Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

ALFREDO GONZÁLEZ

Alfredo glez


Teléfonu: 686 13 83 88

Corréu: info@algamarproducciones.com

Enllaz: Web Facebook



Descripción:

El Flacu de Turón, como se conoz a esti cantautor, entamó'l so andar musical nel añu 2004 espublizando "La vida de alquiler", un discu autoeditáu y espublizáu solo a nivel rexonal. A finales de 2008 asoleyó "Dudas y precipicios" y pocos meses dempués, ya en 2009, "La nada y tu", discu con lletres n'asturianu. Con estos trabayos consiguió cuatro Premios de la Música Asturiana (meyor lletrista, meyor canción n'otres escenes, meyor videoclip y meyor teclista). Llevó les sos canciones per toa España, terminando en Colombia xunto con Pablo Moro.

En 2011 sacó a la lluz "Dobleces" (con cantares n'asturianu y en castellanu y collaboraciones de dellos escritores asturianos d'anguaño) y ta acabante d'asoleyar "La paciencia del faquir".


CHUS PEDRO

chus pedro

Teléfonu:629 291 760

Corréu: info@chuspedro.com

Enllaz: Web    Facebook




Descripción:

Chus Pedro ye un cantautor de L'Entregu consideráu dientro del grupu del nuevu canciu astur. Forma parte del grupu Nuberu, pero cunta ya con una discografía en solitariu, collaboró con otros grupos, anguaño tien l'espectáculu ¿Cómo yera aquella que dicía...? y ye presentador na TPA (Televisión del Principáu d'Asturies)


ESTHER FONSECA

esther fonseca



Teléfonu: 686 910 518






Descripción
:
Esther Fonseca ye una cantante de música folk y acústica nacida en La Pola Siero. Apaez nel añu 2002 nel panorama musical asturianu con un discu (Agua) qu'amesta la balada céltica y les nueves músiques. Nun yera ésta la primera esperiencia musical nin discográfica d'esta cantante moza. Lloñe quedaben los sos años de neña como integrante de los conocíos grupos de música pa neños Seliquín y Xentiquina, asina como la so participación como voz solista nel discu Xaranzaina, grabáu n'andecha con un garapiellu de músicos mozos del Conservatoriu del Nalón. Sicasí, la nueva propuesta musical d'Esther Fonseca, algama un saltu cualitativu mui importanten a so carrera musical y un nuevu camín qu'axuntar a los yá abiertos n'Asturies, nel tarrén de les nueves propuestes musicales en llingua asturiana.
N'avientu de 2007 presenta, con una actuación, el so últimu discu, Viaxe. La vocalista del grupu folk Llangres acompáñase pa esti viaxe de músicos de sonadía reconocida pa interpretar catorce canciones compuestes por so pá, Nacho Fonseca, fundador del grupu infantilXentiquina.

 


LAFU Y REBECA

lafu y rebeca



Teléfonu: 630 744 194



Descripción:

El grupu fórmenlu Alejandro Lafuente “Lafu” a la guitarra, Rebeca Velasco, que ye la voz, Antón Fernández Ceballos al baxu, Jorge Cambarelli a la batería, Alfonso Vega al clarinete, Nélida Menéndez nos coros y flauta, y Juanjo Abad nos coros y guitarra.
El so discu 'Amor amante', que ye una recopilación d' elegantes y cuidaes versiones, con ambiente de jazz y de cantares d' amor asturianos.


MAPI QUINTANA

Mapi Quintana



Teléfonu: 609 821 308

Señes: Ḷḷena

Enllaz: Web Facebook



Descripción:

Mapi Quintana Bellón ye ensin dubies, ún de los finxos de la música asturiana d' anguaño, y ye amás, l' actual presidenta del 'Colectivo Asturiano de Jazz', asociación fundada en 2011, col propósitu de sirvir como plataforma pa la espresión artística de los nuestros músicos dejazz.

MESTURA

Mestura


Teléfonu: 618 259 469

Corréu: grupomestura@gmail.com

Enllaz: Blog



Descripción:

Mestura comparte col públicu un estilu de música con unos raíces que s'atopen na música tradicional del noroeste peninsular, n'Irlanda y otres árees qu'acueyen la denominada música celta; por embargu, la creatividá y el gustu pola mezcla tienen como resultáu la personalidá del grupu, na que se perciben matices mui variaos: música antigua, jazz, música llatina, flamenco, pop… al traviés d'un repertoriu que busca la participación del públicu.


NACHO VEGAS

Nacho Vegas


Contautu:Marisa Moya (representante)

Teléfonu: 917572647

Corréu:marisa@emergeproducciones.com

Enllaz: Facebook




Descripción
:

Nacho Vegas (Xixón, 9 d'avientu de 1974) ye un músicu asturianu, perimportante nel desendolcu de la música española alternativa ("indie") nos años 1990.

Los entamos musicales de Nacho Vegas alcuéntrense no que se llamó "Xixón Sound": nos caberos años 80, la ciudá de Xixón tornóse un amburante centru cultural nel que xurdieron munchos grupos mozos, como Penélope Trip, Australian Blonde o Dr. Explosion, que naguaben por una música mui llonxana de la que se facía n'España nesa dómina. Baxo l' influxu de Sonic Youth, Dinosaur Jr., Pixies, Hüsker Dü o My Bloody Valentine, procuraben un soníu qu' amestara melodíes nidies y llimpies con un ruíu fechu de violencia y llercia. Nacho Vegas entamó como guitarrista col grupu Eliminator Jr. - nome d'un cantar de Sonic Youth -, qu' espublizó un discu namás, Chándal. D'ehí pasó al grupu col que algamaría abonda reconocencia nel mundiu indie: Manta Ray - otra vuelta un nome de cantar, nesti casu de Pixies-. Con Manta Ray espublizaría, tamién como guitarrista, dellos EPs y los discos Manta Ray (1995) y Pequeñas puertas que se abren, pequeñas puertas que se cierran (1997). Manta Ray ye, ensin dulda, un grupu perimportante na "escena alternativa" española, por tene-y dao costancia ya puxu a un xeitu de música que, munches vegaes y en munches bandes, paecía abondo amateur.

En 1997 aparez Diariu I, el primer discu de Vegas nel so proyectu paralelu Diariu: Nacho Vegas pon música a dellos poemes n'asturianu de Ramón Lluís Bande, col que en 1999, tras colar de Manta Ray, espublizará Diariu II. En 2002 Bande dirixe El fulgor, documental so'l mou creativu de Vegas, nel que la cámara percuerre tou'l camín dende que'l músicu entama a trabayar nuna canción (la mesma que da títulu al documental) hasta que-y da fin y la toca nun conciertu.

En 2001 Nacho Vegas graba, baxo'l so nome, el discu Actos inexplicables. Alcontramos visos de Nacho Vegas como músicu "en collaboración", esti debú amuesa el so caráuter completu: lletres fondes, escures ya intimistes, nel camín de Bob Dylan, Leonard Cohen o Nick Drake, con melodíes seles y agries, que pasen de la guitarra acústica al contrabaxu, y de los istrumentos de vientu a les guitarres frayantes. En 2003 espubliza'l discu doble Cajas de música difíciles de parar, onde les sos traces musicales apaecen yá pernidies, afondaes. Del añu 2005 ye Desaparezca aquí, discu inda más escuru, pero tamién con más retranca ya humor negru; los cantares, llargos (5, 6 ó 7 minutos cadún), somórguiense n'hestories tráxiques y borrinoses, onde nunca nun se sabe cuál ye la verdá.

En 2006 asoleyó'l doble CD El tiempo de las cerezas, discu que comparte col aragonés Enrique Bunbury (ex cantante de Héroes del Silencio) y que lu llevó a pisar por primera vegada tierres azteques, y en 2007 el mini-CD Verano fatal nel que collabora cola cantautora Christina Rosenvinge. En 2008 espublizo El manifiesto desastre.

Nos sos discos emplega tanto l'asturianu como'l castellanu. En 2011 ve la lluz La zona sucia. En 2011 editó l' EP Cómo hacer crac. En 2014 asoleyó un nuevu álbum, Resituación. En 2015 asoleya Canciones populistas, qu'inclúi cantares n'asturianu.

En 2016 actuó nel XXVIII Conciertu pola Oficialidá na Plaza la Catedral d'Uviéu, dexando claro d'esta mientre el so compromisu pa cola llingua asturiana y algamando un gran éxitu de públicu.  A piques d'acabar 2016 collaboró nel discu Bestiariu 2, una propuesta na que collaboren 10 artistes con cantares pa rapacinos y rapacines asoleyada por La Fabriquina.


RAFA LORENZO

Rafa Lorenzo

Teléfonu:680 529 439

Señes: Otero 10 1uB Uviéu

Corréu: rafalorenzocantautor@hotmail.com

Enllaz: Blog



Descripción:

El cantautor asturianu, Rafa Lorenzo, nació na villa de Tinéu. Anicia la so andadura profesional a los 15 años, tocando n'orquestines de romería y verbena, en grupos de folk o acompangando a dalgún curdionista, hasta llegar a fundar en 1974, xunto a otros 3 mozos de la so zona, el grupu Jekes.


TOLI MORILLA

Toli Morilla



Teléfonu: 636 073 603

Enllaz: Web




Descripción:

Toli Morilla ye pa la música asturiana d’anguaño la figura del cantautor na so más amplia espresión, l’estilu qu’amiesta ye un cruce afayadizu ente la música acústica de raigañu americanu, la canción d’autor, el folk y el llau intimista del rock.

El so discu “Diez cantares de Bob Dylan n’asturianu” fai honor al so títulu con diez magnífques versiones n’asturianu autorizaes personalmente por Bob Dylan. Toli Morilla ye de los poquísimos músicos qu' algamó l' autorización oficial y personal de Bob Dylan pa facer versiones tornaes de los sos cantares. Nel añu 2010 recibió'l Premiu de la Crítica RPA al Meyor Discu d'Autor del Añu, por esti álbum. Un disculpa tolos públicos, col qu’algamar esa parte de la obra de Dylan que siempre resultó más escura: Les soslletres.

Toli espublizó’l so primer discu en solitariu “Nunca des la espalda”en 1998, entamando la so ponderación como ún de los meyores compositores asturianos.

Les sos composiciones apaecen, ente otros, nún de los discos más vendíos na hestoria de la música folk internacional, el primer trabayu del gaiteru Hevia, (“Tierra de nadie”, 1999).

En 2003 decide concentrar toles enerxíes n’editar el segundu discu en solitariu,“Entre el barro y las preguntas”, enllenu de grandes cantares, como’l single “Banderas” y dos versiones autorizaes en castellán por Bob Dylan.

En 2004 edita “Nueche d’insomniu” grabáu en rigurosu direutu d’estudiu cola so voz, la so guitarra y dos micrófonos, un discu al que-y dan les meyores crítiques y qu’usa textos desconocíos d’autores qu’escriben n’asturianu. Esti discu da orixen a l’espectáculu teatral y discu-llibru col mesmu títulu.

Col cantar “Azul y gris” incluyíu nel álbum“Entropía”(2007) gana’l galardón al “Meyor Cantar en Llingua Asturiana” d’esi mesmu añu, concedido pola Conseyería de Cultura del Principau d’Asturies y nominau nos Premios de l’Academia de les Artes y Ciencies de la Música.



SILVIA QUESADA

silvia quesada


Contautu: Algamar Producciones

Teléfonu: 639 937 567

Enllaz:Facebook



Descripción:

Silvia Quesada ye una cantante asturiana que punxo la so voz nun cientu de proyectosmusicales como Muyeres, Los Gatos del Fornu, Blima o Tejedor.

Pa ponenos en situación, l' estilu de Silvia Quesada en solitariu sedría'l de cantautora n'asturianu. Ye un contrasentíu a medies, porque en realidá nun compón, namás canta. Pero failo nesi rexistru que tol mundiu identifica como cantautoría y col amiestu de fabricar un estilu orixinal que s'alloña de los moos de solista fechos hasta'l momentu.

Asoleyó va poco'l discu "La pena abierta": nél Alfredo González ye'l que crea música y lletres,y tamién musica testos de Berta Piñán, anque hai tou un comandu de referencies de la escena asturiana, como Laura Fernández, Pablo Texón, Boni Pérez y Javier Vallina. Ye un discu con cierta carga melancólica que-y más guapura, otra de les cualidaes de "La pena abierta" ye la so versatilidá dientro d'esa llinia uniforme que pon la voz penriba de too.