Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

ALIENDA

alienda


Teléfonu: 649 703 507


Enllaz: Facebook




Descripción:

Alienda ye un grupu de música folk que surde nel añu 2013. Ta formáu por seis componentes: Illán Escalada a la gaita y la voz, Fran Rodríguez a la guitarra, Bárbara G. Quevedo-Pedrayes al vigulín y la voz, Darío G. Coto al bouzouki, Edu Llosa a la batería y percusión y Xuan Cortés Fernández al baxu. Anque ye un grupu mui nuevu, Alienda ta formáu por xente que col so trabayu y esfuerciu ta consiguiendo abrir camín y llevar la so música a bien de sitios.

En marzu de 2015 ganaron el Premiu AMAS a la “Meyor canción folk” pol so tema “Rucaúres”, qu’apaez na maqueta Alendando.


AMBÁS

Grupo Ambas


Teléfonu: 619 040 282

Corréu: ambas@telecable.es

Enllaz: Facebook



Descripción:

Xosé Antón Fernández, conocíu col nomatu de «Xosé Ambás» (Ambás-Grau, 1974) ye un gaiteru, pandereteru, cantante y estudiosu de la tradición oral y musical d'Asturies y un referente nesta materia dientru del folclor asturianu.

Hai una montonera d'años que se dedica a atropar toa mena de tradición oral pelos pueblos d'Asturies creando un archivu sonoru etnográficu de gran valir. Dende los catorce años busca informantes,que ye como noma elli a la xente de los pueblos que-y tresmite la so tradición oral: ente les sos informantes, Ambás siempres destaca a Pepa Las Murias (portada del discu Tuenda), Taresa de Restiellu, Dolores d'El Reboḷḷal de Degaña, Vitoria de Banduxu, Alicia de Pieiga y Celestina Ca Sanchu, que ye la so "buola".


Dientro del mundiu musical tradicional asturianu formó parte de N'Arba y Tuenda, del que ye cofundador.

Ye'l presentador de la serie documental Camín de Cantares, qu' emite TPA, que tien a la xente asturiana del mediu rural como protagonistes.


ASTURIANA MINING COMPANY

Asturiana mining company

Contautu: Michael Lee Wolfe

Teléfonu: 985 291 306

Corréu: wolfe@telefonica.net

Enllaz: Web ; Facebook


Descripción:

L'Asturiana Mining Company naz en 1998 de la mano del músicu/productor/promotor Michael Lee Wolfe. Los sos arreglos musicales y la presencia del gaiteru y cantante Berto Varillas van acabar formando parte de les señes d'identidá de la formación.

Pero AMC nun ye namás una banda sinón tamién un taller d'idees y d'aprendizaxe del que surden dellos proyeutos nos que la música asturiana fúndese con otres tradiciones ya idees orixinales. En 2002 cuatro miembros d'AMC saquen el CD Tradición, baxo'l nome d'Ástura, dexando la puerta abierta a nuevos proyeutos al traviés d'una formación de bandina tradicional.

En 2004 AMC pon música al espectáculu Nel Camín, basáu en temes asturianos rellacionaos col Camín de Santiagu,nel que collaboren cantadores de tonada asturiana como Liliana Castañón, UrbanoPrieto y AnabelSantiago. D'esti espectáculu lleguen a facese 25 representacionesper tola xeografía asturiana. Dellos de los temes que lu integraben fuerongrabaos posteriormente por AnabelSantiago y pola propia Asturiana Mining Company.

A partir d'esti momentu iníciase la collaboración con AnabelSantiago, a la qu'AMC vaacompañar a lo llargo de cinco años. El frutu d'esta collaboración son tresgrabaciones: Anabel Santiago canta a Diamantina Rodríguez, consideráu pola crítica ún de los meyoresdiscos de canción asturiana de la década; Torner,acercando al gran públicu la belleza y diversidá del so Cancionero; y Desnuda, nel qu'Anabel Santiago ufría la so vertiente más pop.

El trabayu Torner acabó convirtiéndose nun espectáculudel mesmu títulu y que, como ya sucediera con NelCamín, llevóse per toa Asturies y delles llocalidaes d'España.Colos años, esti trabayu acabó por convertise nuna cita obligada de la músicafolk asturiana y na meyor referencia del folk sobre la obra del músicu yfolclorista Eduardo Martínez Torner.

El títulu del últimu trabayu d'esti grupu ye Sones por Berto Velasco,en memoria del importante luthier de gaites asturianes y pá del cantante Berto Varillas. El so cantar Si nun conoces Val.louta resultó ganador del Premiu al Meyor Cantar, na edición del añu 2012. El cantar, compuestu por Macu González básase nel ritmu tradicional del son d'arriba. Esti mesmucantar recibió 'l Premiu del Públicu del festival Liet International de 2012.

¿AÚ?

AU

Contautu: Ruma Barbero

Teléfonu: 639 504 173 / 649 078 207

Señes: C/ Los Andes 9, 5º A, Xixón

Corréu: xuxidemuil@gmail.com ; ruma@felpeyu.com

Enllaz: Web 


Descripción:

En 2016 naz ¿Aú?, el nuevu proyectu musical d'una veterana y tres veteranos de la música folk asturiana (Marga Lorences, Rubén Bada, Ruma Barbero y Dolfu Fernández) nel que siguen desendolcando’l trabayu yá fechu n'otres formaciones, la reellaboración de la música tradicional asturiana.

¿Aú? parten de pieces tradicionales y composiciones propies basaes no xeneral en ritmos asturianos. Válense pa ello d'intrumentos presentes na tradición d'Asturies como l’acurdión, el vigulín y la voz xunto con otros mui habituales va delles décades nos grupos de folk como’l buzuki, la guitarra y el bodhrán.



BORÉU

Boréu

Teléfonu: 663470440 / 627173824

Corréu: boreufolk@gmail.com

Enllaz: Blog ; Facebook




Descripción:

Boréu ye un grupu folk que surde ente dellos músicos nuevos asturianos cola motivación de crear y compartir la música asturiana. Esfrutar y faer esfrutar, faciéndola cercana al oyente de cualesquier edá. Entemecen instrumentos como teclaos, batería, flauta travesera, curdiones, gaita, whistles creando un ambiente sonoru particular. Nel so repertoriu hai principalmente temes asturianos, de creación propia y tamién d'otres procedencies culturales adaptaos a los instrumentos y l'estiludel grupu.


 

CALDO Y OS RABIZOS

Os Rabizos


Teléfonu: 605234 112 (Pepín) – 686 757 797 (Miguel) – 659 766 951 (Andrés)

Corréu: caldoyosrabizos@gmail.com

Enllaz: Facebook




Descripción:

Caldo y Os Rabizos ye una bandina del occidente d'Asturies:un grupu de música con reportoriu popular procedente de la zona qu'abarca dende Fonsagrada hasta Ayande y dende Tapia hasta Ibias.
La so filosofía ye clara. L'oxetivu nun ye recrear la tradición: usar les ferramientes musicales tradicionales p'animar les fiestes, romeríes, bodes y demás eventos del sieglu XXI. Baxo la fórmula ¡Música vieya actualizada quenun pierde 'l caráuter! mécense una serie de consideraciones poles que naz esta bandina:

 
1. Pa empecipiar, tola música que toca 'l grupu provién d' una investigación de campu previa. Les fontes d’información son los músicos tradicionales y toes aquelles persones que tienen recuerdu de dalgún cantar carauterísticu d’una zona o de dalgún instrumentista que nun pasare nunca per nenguna institución d'anguaño pa deprender música (escueles de música, conservatorios, maestros d’enseñanza reglada, etc.). Asina, los datos nos que se basa 'l reportoriu de Caldo y Os Rabizos tán nel Archivu de Tradición Oral d’Ambás o nos archivos familiares de los propios músicos tradicionales de la zona.
El trabayu de campu ye fundamental pa poder interpretar el repertoriu, por eso los propios miembros del grupu faen recoyida a los músicos qu’inda queden na zona, pudiendo mamar direutamente de les fontes y teniendo un archivu propiu col que trabayar.
2. Una de les consideraciones más importantes ye qu'esta bandina nun recrea la tradición, sinón que sigue la llinia continua ya ininterrumpida de la música popular con gaita y demás instrumentos melódicos que llegó con tanta fuerza hasta los nuesos díes. La naturalidá que se-yos da a los reportorios tradicionales o la sonoridá de los mesmos permite llevar esti patrimoniu musical al sieglu XXI.
3. Los instrumentos qu’usa la bandina tienen base rítmica nel redobrante y nel bombu y base melódica na gaita, el saxofón y el curdión, anque en dalguna ocasión puen tar acompañaos de clarinete, frauta, trompa o, mesmamente, otra gaita. Gracies a grupos como Os Penacaros, los Ribanavia o los Brisas del Navia, toes estes ferramientes musicales llegaron dende'l pasáu al presente con gran vitalidá,
permitíendonos continuar una cadena musical que vien de munches décades atrás.
El grupu compónenlu Pepín de Muñalén (saxofón), Andrés de Bual (gaita), Marga Lorences (curdión), Diego Pangua (Bombu y trompa) y Miguel Rodrigez Monteavaro (redobrante).


CANTARUXARE

cantaruxare

Contautu: Ambás

Teléfonu: 619 040 282

Corréu: ambas@telecable.es

Enllaz: Facebook



Descripción:

Paulino, Diego, Ambás y Ramsés formen Cantaruxare, grupu que vien a recoyer la tradición musical d'homes pandereteros n'Asturies.


CEREZAL

cerezal


Teléfonu: 676 841 722

Corréu: cerezalfolk@gmail.com

Enllaz: Web ; Facebook



Descripción:

Con unformatu de folk acústicu, Cerezal propón un averamientu ente'l folk y el popcon muncha presencia de la voz, con una gran mayoría de temes cantaos, y conunes mui cuidaes lletres, tanto de composición propia como adautaciones dedestacaos autores del panorama lliterariu asturianu contemporáneu.

Xuntocola voz, la seición melódica está compuesta por flauta, gaita, whistle yvigulín, con una potente base rítmica creada a partir de la guitarra y el setde percusión.

CORCUSPÍN

Corcuspin


Teléfonu: 651 058 534 / 676 35 66 46

Corréu: azulyrojo89@hotmail.com

Enllaz: Facebook ; Blog



Descripción:

Dúu formáu por Gonzalo Llao a la voz/flautes/buzuki yRodrigo Cobos voz/curdión nel añu 2013. Con asturianaes y composicionespropies, dando-y un toque irish al so soníu, resulten un dúu folk reducíu peroefeutivu col fin de difundir la música y la cultura d’Asturies.


CORQUIÉU

corquieu



Teléfonu: 670 798 940 ; 645 780 446

Corréu: contautu@corquieu.com ; corquiéu@gmail.com

Enllaz: Web



Descripción:

El grupu Corquiéu entama l'andar musical nel añu 1997 en Ribeseya, daquella la formación taba compuesta por cinco miembros que xuncieron los sos estremaos gustos musicales. Iván Vega (xiblata travesera de madera), Pablo Valdés (guitarra acústica), Roberto Suárez, (Gaita asturiana en sib), Paul Balmori (Baxu llétricu) y David Mateos (Bodhran y caxón) entamen a montar un repertoriu sofitáu en temes tradicionales asturianos y composiciones propies.

Nel branu del añu 1998 danse a conocer na “Folixa riosellana de la sidra” ente abondo públicu pa entamar una riestra conciertos pel conceyu ribeseyanu destacando'l conciertu entamáu nes Fiestes de San Miguel en “El Covayu”. Darréu d'estos conciertos, el grupu plantégase la grabación d'una maqueta p'asoleyar los cantares compuestos nesti periodu.

Nel añu 2000, aporta Gema García al grupu, lo que supón un nuevu finxu nel grupu qu'entama un repertoriu nuevu que se sofita en temes cantaos ya instrumentales, siendo'l filólogu asturianu Xandru Martino Ruz, l'encargáu de pone-y lletra a la voz de Gema.

N'avientu del añu 2001 Corquiéu asoleya'l so esperáu discu “La Barquera” nuevamente col sellu discográficu L'Aguañaz, nel qu'aconceyen 11 temes, la mayor parte composición de so que lleva un pieslle esperimental. Aporta al grupu'l vigulineru asturianu Rubén Bada. Nesti discu, Corquiéu amiesta tendencies d'anguaño col so particular estilu folk. Con estidiscu, el grupu sopelexa'l so frescor y la so calidá na interpretación, siendo quien a alcontrar un furacu nel panorama folk asturianu. Los conciertos per Asturiesy España van de siguío con acoyida cada vuelta mayor.

Darréu del ésitu del primer discu “La Barquera”, Corquiéu graba'l so segundu discu “Salia” col sellu “Tierra discos” de Xixón nel que s'acolumbra la evolución musical del grupu demientres los años anteriores. En "Salia" aporta cola flauta Xurde Fernández, tres l'abandonu del flautista y cofundador del grupu Iván Vega.

Nesti discu atópense 12 temes de creación propia, nos que se mecen el dulzor de la voz de Gema y la enerxía de los temes instrumentales. Vitalidá, enerxía, dinamismu y dulzor son les pallabres que definen esti trabayu. La producción executiva ta fecha por Corquiéu. El productor musical foi Ígor Medio del grupu Felpeyuy como téunicu de soníu, el perconocíu productor escocés Grant Milne (Capercaillie, Tannahill Weaves, Alasdair Fraser, etc.). Tamién echaron un gabitu los músicos asturianos Ramón G. Morán (teclaos) y Horacio A. García (contrabaxu y baxu llétricu).

Asoleyen Salia nel 2005 y Suaña nel 2010.


CUCHU

Cuchu

Contautu: José y Valiente

Teléfonu:606 059 232 (José), 666 908 314 (Valiente)

Corréu: ye@cuchu.org

Enllaz: Web ; Facebook   



Descripción:

Caún coles sos influencies y la banda coles de tol grupu son mui daos a cuchar la so estaya, con munchu apegu a la música del pueblu y mui pocu a los encaxonamientos estilísticos.
Entamaren siendo cuatro y cuatro son anguaño. Cuatro pates pa facer un bancu. Nesti bancu pues sentate, si t'apetez, y sentir la so propuesta musical fecha dende la cultura del pueblu, nel so casu l'asturianu.

Los integrantes de Cuchu son: Martín a l'acurdión diatónica y programaciones; Dudual bodhran, clarinete, voz, sintetizador y programaciones; José a la guitarra acústica y voz; Valiente a la gaita asturiana y percusiones tradicionales; Foks ye’l técnicu de soníu y productor.

Tienen asoleyaos dellos trabayos: Eyuma (2014), Ú vas (2015) y Munchu (2016).


DARBUKKA

darbukka



Teléfonu: 696 858 000

Enllaz: Facebook ; Myspace



Descripción:  Darbukka nació por encargu del Alcalde de Taramundi pauna actuación nel 2002.

Formáu tres amigos (Julio Rodríguez a la gaita, AbelPérez al acordeón, Eva Rico a la guitarra), xunto con dos alumnos (Enrique yAndrés al acordeón y percusiones) y por último, un banqueru que tocaba'l baxu yal que “liaron” pa l'actuación (Luis).


DEGAÑAN'S

deganan


Teléfonu: 625 628 048

Corréu: deganans@gmail.com

Enllaz: Facebook


Descripción

Degañan's ye una formación reciente que surde en mayu de 2012, cuando cuatromúsicos con muncha esperiencia dientro del folk asturianu vense na necesidá de improvisar una formación solvente parepresentar a Asturies espardiendo la so música tradicional.


DUERNA

Duerna

Contautu: Pablo

Teléfonu: 627 386 217

Corréu: info@grupoamansalva.com

Enllaz: Facebook



Descripción:

Duerna naz como grupu en setiembre de 2008. A mediu camín ente la bandina tradicional y el folk actual, Duerna atopa'l so llugar dientrola música asturiana dende la grabación de la so maqueta promocional titulada Dende'l chigre.

En 2010, la crítica musical de RTPA (RadioTelevisión del Principáu d'Asturies) premia a la formación como "Grupu Revelación" del añu. Ganadores del concursu internacional de música folk "Escenariuprau" nel añu 2011.

El primer trabayu discográficu qu’asoleyen titúlase Manca la maera, nel qu'inclúin el vidioclip del cantar "Fiestes deprau" (Tante Blanco-Duerna).

¡A mansalva! (2011) ye'l títulu que Duerna-y pon al so segundu trabayu discográficu, como campeones del citáu concursu. Ye un discu que demuestra una gran madurez musical nel pocu espaciu de tiempu ente'l primer discu y el reciente.

Nel repertoriu de Duerna los xéneros baillables nun sufren modificaciones estructurales y engalánense a la so vez d'un gran atractivu musical.

Anguaño alcuéntrense preparando materiales nuevos.



FELPEYU

felpeyuContautu: Ruma Barbero

Teléfonu: 985 170 222 ; 639 504 173

Señes: Partaz postal: 636 33200 Xixón

Corréu: ruma@felpeyu.com

Enllaz: Web


Descripción:

Ye un grupu de folk fundáu en 1991 enSalamanca, onde estudiaren Belles Artes los sos miembros fundacionales Ígor Medio yRumaBarbero. Dende entós, desendolcaron una carrera musical con unabayura d'actuaciones per España, Europay Australia.

El so primer trabayu discográficu foi'l discuhomónimu Felpeyu, editáu en 1994. Pa entós, ya teníen espublizada la maqueta Fuxideoricios (1993).

En 1997 apaez el so segundu discu, Tierra y amiesten una deles sos pieces del discu Felpeyu nel recopilatoriu Naciones Celtas.

En 2002 asoleyen el so discu Yá!.

El 24 de xunude 2006, el grupusufre un accidente de tráficu cuando empobinaba dende Asturies pa Cataluña,onde diben ufrir un conciertu. Nel siniestru morrieron los sos componentes ÍgorMedio y Carlos Redondo (guitarra),mientres que'l restu la formación -el bodhraneru Ruma Barbero, el curdioneruXuan Nel Expósito, los vigulineros Lisardo Prieto y Fernando Oyágüez, elgaiteru Diego Pangua y el técnicu desoníu Slaven Kolak-, sufrieron feríes de diversa gravedá.

Tres una temporada d'obligada inactividá, labanda resurde incorporando'l baxu lléctricu nes manes de Dudu Puente, quiéntamién-y pondrá voz nuevo al grupu. Más alantre tendría de llegar Moisés Suárezcola guitarra acústica zarrando asina la formación esistente anguaño.

N'abril de 2008 asoleyen Canteros, el qu’hasta agoya ye l’últimu trabayu dela banda. Anden rematando un nuevu trabayu pa esti añu 2017.

La reellaboración de la música tradicional d'Asturies nuna lliniaparalela a les tendencies que se dan anguaño nel folk européu sigue siendo l'oxetivudel trabayu de Felpeyu: asina, faen el so soníu amestando una instrumentaciónque vien de la tradición popular asturiana cola que vien d'un ámbitu européu,atlánticu... más xeneral y d'agora, ensin perder el soníu acústicu. Pa ello, sírvensed'una instrumentación, unes técniques interpretatives y unos arranchos colosqu'algamar tal fin.

Va 26 años qu'entamaren esti proyectu musical. “Unu nunsabe onde va parar un grupu de la que lu echa a andar”, dícennos na so páxinaweb. A Felpeyu tiénen-y asociaos munchos de los meyores momentos de la so viday tamién ún de los peores, pero equí siguen. Yá percorrieren cuatro de loscinco continentes llevando la música d'Asturies a catorce países… y lo que-yosqueda.

GUETA NA FONTE

gueta na fonte

Contautu: Juan ; Mento

Teléfonu: 638 949 610 ; 985 348 075

Corréu: info@guetanafonte.com

Enllaz: Web


Descripción:

Gueta na Fonte ye'l grupu de trabayos musicales producíu por Mento Hevia, que faiuna propuesta musical mui especial, na que s'equilibren les formes musicalesclásiques y antigües con tratamientos típicos del folclor y la producciónmusical contemporánea, al amestar elementos y medios basaos en nuevestecnoloxíes. A ellos présta-yos llamala "Música Asturgaélica".


GUTI

guti

Contautu: José Manuel Fernández Gutiérrez

Teléfonu: 609 941 695

Corréu:gaiteruguti@hotmail.com

Enllaz: Web



Descripción:

José Manuel Fernández Gutiérrez "Guti", naz n'Uviéu en 1964. Gaiteru ye’l primer gaiteru asturianu en mezclar música de gaita con música orquestal, quedando reflexáu esti trabayu nel so discu "Nos Mares del Sur", grabáu cola Orquesta Sinfónica de Santiago de Chile.

HÉCTOR BRAGA


HectorBraga


Contautu: Héctor Braga

Corréu: infohectorbraga@gmail.com

Enllaz: Web



Descripción
:
 
Héctor Braga formó parte d'orquestes clásiques y grupos de folk hasta dar los sos primeros conciertos en solitario. Anguaño, amás de la so
carrera como cantante, compón bandes sonores pa cine y teatru, collabora col grupu de rock Stormy Mondays y dirixe una Banda de Gaites.


HERBAMORA

herbamora

Contautu: Guillermo Pérez (de Fabriok)

Teléfonu: 685 322 911

Corréu: guillermoperez@telecable.es

Enllaz: Facebook


Descripción:

Dicen de la planta que-yos da nome que tien aplicaciones máxiques. Qu'un poco d'ella embaxo l'almohada ayuda a escaecer un vieyu amor y qu'atada alredor del pescuezu cura los males del vértigu.
Nun sabemos si la so música tendrá propiedaes parecíes. Pero de lo que nun tenemos duldes ye de que la so propuesta, reivindicando la manera natural el papel de les muyeres na tresmisión de la cultura popular, non sólo ye interesante sinón que tamién se facía necesaria.
Voz y percusión pa recuperar un pasáu convertíu en presente como base d'unfuturu meyor. Cuidáu colos efectos secundarios.

Herbamora implica un cambeu na pandereta tradicional asturiana; per primera vegada, los temes tradicionales de les antigües pandereteres son puestos n'escena por unes moces, modernes, ensin indumentaria tradicional y con arreglos vocales actuales,y con una banda de formatu pop/rock detrás. Dende la so formación a finales delañu 2003, Herbamora lleva ufiertando conciertos (pandereta y voz) per toa Asturies y participando en festivales internacionales como'l Summer Tyne Festival, de Newcastle, en 2005, o 'l Festival de Lorient en 2008.

Asoleyaren los trabayos Sali l.luna (2007), (2010) Herbamora n’acústicu (2012).

HEVIA

Hevia



Teléfonu: 984 290 946 ; 639 885 898

Corréu: oficina@hevia.es

Enllaz: Web



Descripción:

José Ángel Hevia Velasco, conocíu artísticamente como Hevia ye un gaiteru asturianu famosu por diseñar xunto a Alberto Arias y Miguel Dopico la «gaita MIDI» y sobre too polos sos álbumes nos que fusiona la gaita con tou tipu de soníos. Algamó l'ésitu col so discu Tierra de nadie en 1997, al que siguieron Al otru llau nel 2000 y Étnico ma non troppo en 2003. Foi direutor de la Banda Gaites Villaviciosa dende 1986 hasta 2001 tamién foi direutor de les siguientes bandes de gaites: Mieres del Camín, Samartín del Rei Aurelio, Ribeseya y Candás.


LA BANDINA

la bandina

Contautu: Santi Caleya ;  David Varela

Teléfonu: 660 024 990 ; 615 510 491

Enllaz: Facebook




Descripción:

Entamaron la so andadura nel añu 1996 al envís derecrear les tradicionales bandines de los entamos del sieglu XXn'Asturies, que tocaben pieces tradicionales dedicaes esencialmente al baille oreinterpretaben los últimos ésitos de la música comercial que les nacientesemisores de radioentamaben a popularizar. La Bandina les 47, foi'l nome col que sebautizaren, faciendo referencia a les 47.000 pesetes nes quepresupuestaba naquel tiempu cualesquier actuación l'Ayuntamientu d'Ayer. Cuando nuncartelu del Festival Folk de Plasencia'l nome apaeció acortáu simplemente como La Bandina, a los músicos prestó-yos y decidieron dexalo asina.

En 2001asoleyen el so primer álbum, Pa baiḷḷar. En 2005 editen el sosegundu trabayu discográficu, ...de romandela. Nél pue vese unapergrande evolución que lu lleva ser un ésitu ente'l públicu, siendo consideráupor dellos críticos como ún de los meyores álbumes de la historia del folkasturianu, y afitando a La Bandina como ún de los grupos más reconocíosnel panorama musical. Con esti segundu discu consiguieron algamar un soníu muipersonal, contemporáneu ensin dexar de dir de la mano de lo tradicional. Elmesmu diseñu de la carpeta, alloñada de la estética folki, yá fai albidrar que se trata d'un trabayu diferente a lo que se vien faciendo n'Asturies nosúltimos años.

El coleutivu Bebés Furiosos fizo un video-clip del tema Na caleya que recueye a la perfeición l'espíritufolixeru del cantar y de la propia formación.

La Bandina celebró n'agostu de 2006 el so décimuaniversariu nos escenarios ampliando la so formación y celebrando un conciertuespecial en Xixón que quedará inmortalizáu nun CD-DVD.

En 2013 asoleyen el trabayu tituláu 13.

El soníu de La Bandina ye realmenteorixinal y estremáu de les tendencies más habituales del folk asturianu.Carauterízase pol usu d'instrumentos poco frecuentes, sobre manera la zanfona y tamién el saxofón, amás d'una batería personalizada qu'inclúi bombu, tambor, congues y darbukes. Amás, incluyen nos sos discos diverses collaboraciones vocales (ente les que destaquen les d'AnabelSantiago, y el padre de Santi, JaimeCaleya) y instrumentales.

El repertoriu de La Bandina inclúi igüesde pieces tradicionales, tanto asturianes como bretones o balcániques, asinacomo composición propia.


LA BONTURNÉ

bonturne


Contautu: David Varela

Teléfonu: 649 882 109

Enllaz: Facebook




Descripción:

Partiendo del profundu conocimientu de la música tradicional y los sos instrumentos, a caballu d’un prestosu y singular son, ésti tríu de mayestros apúrremos un repertoriu dafechu amañosu pal baille, nuna llinia folk-tradicional.
Vieyos conocíos na escena asturiana, como cabezaleros del grupu folk La Bandina, el so nome vien averáu a lo mas bayuroso de la música folk asturiana (La Bandina, Tejedor, Dixebra, Folkgando, Llaímo, A rabil, Lliberdón…), de bandes de gaites (La Viga Travesá) y d’otres músiques allonxaes de lo folk como’l hip hop (Dark La Eme) o’l pop (Pauline en la Playa). Ye destacable’l so trabayu desendolcáu en Bretaña nos caberos años, collaborando con Alain Pennec, Ciappolino/Conq, Gilles Servat, Kevren Alré, Rosed Mor…

Los sos componentes son Merce Santos, SantiCaleya, David Varela y David Casillas.


LA CURUXA 2.0

la curuxa



Teléfonu: 686 667 759 / 654 663 697





Descripción:

La Bandina La Curuxa formada por Iván Gonzalez (gaita), Nel (curdión), Carlos Velasco (voz y tambor) y Queco Currás (bombu y caxón) y xúntensepa esfrutar tocando música tradicional nes fiestes y xuntures del país.


LA NUEVE

Lanueve

Teléfonu: 650 611 934

Corréu: lanuevefolk@gmail.com

Enllaz:Facebook ; Twitter




Descripción:

La Nueve naz acullá pel veranudel 2015. La idea del grupu ye poder siguir afondando nel repertoriu tradicional del so conceyu (L.lena), d’Asturies y del mundu dende'l compromisu cola revalorización y reivindicación de la cultura popular asturiana.

Los componentes de La Nueve provienen d’otres formaciones como La Col.lá Propinde, Fala non caduca y Tela.

Los integrantes son David Suárez 'Cai' (flautes), Luis Moro (curdiones), Abel García (guitarra y voz) y Adrián González 'Lobo' (bodrhan y voz).


LES BARBARES BARBUS

Les Barbares

Contautu: Fernando Oyagüez

Teléfonu: 610339443

Corréu: lesbarbaresbarbus@gmail.com

Enllaz: Facebook



Descripción:

Si Stéphane Grapelli fUEra asturianu seguramente conocería a Django Reinhardt deser veceros dambos de dalgún café-cantante del barriu de Cimavilla en Xixón y xuntosi mprimiríen esi irresistible swing a les xotes y muñeires de la redolada…

Les Barbares Barbus fantaseen con esti tracamundiu históricu y creen un xéneru inéditu onde interactúen el cancioneru popular asturianu y el gypsy-jazz. Bailles y cantares tradicionales revisitaos como estándares dende la inspiración del jazz manouche. Música pa escuchar y-¿cómo non?- pa baillar.

En menos de dos años d'esistencia, Les Barbares Barbus yá percorrieren tola xeografía asturiana, collaboraron na pieza multidisciplinar “La Ola Flotante” estrenada en Cangas de Morrazo (Galicia), acompañaren a baillarines de swing y tap-dancing y anguaño déxense ver per Portugal.

Les Barbares Barbus son Juan Diego Gómez al vigulín, Fernando Oyágüez a la guitarra y Javier Baró al contrabaxu.


LLAN DE CUBEL

llan de cubel

Teléfonu: 985 723 697 ; 985 590 262 ; 650 713 176

Corréu: llan@llandecubel.com

Enllaz: Web




Descripción:

Llan de Cubel ye ún de los más veteranos (dende 1984) y el de mayor repercusión, internacional de los grupos del folk asturianu. El so nome ta sacáu del Picu Llan de Cubel ente los conceyos de Cuideiru y Pravia. La so música ta basada nel repertoriu tradicional asturianu (popular y ensin autor reconocíu): trabayen remocicando la tradición músical asturiana, dándo-y un soníu nuevu.

Pa ello recurren principalmente al material recoyío nos archivos de los grupos asturianos d'investigación etnográfica y a los cancioneros tradicionales, complementándolo con cantares que recueyen direutamente de la xente asturiano, ensin escaecer los temes más populares del país.

El so soníu ye acústicu y apoyen les sos melodíes na gaita asturiana, el vigulín y la flauta travesera de madera, pa la percusión tiren de tambor tradicional y de bodhran mientres que l'harmonía ye cosa de la guitara acústica y del bouzouki. Tamién usen dalgún mediullétricu pa pasaxes mui concretos de la mesma forma qu'a pesar de ser un grupu de clara vocación instrumental, tamién recueyen cantares nel so repertoriu.

El so repertoriu ye na so mayoría de temes asturianos (alboraes, marches, pasucais, saltones, muñeires, polques, entemedios de misa, tonaes, vaqueiraes, villancicos, cantares mariñanos, de llabor, de chigre, etc...). Anque tamién tienen fecho guiños a temes tradicionales d'otros paises del Arcu Atlánticu. No que fai a los temes cantaos, ainda incluyendo delles lletres tradicionales, Llan de Cubel suel emplegar testos d'autor, normalmente contemporáneos, siempre musicaos con melodíes tradicionales asturianes. La formación de los componentes del grupu encóntase nos instrumentos del país y nel interés por otres tradiciones de la Europa Atlántica, lo qu’arriquez los conocimientos musicales del grupu, especialmente nos aspeutos téunicos y armónicos.

Tienen asoleyaos los trabayos Deva (1987), Na Llende (1990), L'otru Llau de la Mar (1992), Llan de cubel IV (1995), UnTiempu Meyor (1999).

De 1999 pa en delantre siguen trabayando y dando conciertos… siguimos sollertes a ver si aporta l’aclamáu “últimu discu de Llan de Cubel” pol que nagua la música asturiana.


L-R

LR

Teléfonu: 650 611 934

Corréu: lrpostfolk@gmail.com

Enllaz: Facebook

Descripción:

L-R ye un dúu de post-folk- asturianu formáu por Leticia González y Rubén Bada que reinterpreta la música tradicional asturiana faciendo una llectura personal y actual d´una tradición con sieglos d'historia.


MELANDRU


Melandru

Contautu: Iyán Ploquín

Teléfonu: 663 067 737

Señes: San Xustu, Villaviciosa

Corréu: lallurigadelmelandru@gmail.com

Enllaz: Facebook ; Youtube



Descripción:

Melandru ye un grupu que se mueve nes tendencies del rock esperimental d’anguaño, combináu colos soníos del folkde la gaita y el whistle. El resultáu ye un amiestu perfectu ente lo contemporáneo y lo tradicional, ente’l soníu elléctricu de la guitarra y el baxu y l’acústicu de la gaita y whistle, y un equilibriu nel que se dan tanto momentos de matiz como de fuerza. Anque la formación entama n’avientu de 2015, los sos componentes cuenten con una llarga esperiencia dientro la escena musical asturiana, en xéneros como’l jazz, el folk o el rock, con grupos como Alienda, col que ganen el premiu AMAS a meyor cantar folk, The Groove Investigators, La Tarrancha, la Banda de Gaites de Villaviciosa, la Banda de Gaites de Ribeseya o l'Alfredo Moran jazz Group. Nel so primer añu d’esistencia, Melandru faen más de doce actuaciones en tola xeografía asturiana. Actualmente tán preparando la so primer grabación d’estudiu.

Formación:

Iyán Ploquin – guitarra y voz (The Groove Investigators, Alienda, Alfredo Morán Group, Vintage Covers)

Álvaro Cueto – gaita y whistle (Director Banda Gaites Ribeseya)

Edu Llosa – batería (La Tarrancha, Alienda, Banda Gaites de Villaviciosa)

Xuan Cortés – Baxu (Alienda, Mogambos)


NIUNDES

Grupo Niundes


Teléfonu: 637 241 655





Descripción:

Esencialmente acústicu, el soníu de Niundes ta formáu al rodiu d'un nucleu d'instrumentos tradicionales asturianos, como la gaita, el vigulín y la flauta travesera de madera. Acompañen harmónicamente estos instrumentos con guitarra acústica, teclaos, y ocasionalmente bouzouki. El bodhrán, panderu irlandés perusáu, non solu n'Asturies, sinón en tola península por grupos folk, aporta una sólida seición rítmica, asina como l'africanu djambé. Ye interesante resaltar que los nuesos instrumentos melódicos fueron toos construyíos por luthiers asturianos.
Y penriba de too, rescampla la personal voz de la so cantante, Belén.


NUBERU

Grupo Nuberu

Teléfonu: 985 278 050

Corréu: info@nuberu.com

Enllaz: Web



Descripción:

Formáu por Chus Pedro y Manolo Blanco Peñayos surden nel añu 1976 dientro del coleutivu cultural Camaretá, del conceyu de Samartín del Rei Aurelio. Esi mesmu añu debuten nel Día de la Cultura qu'entamaben en La Carbayera de los Maizales de Xixón dellos coleutivos de la ciudá vinculaos a los grupos d'izquierda.

Nuberu carauterízase por ser un dúu que canta nuna llingua que nun esiste oficialmente. Y son unos de los mas aférrimos defensores de la llingua como perbien lo amuesen nos sos cantares.


SALÓN BOMBÉ

Salon bombe

Teléfonu685 322 911

Corréu: salonbombe@gmail.com

Enllaz: Facebook


Descripción:

Salón Bombé ta integráu por cinco músicos, naz a primeros del añu 2016 cola intención de recuperar les orquestines tradicionales asturianes y el soníu d'estes, las cuales convidaben al baille tanto “a lo suelto” como “a lo agarrao”. Una nueva propuesta musical n'Asturies, partiendo de la base de gaita y tambor sumándo-y acordeón diatónicu, saxu, voz y un set de percusiones.

Anque ye un grupu mozu tuvo sonadía dientro del panorama de la música tradicional, principalmente pola so participación na edición 2016 del Festival Intercélticu de Lorient, onde consiguió un meritoriu cuartu puestu na final del concursu Tropheé Löic Raisson.


SEU

Grupo Seu

Contautu: Paul ; Lluaces

Teléfonu: 645 858 034 ; 615 141 614

Corréu: balmoriperez.paul@gmail.com

Enllaz: Facebook



Descripción:

SEU ye una banda de folk formada por cinco músicos del oriente asturianu, curtíos n'estremaos estilos musicales que se xunten nesti proyeutu.

SERENDÉN

Serenden

Teléfonu: 666 945 691

Corréu: serenden@outlook.es

Enllaz: Facebook

Descripción: Grupu folk que foi medrando n'integrantes hasta completar la formación actual, promoviendo la música tradicional asturiana, intentando que seya especial.



SKANDA

Grupo Skanda


Teléfonu: 627 411 676

Corréu: info.skanda34@gmail.com

Enllaz: Facebook




Descripción:

Elgrupu formóse en Mieres, nel añu 1996. Nel añu 1998 ve la lluz el so primerdiscu, tituláu tamién Skanda.

Nel añu 2001, asoleyen el so segundu discu, Mecigaya. Nél topamos temes pertenecientes, la mayoría, a la tradición musical asturiana, anque tamién a la irlandesa y a la escocesa, amás d'incluyir dellos temes propios.

Nel añu 2004 ve la lluz otru discu, Sangre d'Ochobre. Yá nel añu 2007 ve la lluz El Cuartu. En 2010 editen Folk & Roll Circus.

A lo largo de su trayectoria como grupo, Skanda compartió escenariu con grupos tan variaos como Capercaille, Tejedor, KepaJunquera, Llan de Cubel, Mägo de Oz, Dixebra,Reincidentes, Gwendal, etc.

Sobre una base tradicional asturiana o del arcu atlánticu amesten ingredientes varios importaos de llonxanes tierres ydiferentes cultures. Podríemos falar d'él como folk mestizu, folk industrial, folk de la cuenca minera, separao del conceutu rural qu'esti tipu de música siempre llevó asociao. Intenten llevar la tolerancia y el mestizaxe cultural alplanu de la música y el resultáu ye una mecigaya de cadencies, ritmos y melodíes que faen característicu'l soníu Skanda.


TEJEDOR


Grupo Tejedor

Teléfonu: 985 205 396 ; 629 489 780 ; 629 489 705

Señes: Travesía de Jorge Juan 2, 3ºA 33400 Avilés

Corréu: info@tejedor.com.es

Enllaz: Web



Descripción:

Tejedor ye un grupu de música folk d'Avilés formáu por tres hermanos (Jose, Javier ya Eva Tejedor) que faen música tradicional al mesmu con gaites, flautes, curdiones y guitarres.

Tejedor ye conocíu na escena musical celta internacional, ganando los dos hermanos del grupu delles vegaes los premios McCallan de gaita del Festival Intercélticu de Música de Lorient, Bretaña.

El so primer álbum, Texedores De Suaños, foi producíu por Phil Cunningham. Asoleyaren los discos Llunáticos en 2003, Música namaleta en 2007 y Positivu en 2011(nesti últimu trabayu nun cunten cola presencia d’Eva Tejedor).


TSUNIEGU

Grupo Tsuniegu

Teléfonu: 678 361 006

Enllaz: Facebook

Descripción:

Son un grupu d'amigos, más qu'un grupu de música al usu. Los componentes del grupu son: Héctor (gaita asturiana, flautes y percusiones), Leticia (guitarra acústica, gaita gallega, bodrham, flautes y voz), Manolo (acordión diatónicu, birimbáu, flautes, charangu y voz), Sabugo (acordión, percusiones y voz), Salva (caxón flamencu, djembé y pandereta).


TUENDA

tuenda



Teléfonu: 619 040 282

Corréu: ambas@telecable.es



Descripción: Tuenda ye un grupu de música tradicional asturiana qu'entamó nel añu 2006.

Taformáu por Elias García, bouzouki y cofundador de Llande Cubel, Pepín S. Menéndezflautista de La Bandina'l Tombo y Xosé Antón Fernández «Ambás» cantante de N'Arba.

Ye un grupu enfotáu en rescatar la tradición oral y etnográfica d'Asturies. Nesti sen, nel soprimer trabayu tituláu «Tuenda», espublizáu por Tierra, dieciocho de losdiecinueve cantares pertenecen al Archivu de tradición Oral d'Ambás.



ÚN DE GRAO

Un de Grao
Contautu
: José Martínez Álvarez

Teléfonu: 606 059 232

Corréu: jose.martinez.alvarez.grao@gmail.com

Enllaz: Facebook


Descripción:

Ún de Grao ye’l proyeutu personal de José Martínez Álvarez, guitarrista y cantantemoscón afincáu en Mareo (Xixón), y que lleva dellos años dedicáu a la músicatradicional asturiana, participando en dellos grupos como "Cuchu","Corzobeyos", "Duerna", "La Bandina'l Bache" queacompaña a "Héctor Braga", o "Degañan's", ente otros.

Esta propuesta pretende dar una visión personal de les estremaes formes d'evolución que pudiera tener la tonada y por estensión, cualesquier palu dientro la música tradicional asturiana.

Calteniendo’l respetu poles estructures y patrones tradicionales, esti moscón intenta echarun gabitu nel trabayu de xuntar o amestar la tonada y la música tradicional asturiana a otres corrientes, otros estilos, otres visiones, abrise a otres influyencies y asina dexar que'l nuestru patrimoniu cultural vaya evolucionandoy adaptándose a los tiempos d'anguaño.

El so trabayu Ún de Grao espublizóse en2015.



VERDASCA

verdasca


Teléfonu: 610 088 898

Corréu: verdasca.grupo@gmail.com

Enllaz: Web ; Facebook



Descripción:

Surde en xineru de 2006 de la xuntanza d'un grupu de músicos mozos procedentes de la Escuela Municipal de Música de Llanera y la Banda de Gaites "La Raitana". Basen el so repertoriu na reellaboración de música tradicional asturiana, anque tamién igüen composiciones del grupu.

Verdasca tien actuao nun gran númberu d'escenarios per toa Asturies, amás de visitar otros llugares d'España, como Alcobendas, Ourense o Barcelona. Tamién participó en festivales del extranxeru como'l Festival Intercéltique de Lorienten Bretaña o'l Festival Ethnosuoni y la Festa Internazional de la Zampognade Scapoli, los dos n'Italia.

En xineru de 2011, Verdasca presenta la so nueva formación cola incorporación de la cantante María Fidalgo y el guitarrista Moises Suárez, en sustitución de Marina Pangua y Andrés García, respeutivamente.


VRIENDEN

vrienden

Contautu: Nel Suárez y Rodrigo Llao

Teléfonu: 696 823 233 (Nel) y 651 058 534 (Gonzalo)

Corréu:vriendenmusic@gmail.com

Enllaz: Facebook


Descripción:

Labase de la música de Vrienden ye’l folk celta de toa Europa pero les sosinfluencies pasen por munchos estilos, la improvisación ye una de les clavesdel so ésitu, hai partes de los temes que son reconocibles, otres sonimprovisaes dafechu y polo tanto asemeyaes al tiemp que distintas aportandod’esta mientre variedá y xenerando nuevos soníos que gusten muncho ente ‘lpúblicu.

Vriendennaz como dúu instrumental nel veranu de 2010, Xurde Fernández (a la flauta,whistle y vigulín) y Nel Suárez (a la guitarra) son los miembros fundadores. Dempués d’un primer pasusentando les bases solos, deciden incorporar a Pedro Santiago col bodhram ycaxón p’abrir l’abanicu de posibilidaes y más alantre a Juan Duarte comovocalista.

El resultáu final ye esta formación, ondecaún tien un papel esencial y necesariu pa que ‘l productu final seya puroVrienden. Asina, como grupu de 4 músicos, entamen a probar nel direutu lostemes trabayaos, realizando una primer etapa de conciertos nos que collechen unbultable ésitu de crítica y públicu, ganando en 2012 ‘l concursu “Abierto hastael amanecer”, y partcipando en el “Festiamas” al otru añu, buscando la incorporaciónal circuitu musical d’Asturies.

Dempués de matizar, meyorar y afondarnuna gran cantidá de temes, graben el so primer discu llamáu Vrienden.

Con una base folk perfuerte, Vrienden llogró evolucionarel so soníu con una marcada influencia del jazz, resultando asina una fusiónúnica pa les sos composiciones propies. Este nuevu soníu pue vese nel so segundu discu, UVE (2015)


XERA

Xera

Teléfonu: 644 21 43 48

Corréu: management@xera.eu

Enllaz: Web ; Facebook





Descripción:

Xera ye un grupu que naz en 2004 como consecuencia de la combinación d'alta inxeniería de soníu con conceutos musicales sinfónicos basaos na música tradicional asturiana. El fundamentu del so soníu apóyase nel contraste en tou momentu y nuna tímbrica percuriada, acordies coles sensaciones pretendíes en tolos pasaxes sonoros de caún de los sones.

D'esta mena, llogren un abanicu pergrande d'estilos dientro'l conceutu de la electrónica (alexándose de la usual tendencia minimalista nesta) reflexaos en caúna de les sos composiciones.

Xera lleve casi quince año