Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

¡Saca la llingua 2012!

Participantes

Alcuentros 2012Igual que l’añu anterior estos IX ALCUENTROS DE LA MOCEDÁ COLA LLINGUA cellebráronse nes instalaciones de la Universidá Llaboral.

Poro, el día 24 d'abril de 2012 al rodiu de 500 moces y mozos estudiantes d'asturianu na enseñanza secundaria de Xixón averáronse a la Llaboral Ciudá de la Cultura a "Sacar la Llingua" cola Oficina de Normalización Llingüística del conceyu de Xixón.

Esti añu participó l'alumnáu de los 11 centros educativos que vienen darréu:



InstitutuParticipantes
IES Calderón de la Barca
36
IES Doña Jimena
50
IES Montevil
75
IES Padre Feijoo
45
IES Rosario Acuña
25
IES Universidad Laboral
47
IES Emilio Alarcos
53
IES Mata Jove
75
IES Fernández Vallín
39
IES Número 1
23
Colexu San Lorenzo97
TOTAL
423

Actividaes

Como tolos años, la Oficina entamó esta xornada lúdico-pedagóxica col enfotu d'averar la llingua asturiana a la mocedá d'una manera prestosa.

Les actividaes ficiéronse a lo llargo tola mañana y los mozos y moces de Xixón pudieron participar nes siguientes propuestes:

  • Xuegos y deportes tradicionales
Como l'añu pasáu, nel patiu la Llaboral ficiéronse dellos xuegos y deportes tradicionales d’Asturies como los bolinos de Cuideiru, el dexabolu, el liriu, el tiru al palu, el tiru cuerda…

Alcuentros 2012-xuegos y deportes trad Alcuentros 2012-xuegos y deportes trad1 Alcuentros 2012-xuegos y deportes trad2

  • Talleres
Entamáronse dellos talleres con temática diferente. L'alumnáu participante, esbilláu en dellos grupos, pudo participar nos talleres que vienen darréu:
-TALLER DE CÓMIC: Taller nel que l’alumnáu deprendió dellos procesos de creación de cómics con ilustraciones del monitor, Ruma Barbero.
-TALLER DE DOBLAXE: Taller dirixíu por Alberto Rodríguez, nel que l’alumnáu deprendió cómo doblar delles escenes de películes.
-TALLER DE BAILLE: Onde los rapacinos y rapacines pudieron deprender dellos pasos de los bailles tradicionales asturianos.
-TALLER DE COCINA: Taller de cocina ecolóxica, onde deprendimos a facer ensalaes orixinales y cencielles.
-TALLER DE ROCK: Xune Elipe guionos nun viaxe pela historia de la música rock.
-TALLER DE MONÓLOGU: L’humorista Carlos Alba, Cellero, enseñónos la bayurosa tradición que tien el monólogu en llingua asturiana.
-TALLER DE RAP: Taller nel que l’alumnáu pudo demostrar les sos habilidaes como cantantes de rap, faciendo delles rimes y careos colos monitores (componentes del grupu K-Nalón).
  • Actuación
Pa rematar esta xornada, pasamos un cachu entreteníu sintiendo cómo l'alumnáu d'asturianu del conceyu de Xixón nos enseñaba la so vena más artística cantando dellos cantares del nuestru karaoke "Cómo nos canta la llingua".

Tratábase de facer una especie de concursu tipu “Tu sí que vales” onde cada institutu punxo n’escena’l cantar del karaoke que se-y asignó a primeros de cursu.

karaoke1Los cantares que cada institutu presentó foron:
  • Rapaza nacionaliega: Colexu San Lorenzo
  • Chacho: IES Calderón de la Barca
  • Canciu d’amor: IES Doña Jimena
  • Bocadillu Rock: IES Emilio Alarcos
  • Sonia: IES Fernández Vallín
  • Los suaños, suaños son: IES Mata Jove
  • Tengo de rondar to valle: IES Montevil
  • Na caleya: IES Padre Feijoo
  • La Capitana: IES Rosario Acuña
  • Chalaneru: IES Universidá Laboral
  • Nun yes tu: IES Nu 1
Un xuráu valoró les actuaciones de cada grupu, y anque tolos participantes lo ficieron perbién, dieron como ganador del Concursu de Karaoke al IES Número 1 col cantar "Nun yes tu" de los Berrones. El segundu premiu fue pal Colexu San Lorenzo con "Rapaza nacionaliega" de Dixebra y el terceru pal IES Doña Jimena con "Canciu d'amor", tamién del grupu Dixebra. Los tres llevaron de premiu un llote de llibros y dellos materiales asoleyaos pola Oficina de Normalización Llingüística.

karaoke2  Monitoras Alcuentros

Amás dalgún instutu presentó un vidéu clip n’asturianu que vamos colgar desiguida nesta páxina web.