Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xixónpolis

Esta actividá ta pensada pa los grupos escolares de sestu cursu d'Educación Primaria y nel xuegu tendrán de percorrer un tableru xigante de la nuestra ciudá.

Ye una actividá pa que los escolinos y escolines conozan, al traviés d'un xuegu, los barrios y distritos de la ciudá de Xixón. L'actividá ye una forma prestosa y entretenida de conocer dalgo de la historia de los barrios de Xixón y el porqué de los sos topónimos, al empar que xueguen y participen.

Nel xuegu tendrán de percorrer un tableru xigante de la nuestra ciudá al tiempu que van mercando los sitios más significativos de los barrios de Xixón, too ello con desplicaciones.

- Tableru.jpg

Conteníos del xuegu:

  • 1 Dadu.
  • 5 Peones de distintos colores.
  • 100 Billetes.
  • 25 Tarxetes barrios.
  • 63 Tarxetes entrugues.
  • 1 Tableru.

                             - Tarxeta barrios trasera a 250.jpg    - Tarxeta barrios frontal a 250.jpg

- Asturin a 300.jpg

- Tarxeta entruga frontal a 175.jpg     - Tarxeta entruga trasera a 175.jpg

Si quies descargar les normes del xuegu pues facelo calcando nesti enllaz: Normes xuegu xixónpolis

Cursu 2012-2013

Esti cursu foron 324 escolinos y escolines de sestu cursu d'Educación Primaria los participantes nesta cuarta edición de la actividá de Xixónpolis, que se desendolcó del 7 de febreru al 4 de marzu de 2013. Los once colexos participantes nesta ocasión foron el Colexu San Lorenzo, CP Clarín, CP Federico García Lorca, CP Honesto Batalón, CP Nicanor Piñole, CP Río Piles, CP Manuel Martínez Blanco, CP Príncipe de Asturias, CP Santa Olaya, CP Ramón Menéndez Pidal y CP Gaspar Melchor de Jovellanos.

Cursu 2011-2012

Esti cursu foron 312 escolinos y escolines de sestu cursu d'Educación Primaria los participantes nesta tercera edición de la actividá de Xixónpolis. Los nueve colexos participantes nesta ocasión foron el CP El Lloréu, CP Jovellanos, CP Noega, CP Julián Gómez Elisburu, CP Ramón Menéndez Pidal, CP Tremañes, CP Severo Ochoa, CP Ramón de Campoamor y CP Evaristo Valle.

Cursu 2010-2011

Esti cursu foron 323 escolinos y escolines de sestu cursu d'Educación Primaria los participantes na segunda edición de la actividá de Xixónpolis. Los once colexos participantes nesta ocasión foron el CP Antonio Machado, CP Asturias, CP Begoña, CP Cabueñes, CP Manuel Martínez Blanco, CP Montiana, CP Montevil, CP El Llano, CP Jacinto Benavente, CP Príncipe de Asturias, CP Santa Olaya y CP Tremañes.

Xixonpolis_2010

Cursu 2009-2010

Esti cursu foron 287 escolinos y escolines de sestu cursu d'Educación Primaria los participantes nesta primera edición de la actividá de Xixónpolis. Los nueve colexos participantes nesta ocasión foron el CP Antonio Machado, C. San Lorenzo, CP Nicanor Piñole, CP Manuel Martínez Blanco, CP Montevil, CP El Llano, CP Evaristo Valle, CP Atalía y CP Río Piles.

- IMGP0318 xixonpolis.jpg