpg

- 22.jpg  - 23.jpg  - 24.jpg

Cursu 2008-2009

Alumnáu del tercer cursu d'Educación Infantil de Xixón: CP Rey Pelayo, CP Atalía, CP Xove, CP Los Pericones, C. Patronato San José, C. San Lorenzo, CP Montiana, CP El Llano y CP Ramón de Campoamor. Participaron 271 alumnos/es.

Cursu 2007-2008

Alumnáu del tercer cursu d'Educación Infantil de Xixón: CP Rey Pelayo, CP Begoña, CP Cabueñes, CP Honesto batalón, CP Jovellanos, CP Nicanor Piñole y Colexu Educación Especial Sanatorio Marítimo. Participaron 274 alumnos/es.

Nos cursos escolares 2005-2006 y 2006-2007 la participación de les escueles cumplió toles espectatives xeneraes, esperamos que l'ésitu siga munchu tiempu.

Cursu 2006-2007

Nel cursu escolar 2006-2007 participaron el CP Rey Pelayo, CP Begoña, CP Cabueñes, CP Honesto Batalón, CP Jovellanos, CP Nicanor Piñole y CP Sanatorio Marítimo.

Cursu 2005-2006

Nel cursu escolar 2005-2006 participaron les escueles: CP Asturias, CP Cabueñes, CP Montevil y CP Severo Ochoa.