Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Cantar presta muncho


La Oficina de Normalización Llingüística y el Centru del Profesoráu y de Recursos de Xixón entamaron nel cursu 2012-2013 el proyeutu “Cantar presta muncho” col envís d’averar a los escolinos y escolines del nuesu conceyu a la música coral d’una manera cenciella, abierta, activa y participativa. La idea yera ufiertar el proyeutu a tolos colexos d’Educación Primaria del conceyu de Xixón, a los que yá tienen coru escolar y a los qu’ensin tenelu-yos abulta interesante la propuesta.
El primer añu participàron 7 colexos y l'añu pasáu ya foron 11. Pa esti cursu 2014-2015 tan participando 16 colexos.

El Centru del Profesoráu y de Recursos de Xixón, cola coordinación de Nacho Fonseca, va asesorar al profesoráu que participe en Cantar presta muncho pa que seya quien a desenvolver los conteníos propuestos de la meyor manera posible. Amás del asesoramientu, va reconocese la participación del profesoráu implicao con creitos de formación.

Van programase una riestra de conciertos de primavera nos centros municipales cola participación de los coros de los colexos inscritos. Igualmente’l programa va pesllar el cursu con una xornada festiva y de convivencia de tolos escolinos y escolines participantes que va rematar con un Macroconciertu de fin de cursu nel que los coros escolares participantes van ser los protagonistes y que va poner el ramu a esti averamientu de la música coral a la escuela.


PUEDES SENTIR EL REPERTORIU DE CANTARES EQUÍ