Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

App de Xixón de Novela: un percorríu lliterariu pela ciudá de les milenta histories

Votos

(Total de votos recibidos 37)

(Puntuación 3,08)

novela
Conocer Xixón ye querela y nós proponemos conocela per aciu de l’adautación d’esi llibru, "Xixón de novela", a una app móvil.
“Xixón de Novela: un percorríu lliterariu pela ciudá de les milenta histories”, quier ser un primer averamientu a esta villa mariñana al traviés de les histories que les y los escritores n’asturianu fueron posando nes sos obres nos caberos trenta años.

Conocer Xixón ye querela y nós proponemos conocela per aciu de l’adautación d’esi llibru, "Xixón de novela", a una app móvil. Dende la mesma pue accedese a los rellatos y ver nel mapa’l llugar del que se fala.

Inclúinse tamién videos de los testos narraos polos mesmos autores y un llector de códigos QR dende’l que se pue acceder a una escoyeta de los más destacaos.

L’app yá ta disponible na páxina web:https://smart.gijon.es/xixondenovela y na Play Store de Google, hai tamién una versión p’Apple.

Nella podemos sintir dellos fragmentos que falen de zona del centru de la villa: llugares como la Estatua Pelayo, la Plaza'l Parchís o la Ciudadela de Celestino Solar ente otros munchos sitios, too ello de la mano d'autores como Berto Cobreros Gil, Vicente García Oliva, Milio Rodríguez Cueto, Roxelio Crespo González o Carme Martínez Pérez.

Ta presente tamién el barriu de Cimavilla: los testos de Xulio Berros, Roxelio Crespo, Sabel de Fausta, Ramón Ll. Bande, Pablo A. Marín y Xandru Martino van acompañanos a conocer sitios tan representativos como La Cuesta'l Cholo, El Palaciu de Revillagigedo o l'Eloxu del Horizonte.

Tamién atopamos referencies a La Puerta la Villa, El Rinconín, Tremañes, Pumarín, la Campa Torres, Santa Olaya y El Natahoyo, El Coto o Viesques (nes pallabres de Nel Caldevilla, Vicente García Oliva, María Teresa González, Mánfer de la Llera, Pablo Antón Marín Estrada, Boni Pérez o Xosé María Vega Blanco).