Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

¿Quién somos?

La Oficina de Normalización Llingüística del Conceyu de Xixón creóse col enfotu de fomentar la normalización, l'usu y la presencia del asturianu en tolos ámbitos de la vida social y  cultural d'una manera activa.

Entendemos esti llabor normalizador como dalgo que nun tien que ser ayeno a les propuestes de los distintos sectores sociales, culturales, económicos, deportivos... d'esti conceyu y entendemos tamién que la llingua asturiana forma parte del nuestru patrimoniu cultural y de la nuestra historia.

Pero, dende esta Oficina queremos promover les midíes necesaries pa dende l'Alministración garantizar la dignificación del asturianu.logoofibyn
  • La Oficina de Normalización Llingüística ye un serviciu pa tolos ciudadanos y toles ciudadanes, creáu pa fomentar la normalización, l'usu y la presencia del asturianu en tolos ámbitos de la vida social y cultural del Conceyu de Xixón.
  • Organiza campañes empobinaes a dellos sectores de la población de Gijón/Xixón: pal comerciu, pa la hostelería, pal deporte, pal turismu,pa les families, pa les escueles d'Educación Primaria ya Infantil, pa los alumnos y alumnes d'Enseñanza Secundaria...
  • Asesora, informa y ayuda a toles persones interesaes na Llingua Asturiana.

¿Qué ye la Llingua Asturiana?

xixon_trasguLa Llingua Asturiana ye un importantísimu patrimoniu cultural coleutivu de tolos asturianos y asturianes que se vien construyendo dende hai sieglos poles distintes xeneraciones y que les venideres tienen de respetar y valorar, porque conocer la propia historia y cultura ayuda a entender y respetar les que son distintes y ayenes.

La Llingua Asturiana ye'l resultáu de la evolución del llatín na zona de la Península Ibérica onde vivieron los ástures na so dómina. Ye fía del llatín y hermana de les otres llingües romances. Como llingua tradicional d'Asturies, supón l'aportación de munches xeneraciones de falantes al mosaicu cultural y llingüísticu d'Europa.