Toponimia oficial de Xixón
¿Qué son los topónimos?
Los topónimos son los nomes que la xente usa pa llamar a los conceyos, a les parroquies, pueblos y llugares.Pensar que los nomes populares de los sitios tán mal dichos, ye un error. Dicilos ye lo correcto, porque ye lo auténtico.
¿Qué significa reconocer oficialmente los topónimos de Xixón?
Por alcuerdu ente'l Conceyu de Xixón y la Xunta Asesora de Toponimia del Principáu d'Asturies, el Gobiernu reformó oficialmente la toponimia del Conceyu (BOPA del 3 d'ochobre de 2006), reconociendo los nomes que la xente siempre dixo.Estos nomes son agora oficiales a tolos efectos,d'usu obligáu per parte de les instituciones (Conceyos, organismos delPrincipáu, etc.) en cualesquier comunicación fecha en castellanu o n'asturianu.
Pal casu de los topónimos de doble denominación, comoGijón/Xixón, Ceares/Ciares, Leorio/ Llorio, o Jove/Xove, estes son lesindicaciones que dio la Xunta Asesora de Toponimia “...la XAT recuerda que’lfin del procesu d’oficialización toponímica ye recuperar les formestradicionales, arrequexaes nel usu escritu por unes formes documentales lesmás de les veces acastellanaes. Por eso, la validación d’una forma dobleimplica que’l topónimu asturianu, la parte que se quier rescatar, siempre tienque tar presente. Polo tanto, nos testos en castellanu ha usase la formadoble, con esos dos elementos xebraos con una barra, siempre n ‘igualdátipográfica y cromática. De toles maneres, en dellos casos como nel usu oralinstitucional o como marca publicitaria n ‘eventos culturales o turísticos.: 1la XAT paez-y razonable utilizar namás la forma asturiana. Usar únicamente laforma “castellana”, amás de nun respetar la forma oficial, supondría esconder ymarxinar la forma asturiana que se buscaba recuperar. En testos n’asturianu,evidentemente, ha usase namás la forma asturiana del topónimu...”
Animamos a la vecindá de Xixón a emplegar los nuestrosnomes, los que la xente siempre dixo. Pues descargar el folletu con tolos topónimos de Xixón dende l'enllaz que vien darréu: TOPÓNIMOS DE XIXÓN
| PARROQUIES DE XIXÓN | |
| VALDORNÓN | LA PEDRERA |
| EL LLANO | PUAO |
| CASTIELLO BERNUECES | PORCEYO |
| ROCES | DEVA |
| SOMIÓ | RUEDES |
| CABUEÑES | SANTURIO |
| CALDONES | SERÍN |
| TREMAÑES | FANO |
| GRANDA | FRESNO |
| SAMARTÍN DE GÜERCES | GIJÓN/XIXÓN |
| LLAVANDERA | SAN ANDRÉS DE LOS TACONES |
| L’ABADÍA CENERO | VEGA |
| LEORIO/LLORÍO | VERIÑA |