Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

BACOTEXO

bacotexo


Teléfonu: 620 174 606

Corréu: bacotexo@gmail.com

Enllaz: Myspace  Facebook


Descripción:

Bacotexoye una banda de rock del occidente d'Asturies que canta na llingua de la so tierra,l’eonaviegu o fala del Navia-Eo. Les sos influencies pasen por Queen, Elvis Presley, Ilegales, Tierra de Nadie, Babylon Chàt o Manic Street Preachers.

Musicalmente, dan-y muncha importancia a lesmelodíes vocales y toquen distintos palos dientro del rock, dende ‘l setenterumás clásicu, pasando por temes más esperimentales hasta los aires blues y country.

Nos últimos tiempos vienen adentrándose nesposibilidaes compositives del rock conceptual. Por eso, anque en direutu llevanun soníu básicu de formación de cuartetu (dos guitarres, baxu y batería), lesgrabaciones de los discos enriquécense con arreglos mui variaos: pianu, tecláu,percusiones, pedal steel, vientos, cuerdes, etc.

Asoleyarentres discos hasta’l momentu: A máquina deltempo (2008), Homes invisibles (2011)y A guerra dos mundos (2015).

Foron finalistes nel “Premiu al meyor cantar asturianu2009”, por “Queimar el cielo”. Nominación a grupu revelación del añu nosPremios AMAS 2009. Finalistas nel “Premiu al meyor cantar asturianu 2012”, por“Campos de meiz”. Finalistas nel “Premiu al meyor cantar asturianu 2016”, por “Teatrovalleiro".


DIXEBRA

Dixebra

Contautu: Productora musical Mr. Huesos

Teléfonu: 644 007 566

Corréu: contratacion@mrhuesos.com

Enllaz: Myspace ; Facebook ; Web


Descripción:

Dixebra fúndase'l 6 de xineru de 1987 n'Avilés y dende aquella vien trabayando polo mesmo: llograr afitar un verdaderu rock asturianu y dende l'entamu los sos componentes tienen como oxetivu facer una música comprometida con Asturies, asina lo amuesen nes lletres de los sos cantares y nes actitúes personales.

Nos sos testos reflexen la variada y complexa realidá de la sociedá asturiana, inspirándose en fechos de la historia recién asturiana, inspirándose en fechos de la historia recién asturiana, poro,  nun ye estrañu que nellos heba referencies constanters a la vida política, cultural o llaboral d'Asturies , pero al empar ensin escaecer el compromisu internacionalista y solidariu.

Otra de les principales señes d'identidá de Dixebra ye l'emplegu esclusivu de la llingua asturiana, siendo esti ún de los fautores que-y da más carauter; cuntando amás como collaboradores nes lletres con renomaos escritores de la lliteratura asturiana como Boni  Pérez, Pablo A. Marín Estrada y sobre manera Xandru Fernandez.

Nel so últimu discu incorpórase un nuevu lletrista: Quique Faes. La tercer premisa que define a esta banda ye la incorporación na so instrumentación de la gaita y la inclusión de melodíes tradiciona­les na so música, too ello endolcáu nun rock potente con múltiples influyencies: ska, punk, folk, reggae, rap...

L'estilu de Dixebra pue definise como un soníu fuerte, con un ampliu mestizaxe musical, influyenciáu pola música tradicional y con testos comprometíos en llingua asturiana.

Nestos años Dixebra dio bayura de conciertos per toa Asturies y fuera (Galiza, Euskadi, Cantabria, Castiella, Aragón, Cataluña, Bretaña...). Rescampla que nel añu 1997 actuaron como representantes asturianos nel afamáu Festival Intercélticu de Lorient en Bretaña, onde collecharon perbones crítiques por parte de los medios especializaos, siendo la primer vegada qu'un grupu de rock asturianu participaba en tan importante alcuentru musical celta.

Los más de los aficionaos y críticos coinciden en que Dixebra ye un grupu de direutu, nesi contautu col públicu ye onde meyor se desenvuelven. Les sos actuaciones carauterícense pola participación espontánea de toos, buscando la mayor comunicación posible ente músicos y espeutadores

Tocante a les grabaciones, aparte d'apaecer en vanes, casetes y discos compartíos, el so primer LP llegó en 1990 y llevaba'l títulu de Grie-ska; darréu d'ello vinieron ¿Asturies o trabayes? (1993), Apuntate a la llista (1995), Dieron en duru (1997), Glaya un país (2000) y Sube la marea (2002).

Nel añu 2004 editen un recopilatoriu con versiones y remezcles d'una esbilla del so repertoriu, Cróniques d'un pueblu, acompañáu d'un llibru que resume los sos 17 años de vida. Llueu diba venir otru trabayu discográficu, Ensin novedá (2005), onde siguieron evolucionando musicalmente, aportando nuevos matices a la so particular propuesta, llogrando con él mui bones crítiques.

Nel 2006, pol so venti aniversariu, ficieron un conciertu na so ciudá natal, Avilés, onde axuntaron a unes 3.000 persones y grabaron un discu en direutu N'acción. L'añu siguiente, a finales del 2007, asoleyóse un discu homenaxe onde ventiún grupos estremaos del panorama musical asturianu facíen versiones de cantares del grupu, ¡Salú ya Dixebra! Perversiones (L'Aguañaz).

Asoleyen en 2009 l'álbum Amor incendiariu y en 2014 espublicen Tiempos Modernos, que ye hasta'l momentu l'últimu trabayu que vió la lluz. Anguaño, nesti 2017, tan cellebrando los sos 30 años de trayeutoria cola xira TOUR 87-17.



LA TARRANCHA

La Tarrancha

Contautu: Delfo Valdés

Teléfonu: 679 012 541

Corréu: latarrancha@hotmail.com

Enllaz: Myspace ; Facebook



Descripción:

La base del soniu de La Tarrancha ye’l Ska y el Reggae, pero dándo-y pincelaes que van dende’l funk al swing, dende’l ragga al folk, de la pachanga a la música tradicional.

L'últimu trabayu qu'asoleyaron foi Elefantes na cacía (2016).


LES BARBARES BARBUS

Les Barbares

Contautu: Fernando

Teléfonu: 610 339 443

Corréu: lesbarbaresbarbus@gmail.com

Enllaz: Facebook




Descripción
:

Trátase d'un grupu que fai gypsy jazz con raigaños asturianos.


LOS BERRONES

los berrones


Teléfonu: 985 716 161 ; 985 654 562

Corréu: losberrones@losberrones.com

Enllaz: Web ; Facebook




Descripción:

Los Berrones son un grupu asturianu creadores del estilu d'agro-rocky que canten n’asturianu dende 1988, añu en que se presentaron a un concursu de maquetes de los 40 Principales. Fueron finalistes y como premiu pudieron grabar un singlecon dos canciones. Esti singlebatió récord de ventes n'Asturies y fizo que sacaren el discu Voi dicítelo en 1989 col tema «Nun yes tú»como estrella.

Al añu siguiente grabaren en Madrid el discu Si rompe, que rompa.

Hasta 1993 graben dos discos más. Dende esi añu tomarín un descansu hasta 1998, cuando vuelven con Da-y fuerte. En 1999, con motivu del décimu aniversariu del so primer álbum, editen el recopilatoriu 10 años berrando.

En 2003 sacaron nuevos cancios nel discu República Independiente de Tolivia. En 2004 tuvieron dando conciertos per toa Asturies. Unu d'ellos, el que dieron en agostu na sablera de Poniente en Xixón, foi grabáu y salió más tarde como un doble CD en vivu.


MISIVA


Misiva

Contautu: El garaje producciones

Teléfonu: 696 113 662 / 912 649 566

Corréu: info@elgarajeproducciones.com ; elgarajeproducciones@gmail.com

Enllaz: Web ; Facebook



Descripción:

Misiva ye un grupu moscón de punk rock que surde a finales de 2007. Ta formao por cuatro músicos de los conceyos de Grau y Uviéu, y ñaz col enfotu de facer una música direuta, rápida y reivindicativa. Tien espublizaos tres discos: Parte de la solución (2010), Gran mentira (2013) ya Invencibles (2015); tamién un EP: "Versiones vol. I" (2012); amás d'una "Demo" cola que se dieron conocer nel 2009. Lleven percorrío tola xeografía asturiana y bona parte'l norte la península ibérica. Hai que destacar Madrid, Barcelona y Cáceres como los llugares nos que más lloñe tocaron, ensin cuntar dosconciertos acústicos daos en China nel branu de 2011 aprovechando un períodu de vacaciones. En 2008 Misiva ganó'l concursu de maquetes organizáu pol CIFP CISLAN de Llangréu. Per otru llau, el tema "La casa'l mieu" del discu "Parte de la solución" algamó la nominación al "Premiu al Meyor Cantar n'asturianu" nel añu 2010, faciendo qu'actuaren na gala. Tamién apaez el cantar "Gran mentira" nel primer recopilatoriu del blogue "Punk Rock in Asturiax" y "Foriatu na mio ciudá" nel segundu.



N'OCHEBRE

Nochebre


Teléfonu: 607 915 359

Enllaz: Facebook

Descripción:

N'Ochebre ye un grupu asturianu fundáu en 2006 y compuestu por Diego Puente (guitarra y voz), Carlos Velasco (voz, gaita, sacu y percusiones), Alberto Muñiz (baxo y voces) y Abraham Puente (batería y tecláu).El grupu da un repasu al cancioneru popular asturianu, fusionáu con músiques actuales que van dende’l metal o el rock progresivu, al punk o'l ska.



SKAMA LA REDE

skamaContautu: Salinas

Teléfonu: 619 515 416 ; 677 635 806

Corréu: contratacion@skamalarede.net

Enllaz: Web ; Facebook


Descripción:

Skama la Rede ye, quiciabes, el grupu abanderáu de la segunda xeneración del llamáu"Rock Astur". La banda, nacida n'ochobre del 2003, recueye'l testigu y bebe direutamente de bandes entá n'activo como Dixebra y Los Berrones.

La formación tien conseguío un soníu propiu y reconocible qu'amiesta'l ska y el punk como principales ingredientes pero con dosis xustes y bien aprovechaes de rock, reagge y folk nes que destaca la utilización de dos instrumentos de vientu bien estremaos: la trompeta y la gaita tradicional asturiana.

Pero si dalgo caracteriza a Skama La Rede ye l'emplegu esclusivu de la llingua asturiana nes sos lletres, tanto en composiciones propies como adaptando testos fechos por encargu a collaboradores del grupu como'l periodista y escritor David Artime "Roxu".

El grupu foi formáu al traviés de los contautos ente varios músicos de la fastera costera central asturiana, munchos d'ellos nin siquiera se conocíen personalmente, col enfotu de formar un grupu de bases ska con influyencies rock, punk y folk , emplegando la trompeta y la gaita asturiana nos sos temes. Tamién deciden emplegar esclusivamente l'asturianu como llingua d'espresión, participando ansí na vindicación llingüística del pais.

El nome de la banda vien d'una anéudota asocedida demientres les fiestes de Candás de 2000, cuando un parroquianu apaeció en metanes de la folixa "canciando" enfiláu'l tema Smoke on the water de Deep Purple, pero camudando la lletra por Escama la rede, espresión de los conceyos mariñanes del centru d'Asturies que se refier a l'aición de robar los pexes de la rede d'otru piescador.

El so primer trabayu foi La nuesa hestoria (2005), espublizáu dempués d' editar la so  maqueta, Hestories absurdes (2004). L'añu 2006 entámenlu ganando'l Premiu al Meyor Cantar n'Asturianu d'Asturies.com, por votación popular al tema "Internacionalista".

Col correr del tiempu asoleyen Echaos a la mar (2007), Ye too mentira (2010) y Avante (2014).


SKONTRA

skontra

Teléfonu: 646 439 350 ; 636 268 173

Corréu: contacto@skontra.net

Enllaz: Web ; Facebook



Descripción:

Skontra ye un grupu de música n'asturianu que se formó en Xixón en 2001 y que define'l so estilu como punk-folk.

La banda da los sos primeros pasos nel veranu del 2001 en Xixón, anque nun ye hasta'l veranu del añu siguiente cuando decide dar los sos primeros conciertos. Dende l'entamu apuesten pol amiestu ensin complexos de punk, hardcore, ska, reggae… con ritmos y melodíes del folklor astur, a los que sumen unes lletres de calter comprometíu y reivindicativu, non ensin grandes dosis d'ironía.

Tres dar dellos conciertos, munchos d'ellos na provincia de León, n'ochobre de 2002 el grupu decide facer la so primer maqueta casera, autotitulada Skontra. Xunto al emplegu de la gaita y l'asturianu, sorprende la combinación de dos voces, una masculina (Berto) y otra femenina (Pitxe).

A primeros de 2004 graben dos temes pal recopilatoriu de grupos asturianos Rock'n'Llingua, col sellu L'Aguañaz.

A finales del añu 2005 métense nos Estudios Tutu de Corvera pa grabar lo que va ser el so primer discu, Semeya de la Rabia de la mano de Sergio Rodríguez. Sicasí, esti trabayu nun va ver la lluz hasta l'añu siguiente.

Nel 2007 empecipien la grabación d'un nuevu álbum, que sol títulu de Cantares pa dempués d'una Guerra recueye la evolución de la banda nesa dómina.

Nel añu 2010 espublicen el tercer discu, Mazcando Miseries.

Cabe destacar tamién les collaboraciones que realizaron con otros artistes durante estos años. Asina nos sos discos collaboró xente d'Odio Visceral, Mala Reputación, La Tarrancha, Escuela De Odio, Slum, 40 Barrotes… Coles mesmes, miembros de SKONTRA collaboraron en diverses grabaciones con Circle J, Mala Reputación, Adizión Etílica, I.A.G…


SPANTA LA XENTE

spanta la xente

Contautu: Saúl

Teléfonu: 680 671 040

Corréu: spanta87@gmail.com

Enllaz: Web ; Facebook

Descripción:

Muncho antes del nacimientu d'esti grupu y de los sos primeros pasos como Spanta la Xente, una idea merodeaba ya pola mente d'estos mozos ya inquietos músicos; la idea nun yera otra más que la creación d'una agrupación musical na cual dar rienda suelta a  la so imaxinación y creatividá, pero aún más col oxetivu de pasar unos buenos momentos de la mano d'algo que toos ellos compartiesen y qu'además los divirtiera, esi algo nun podía ser más que'l so amor pola música y la pasión por un instrumentu.

Dende la amistá nació Spanta la Xente, ya que los 4 primeros fundadores del grupu: Saúl (gaita), Rubén (guitarra), Javi (baxu) y Indalecio (acurdión), yeran amigos dende la infancia, y compartíen algo mui importante en común, la música.


TARANUS

Taranus


Teléfonu: 647 45 45 31

Corréu: fromfield@gmail.com

Enllaz: Facebook



Descripción:

Taranus ye un grupu de folk metal d'Asturies, que canta n'asturianu, bretón ya italianu.

Anque la formación d’anguañu ye de 2009, Taranus naz de les ensuañaciones de dellos rapazos nel añu 1994 enfotaos en facer un amiestu ente la musica de Llan de Cubel y Manowar…daqué percomplicao n'aquella Asturies pa unos guaḥes de 16 años.

Dempues de partcipar en delles formaciones de toa triba (La Gueta La Runa, Xana Escura, Lloreu, The Crying Hounds, Amuesa Folk, Oi! N'Ast, etc…). ChusMa y Carballo deciden refundar la idea original 15 años dempués. Pero la realidá asturiana golpea de nuevu al grupu, dellos de los miembros orixinales anque n’activu na musica tan lloñe del llar (Balears, Canaries y Galiza). Los pilancos son superaos con sangre nuevo, Diego Martino (ex-Agonía) y Pindy (ex- Brenga Astur). Entama una nuea etapa en Taranus comu grupu de dark folk, por embargu, el grupu a dulces va faciendo un soniu mas fuerte y brengosu y decidese meter un batería (Jose Manuel Bernabeu). Cola nueva formación se fain cantares con igües enflenciaes por grupos tan estremaos como My Dying Bride, Sick Of It All o In Extremo, pero n’asturianu.

N'avientu de 2012 espublizen lo que ye'l so primer trabayu, grabau nos estudios Bunker de Llanera. Coles collaboraciones de Ramón Lage y Alberto Rionda d'Avalanch.

Cola so participación nel documental "Los colores del Viento" queden nominaos a meyor banda sonora de documental nos premios AMAS.

En febreru de 2013 queden esbillaos pa la final del Premiu al meyor cantar n'asturianu 2013, siendo escoyíos ganadores na gala celebrada nel teatru de la Universidá Llaboral de Xixón el 1 de marzu col cantar «Ensin ti».

OCHOBRE - PUNK ROCK

Ochobre


Teléfonu: 617 278 458

Corréu: asturiesochobre@gmail.com

Enllaz: Facebook



Descripción:

Grupu creáu a entamos de 2016 na redolada de Llanera, pero con músicos tamién d'Uviéu y Morcín, cuando dos componentes que veníen d’un grupu anterior asemeyáu deciden volver intentalo na escena del punk asturianu. Amás de versionar dalgún cantar tradicional y dalguna versión del grupu riosanu Avientu, entamen a componer cantares propios d’estilu variáu pero definiéndose como "punkies", ensin dexar de llau otros xéneros como'l rock o el ska; apostando por unes lletres combatives con fuerte crítica social y usando l’asturianu como única llingua vehicular de les sos composiciones. Agora mesmo, alcuéntrense en procesu de grabación del so primer discu, que va tener por títulu ‘Sobredosis de Grisú’.