Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

 


ANABEL SANTIAGO

anabel santiago


Teléfonu: 618 259 469

Corréu: anlesasa@gmail.com

Enllaz: Musikace  Facebook



Descripción:

Anabel Santiago naz en Buenos Aires (Arxentina), el 18 de xunu del añu 1981, emprimando cantar tonada asturiana a la edá de trelce años. Ye na actualidá la cantadora de tonada con mayor proyeición d'Asturies. Foi nomada Meyor Voz Asturiana del Memorial "Silvino Argüelles" nes ediciones 2003, 2004, 2005 y 2006.

Anabel Santiago, que con namás 19 años contó cola so propia cai n'Uviéu, por mor d'una llarga retafila de gallardones, premios, collaboraciones, xires y grabaciones que vien realizando dende los 12 años.

En 1996, realiza les sos primeres grabaciones xunto a otros campeones de la tonada. Anicia a facese notar en festivales de folk como Lorient o Folk Segovia. En 2000 realiza una importante collaboración con Dixebra, nuna esitosa grabación, Glaya un país. Nel 2001 edita'l so primer trabayu, en clave tradicional, tituláu Tierra de sueños.

Nel 2003, Anabel Santiago edita'l so segundu discu, Al son de la lluna, que supón una revolución dientro del mundu de la tonada y del cantu asturianu.

A finales del añu 2005 sal en CD el so trabayu Anabel Santiago canta a Diamantina Rodríguez, dedicáu a la figura femenina más importante de la música asturiana, Diamantina Rodríguez, y que ye'l primeru qu'algama una distribución per tol territoriu español.

Nel añu 2010 publica'l trabayu tituláu Agora que ye producíu por Héctor Braga.

La última grabación d'Anabel tien llugar nel añu 2015, trátase de Llances de papel, que contien cantares populares asturianos, tangos y otros sobre lletres de José Luis Remis y música de Xulio Arbesú. Nel discu améstense l' indi pop y la tonada en dellos cantares, mientres qu'otros son más marcadamente folk.



CELESTINO ROZADA

celestino



Teléfonu: 690 733 012




Descripción:

Celestino Rozada Tamés (Porrúa, Llanes, 18 de mayu de 1972) ye un cantante asturianu de tonada de formación qu’entamó bien ceo a participar en concursos, quedando en 1998 finalista na categoría de mocedá nos d'Uviéu, L'Entregu, La Nueva o Amieva.

Celestino abriría un paréntesis na so actividá como cantante de tonada, al dir a trabayar a Alemaña. Al tornar, nuevamente entamaría a participar en concursos, siendo animáu a ello pol gran estudiosu de la tonada, Javier el d'Arroes.

En 2007 grabó'l so primer discu, Cantares dende la mayada editáu por Muséu Etnográficu del Oriente. Nuevamente nel 2009 grabaría otru discu Al pie del Cuera. Nesti discu acompaña a Celestino'l gaiteru Vicente Prado, El Pravianu. En 2010 asoleya'l trabayu "Los xatiquinos".

El so cuartu discu, Aquellos güeyos, tien once composiciones, cinco de nueva creación y otres seis tradicionales, ente les que destaca «Volver a Porrúa».


DANIEL GARCÍA DE LA CUESTA

Daniel García


Teléfonu: 626 511 863

Corréu: dagarcues@yahoo.es

Enllaz: Myspace   Facebook



Descripción:

Ye un arpista, violinista, componente de Zapica y antiguu componente de Lliberdón y de Beleño (nos sos años como músicu nesta última formación foi cuando entamo la pasión de García de la Cuesta pol arpa).

Ún de los rostros más populares de la música tradicional asturiana, foi cabezaleru na atención al arpa dientro de les nueses tradiciones musicales.


FERNANDO VALLE ROSO

Fernando ValleContautu: Grupo A Mansalva

Teléfonu: 667 25 26 11

Señes: C/ Rafael Belderrain, 6, 33930 Llangréu

Corréu: info@grupoamansalva.com

Enllaz: Facebook


Descripción:

Fernando Valle Roso (Llangréu, 1986) ye un cantante asturianu de tonada, que vien formando pareya cola so hermana, Marisa, amás de desarrollar trabayu en solitariu como intérprete.

Entamó nel mundu de la tonada nel añu 2000, de la mano d'una de les voces más importantes del so momentu, Alfredo Canga. Dende entós tien algamao una buena riestra de premios nos meyores concursos de canción asturiana.

Los Hermanos Valle Roso vienen faciendo interpretaciones de tonada dialogada (como lo ficiera'l propiu Alfredo Canga xunto con Diagmina Noval) y de tonada a dos voces. Tienen grabaos dellos discos coleutivos con otros autores. Nel añu 2009 graben el so primer discu en comuña, Un pasu más, nel que dan un toque personal a la tonada tradicional. Esta grabación considérase una de les más interesantes de la década dientro del apartáu de renovación del xéneru de l'asturianada.

En 2012 sacó'l CD Camín d'ayures, que recibió'l Premiu de la Crítica RPA 2012 al Meyor Discu del Añu. Quince canciones que repasen la música tradicional, con arreglos mui curiaos, al delláu de pieces orixinales de Macu González o la conocida Carmina de Víctor Manuel.

Fernando asoleyaría'l so segundu trabayu en solitario nel añu 2016, col títulu Con estes y otres palabres con lletres d'Ismael González Arias (sobre poemes d'Ana Ajmotova, Ibn Hazm de Córdoba y Constantin Kavafis) y d'Alberto Vega.


HÉCTOR BRAGA

Hector braga


Teléfonu: 606 839 138

Corréu: infohectorbraga@gmail.com

Enllaz: Web    Facebook




Descripción:

Héctor Braga Corral (La Felguera, Llangréu, ochobre de 1980) ye músicu, etnomusicólogu, profesor de música, cantante de tonada y otros xéneros del folclor tradicional asturianu ya hispánicu.

ye más conocíu comu multiinstrumentista que toca lagaita de rabil o zanfona, la bandurria, l'arpa o la gaita no tocante a estrumentos etnográficos y el violonchelu, la mandolina o'l vigulín no que ciñe a los de tipu clásicu. Nes sos actuaciones canta acompañándose d'estos estrumentos qu'él mesmu toca, y nel so repertoriu atópense tonaes, xácares, romances, y una bona retafila de cantares populares y otros de nueva creación.

La so discografía propia inclúi Encoplando (2004), Trad. ye (2008) y Caminos del mundiu (2010).

Trabayó tamién como productor y arreglista, tocó cola Orquesta de Cámara del Nalón y collaboró nel grupu folk Llangres.



MARILUZ CRISTOBAL CAUNEDO

Mariluz Cristobal Caunedo



Teléfonu: 985 093 936



Descripción:

Mari Luz Cristóbal Caunedo (Máñores-Tinéu, 1948) ye una cantante de tonada qu’a lo llargo la so carrera ganó los concursos de canción asturiana de mayor sonadía del Principáu y representó a Asturies nel Festival Intercélticu de Lorient.

La so carrera discográfica entamóla grabando con dellos de los cantantes más conocíos del panorama musical tradicional asturianu: Enrique García Palicio L'Abogáu, Luis Estrada, Jorge Tuya o José Manuel Collado, y tuvo acompañada a la gaita por Luis d'Arnizo, Manolo Quirós, Alberto Varillas, Vicente Prado El Pravianu o El Gaiteru de Veriña. La grabación de Mari Luz qu'algamó mayor espardimientu foi la realizada xunto con Hevia, nel discu Tierra de nadie, onde apaez cantando nel tema Busindre Reel.

Col Colectivu Muyeres grabó delles canciones nos tres dicos que sacaron al mercáu.

La so primer discu interpretáu por ella dafechu foi la Misa Asturiana de Gaita (grabáu en 1998), nel que Pedro Pangua l'acompañaba al tambor y El Gaiteru de Veriña a la gaita.

Darréu grabó en 1999 Onde la ñublina posa, acompañada por buena parte de los meyores músicos tradicionales d'Asturies, convirtiéndose nun discu que marcaría una diferente manera de facer les coses dientro de la música asturiana.

Otra grabación en solitario foi Cantar de Seronda, del añu 2005 y nel que cuntó cola andecha de 24 músicos pa los 18 cantares incluyíos nel discu. Un nuevu trabayu discográficu en solitario fízolu en 2012, Cancios y asturianes, producíu por Xune Elipe, sobre composiciones de Llorienzu Novo Mier.

Nel añu 2001, Mari Luz recibió'l XI Distintitivu Fini Suárez a la investigación folklórica pola gran calidá del so trabayu, con un absolutu respetu al estilu tradicional que supo xunir coles renovaciones que nos postreros 25 años vienen dándose nel panorama musical asturianu xeneral. Esti premiu nagua por facer acordanza de la folklorista mierense Fini Suárez. Igualmente, nel añu 2011 recibiría'l Premiu de la Crítica RPA a la Meyor Trayectoria.


MARISA VALLE ROSO

Marisa ValleContautu: Santo Grial Producciones

Teléfonu: 618 720 726

Señes: C/ Picasso, 4 – Baxu. 33002 Uviéu

Corréu: info@santogrialproducciones.com

Enllaz: Web


Descripción:

Marisa Valle Roso (La Felguera  Llangréu, 1987) ye una cantante asturiana de tonada, que vien formando pareya col so hermanu, Fernando.

Marisa entamó nel mundude la tonada nel añu 2000, de la mano d'una de les voces más importantes del so momentu, Alfredo Canga. Dende entós tien algamao una buena riestra de premios nos meyores concursos de canción asturiana.

Los Hermanos Valle Roso vienen faciendo interpretaciones de tonada dialogada (como lo ficiera'l propiu Alfredo Canga xunto con Diagmina Noval) y de tonada a dos voces. Tienen grabaos dellos discos colectivos con otros autores. Nel añu 2009 graben el so primer discu en solitario, Un pasu más, nel que dan un toque personal a la tonada tradicional. Esta grabación considérase una de les más interesantes de la década dientro del apartáu de renovación del xéneru de l'asturianada.

Nel añu 2010 ganó los tres primeros concursos de tonada del añu: Cuenca del Caudal, L'Entregu y Ciudá d'Uviéu. Esti mesmu añu ye la encargada, xunto col so hermanu Fernando Valle Roso de dar el conciertu nel actu académicu del Día de les Lletres Asturianes.

En 2011 alzaríase col trunfu na XIX edición del Concursu y Muestra de Folklore "Ciudá d'Uviéu". Esti mesmu añu asoleyó'l so primer discu en solitariu, De lo fondero l'alma, trabayu nel que collaboren el gaiteru Pablo Carrera, Xaime Arias al pianu, Rodrigo Sturm a la guitarra y Estefanía Moro coles percusiones tradicionales y col que ganaría'l Premiu de la Crítica RPA al Meyor Discu de Canción Asturiana de la RPA.



RODRIGO CUEVAS

Rodrigo CuevasContautu: El Cohete Internacional

Teléfonu: 985 205 396

Señes: Cai Mendizábal nu4, 33003 Uviéu

Corréu: consultas@elcohete.com

Enllaz: Twitter

Facebook

Web


Descripción:

RodrigoCuevas, Uviéu 1985, ye un artista total. Total porque la so estrella allumapopulista y pente les barriaes de la contracultura, total porque la soautenticidá fai rescamplar a cualesquier tipu de trampa. RodrigoCuevas ye cantante, compositor, curdionista, percusionista y tien formaciónmusical académica: gráu mediu de pianu y estudios de tuba nel Conservatoriud'Uviéu amás de trés años de sonoloxía en Barcelona.

RodrigoCuevas propónnos una revisión folk bien folixera y venceyada al raigañu con undiscursu incastu, serenu y sexy que nos fai frayar les llendes de lacorreición. Fainos rir col so remangu d'insolente candidez porque, de tan real,paeciera imaxináu.

Cuéntensepor cientos de miles les reproducciones de dalgunes de les sos apaicionestelevisives -en Cantadera y Pieces de TPA, en Hable con Ellas de T5, en Luarde TVG, en Noticias 4 o en Late Motiv de Buenafuente- asina como delos sos videos y, ente ellos, el más reproducíu, l'auténticu fenómenu viral quefoi Verdiciu amás del de El Toro Barroso Kresy Remix, colaautoría de Ricardo Villoria.

El sotrabayu discográficu más reciente, asoleyáu en 2016, ye un EP de cuatro temestituláu Prince of Verdiciu, qu'inclúicuatro mazanazos como cuatro soles: Verdiciu,Xilguerín Parleru, El Toro Barroso y ¡Viva Grecia!.

RodrigoCuevas lleva años col so proyeutu, una aventura qu'entamaba en 2014 conElectrocuplé, espectáculu pa mexase (de risa) que fusiona cabaré, copla,burlesque y, sobre too, cantares tradicionales asturianos travestíos con música de baille que lullevó hasta la consolidación, dende 'l h.ou del underground hasta'l mainstreanmás populista.

La xirade veranu de 2016 foi increíble con decenes de conciertos pa l'acordanza como'lqu'asocedió nuna Plaza Mayor de Xixón a reventar con más de 4500 persones taponando les cais. Decenes d'actuaciones n'escenarios principales,en platós de televisión, n'aldeínes y en ciudaes como Vigo, Salamanca, Llión,Santander, Madrid, Barcelona, Bilbao, Palma de Mallorca, etc.

Rodrigo Cuevas taarguyosu del so títulu d'Embaxador de la Sidra d'Asturies con Denomaciónd'Orixe Protexida en 2016.

Campo y tablas, el documental sobre Rodrigo Cuevas quedirixen Manu García Postigo y Ojos de Hojalata, estrenábase'l 11 de marzu de2017 nel Teatru Campoamor nel marcu del Festival SACO.

Y claroque va siguir alitando a miles de persones de toa edá, sexu y condición nos sosprósimos recitales (Santander, Madrid, Bilbao, Donostia, Mieres, Sequeros,Avilés, Barcelona, Valencia...) oficiando pa tola flora y pa tola fauna, pa laxente de bien y pal 'lumpen' proletariáu.

Naciónos una estrella, yá saben: figuranon clonable, rigurosa, noble y popular. Que nun muerra la so lluz.



TRIU CORZOBEYOS

triu corzobeyos



Teléfonu: 606 059 232

Enllaz: Soundcloud     Facebook




Descripción:

El Tríu Corzobeyos interpreta canción y baile popular asturianu dende un formatu acústicu y siempre respetando letres, formes y ritmos tradicionales. Busca la interacción con un públicu que reconocerá parte de los temes interpretaos.
El Tríu Corzobeyos cantará saltones, xotes y muñeires; habaneres, añaes y boleros. Y también podrá aceutar peticiones del públicu.
El conxuntu ta formáu por componentes d'otres bandes de la escena asturiana como son Pelgares, Blima o Felpeyu y ñaz en Los Martes al Folk, sesión semanal de música folk y acústica que dende fae tres años lleva celebrándose de manera ininterrumpida nel llocal social "Cajademúsicos".