N'asturianu queda guapo

Esta actividá ta empobinada a les escueles de 0 a 3 años y a los primeros cursos d'educación infantil y consiste nun pallabreru básicu n'imáxenes pa que los más pequeños vayan conociendo y familiarizándose con términos y pallabres venceyaes colo que los arrodia.

Oxetivos:

Potenciar un usu normalizáu per parte de los distintos departamentos que dende l'Ayuntamientu se rellacionen con actividaes que tengan que ver cola educación, sobre manera nos primeros años de vida.
Promover l'usu del asturianu na etapa non obligatoria de la educación y concienciar al profesoráu y a les families de la importancia d'usar l'asturianu nos primeros años de vida.
Concienciar a les escueles infantiles y a la comunidá escolar de la importancia del so papel como axentes de promoción de la llingua asturiana.

Asina tolos años repártense en cásique toles escueles xixoneses unes carpetes con siete llámines rellaciones cola ciudá, el bañu, la escuela, el recréu, la comida y les formes xeométriques, que diben acompañaes d'unos cartelos más grandes con unes prestoses ilustraciones de neños pa trabayar nel aula.