Un día na zona rural de Xixón
Ye una actividá educativa programada pa grupos escolares de quintu cursu d'Educación Primaria que se desendolca en dos xornaes:- Una salida a una casería de la rodiada rural de Xixón (4 hores: de 9.30 a 13.30). Un taller nel centru escolar (2 hores). El colexu puede escoyer ente dos talleres:
- Herbarios y plantes medicinales: ellaboración de recetes.
- Güelgues y restos d’animales.
Trátase de pasar un día na zona rural del conceyu de Xixón y conocer la
vida nuna casería tradicional, entrar en contactu col ganáu y otros animales de granxa, conocer l’agricultura…
Veremos y participaremos nel curiáu de los
animales, deprenderemos cómo se cata y trata la lleche que depués aporta
a les nuestres cases, conoceremos los cultivos de la zona, y tamién vamos
ver güelgues y restos de fauna autóctono, plantes de la zona, tipos de
construcciones…
CURSU 2012-2013
Esti cursu foron 386 escolinos y escolines de quintu cursu d'Educación Primaria los participantes nesta tercer edición de la actividá. Los ocho colexos participantes nesta ocasión foron el CP Los Pericones, Colexu San Lorenzo, CP Nicanor Piñole, CP Tremañes, CP Montiana, CP Santa Olaya, CP Rey Pelayo y CP Miguel de Cervantes.