Currículu de l'Asignatura de Llingua Asturiana
Currículu de Llingua Asturiana pa Educación Primaria
Contien los oxetivos, conteníos, criterios d'evaluación y métodos pedagóxicos que regulen la práutica docente nel aula nos seis cursos d'Educación Primaria.Currículu Llingua Asturiana Primaria 2007
Currículu de Llingua Asturiana y Lliteratura pa la E.S.O.
L'asignatura de llingua asturiana y lliteratura tien redactáu'l curriculum pa tolos cursos de la ESO, dende primeru a cuartu d'Educación Secundaria Obligatoria, amuesa los oxetivos, conteníos y los criterios d'evaluación na enseñanza de la llingua oral y la llingua escrita.Currículu Llingua Asturiana Secundaria Obligatoria 2007
Currículu de Llingua Asturiana y Lliteratura pal Bachilleratu
Decretu 72/2004 de 16 de setiembre, modificación del Decretu 70/2002, de 23 de mayu col que s'afita la ordenación y definición del curriculum del Bachilleratu nel Principáu d'Asturies, y apruébase'l curriculum de Llingua Asturiana y Lliteratura.Currículu Bachiller asturianu. Publicóse nel B.O.P.A. Númberu 234 del 7 d'ochobre de 2004. L'asignatura ufiértase como materia optativa.
INSTRUCCIONES de 25 d'abril de 2002, de la Viceconseyería d'Educación, poles que se regulen les enseñances de la Llingua Asturiana y Lliteratura na Educación Primaria nos centros públicos del Principáu d'Asturies.La Viceconseyería d'Educación, al amparu del Estatutu d'Autonomía del Principáu de Asturies, aprobáu pola Llei Orgánica 7/1981, de 30 d'avientu, (B.O.E. 11 de xineru del 1982), modificáu poles Lleis Orgániques 3/1991, de 13 de marzu, 1/1994, de 24 de marzu, y 1/1999, de 5 de xineru, y de la Llei 1/1998, de 23 de marzu, (B.O.P.A. 28 de marzu del 1998), d'Usu y Promoción del Bable/Asturianu, y considerando'l conocimientu de la Llingua y de la Cultura Asturiana como conteníu educativu propiu de la Comunidá, estima qu'ésti tien que figurar na ufierta curricular obligatoria de tolos centros públicos del Principáu d'Asturies.