Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Sol nos pomares

Al traviés de la obra lliteraria "Sol nos pomares" va trabayase col alumnáu'l contestu históricu de les migraciones de los sieglos XIX y XX, rellacionándoles coles d'anguaño. Vamos tentar de desaniciar prexuiciosente los escolinos y escolines, averándolos a arquetipos d'enantes (el fugáu, l'emigrante, l'esiliáu, los indianos) y d'agora (l'inmigrante, los refuxaos) y a sentimientos como la señaldá o la soledá, proponiéndo-yos testos, cantares y producciones audiovisuales que reflexen toes estes situaciones.

Llugar: centros educativos
Duración: 2 hores
Númberu máximu d’escolares/actividá: 25

SolPortada


El poemariu

El poemariu de Matías Conde, ta dividíu en cinco partes qu'agrupen un estremáu númberu de poemes. Al títulu de les partes en que vien dividíu añádese-y un subtítulu orientativu del conteníu de les mesmes. Na primer parte asítiense la mayoría de los poemes de calter autobiográficu, onde rescamplen les vivencies de la guerra; na segunda asoma la poesía de tonu llíricu y amorosiegu; y,a lo cabero, l'autor axunta na tercer parte un garrapiellu de poemes humorísticos y narrativos quer efaen anécdotes y cuentiquinos graciosos en versu. La estructura del poemariu ye la siguiente:

I. La sombra de los robles. (Lo eterno) -23 poemes-

II. La lluz de les roses. (Lo llírico) -16 poemes-

III La caleya floría. (El donaire) -12 poemes-

IV. Pómpares nel aire. (Lo efímero) -1 poema-

V. La lluna ente carbayos. (Lo infinito) -1 poema-


Contestu históricu    


Pa la lliteratura asturiana la importancia de Sol en los pomares vien d'aquellos poemes nos que s’amiesta, al conteníu costumista, un testimoniu personal de los acontecimientos vivíos y una parteíntima de la historia. Hasta entós la lliteratura asturiana taba enllena de tópicos qu'emponderaben una vida idílica nel campu, atemporal, ensin nengún conflictu grave, y ensin encadarmase na historia real. Matías Conde ye a inxertar, xunto con esta visión tradicional y bucólica, otra muncho máspropia y pesimista, frutu de la so esperiencia nos recientes acontecimientos bélicos y naciente de la señardá que-y produz l’exiliu al que se ve condergáu.