Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Esposición y talleres 'Nun-yos tengas perceguera 2'

Votos

(Total de votos recibidos 1)

(Puntuación 5,00)

perceguera
El martes 3 d’avientu, a les 18.00 hores inaugúrase na Sala 3 del Centru de Cultura Antiguu Institutu la esposición Nun-yos tengas perceguera 2, ellaborada a partir de les ilustraciones, los testos y delles figures del cuentu del mesmu nome (va poder visitase hasta’l 7 de xineru de 2020). A les 18.30 hores va haber un taller infantil col autor, Sidoro Villa.
Esta esposición preséntase dientro del programa ‘¡Qué cuentu tienes!’: los oxetivos de ¡Qué cuentu tienes! son esparder y dar a conocer la lliteratura infantil n’asturianu, afalar a los escolinos y les escolines pa que llean n’asturianu y ufiertar a les escueles materiales didáuticos al rodiu de diferentes temátiques.

Nel actu va tar presentes el Conceyal d’Educación y Cultura (Alberto Ferrao Herrero) y l’autor del llibru infantil, Sidoro Villa Costales.

Nestes venti llámines, al traviés de la poesía, Sidoro Villa vuelve otra vegada (como yá ficiera en ‘Nun-yos tengas perceguera’ en 2004) a esplicar a los rapacinos y rapacines les maneres de vida y los sentimientos -que tamién los tienen- de los animales que pueblen la tierra d’Asturies. Nun-yos tengas perceguera 2 ye un prestosu y atractivu llibru qu’avera a la xente menudo al mundu animal y a la poesía, dos escentricidaes nel mundu de la postmodernidá tecnolóxica.

El cocu la mazana, les mosques, un llagartu verde, una pega lladrona, un saltapraos coxu, un cascoxu ensin priesa, una curuxa nun cuadru, un mariscu risón y una probe raposa comparten páxines con aguarones, ferres, gates antroxaes, formigues y cordobeyos illustraos y rimaos con tantu ciñu y suavidá que los faen entrañables.

La esposición complétase con dos talleres a cargu del autor, que van ser na Sala 3 el martes 3 d’avientu y el vienres 13 d’avientu, dambos a les 18.30 hores (Edá: 6-12 años.

Los talleres son de baldre, pero ye preciso apuntase enantes de cada sesión unviando un corréu electrónicu a llinguaasturiana@xixon.es).

Como actividá complementaria a la esposición ‘Nun-yos tengas perceguera 2’ vamos tener un conciertu pa tol familia,el domingu 29 d’avientu. 12.30 hores, nel qu’Alicia Álvarez y David Varela van interpretar dalgunos de los temes más representativos de los tres discos de la coleición ‘Bestiariu’ (producida por La Fabriquina), qu’inclúi más de 30 cantares n’asturianu pa neñes y neños que nos falen d’animalinos bien prestosos.