Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Persones ganadores del I Concursu Xixón Fala en 3

Votos

(Total de votos recibidos 143)

(Puntuación 2,94)

xixon fala 3 ganadores
El xuráu tres d’emponderar la calidá y bayura de los temes presentaos, valorótanto la calidá espositiva y la capacidá de síntesis como la calidá llingüística, la oratoria y la capacidá de comunicación de les persones participantes.
El pasáu sábadu 15 d’avientu cellebróse na Escuela de Comerciu el I concursu Xixón Fala en 3, que consistió nuna competición, n’asturianu dafechu, onde se presentaron temes, idees, investigaciones con munchu procuru y con bona calidá llingüística énte un públicu non especializao, xeneralista y variao.

Ofrecióse a la ciudadanía una ocasión única pa perfeicionar les sos aptitúes de comunicación n’asturianu, pa emplegar l’asturianu en cualesquier estaya y rexistru y pa participar nun eventu col que van s’algamaren cotes altes de prestixu y normalización en tola comunidá asturfalante.

El xuráu (presidíu por Dña. Raquel Rodríguez Huergo, Direutora de la Fundación Municipal de Cultura, Educación y Universidá Popular, y compuestu por Dña Marta Mori de Arriba, Vicepresidenta de l’Academia de la Llingua Asturiana, D. Ramón d’Andrés Díaz, profesor titular del Departamentu de Filoloxía Española de la Universidá d’Uviéu, D. Fernando Padilla Palicio, Direutor Xeneral de Planificación Llingüística y Normalización, D. Próspero Morán, periodista y Dña. Mª Xosé Rodríguez López, Responsable de la Oficina de Normalización Llingüística, qu’actuó como secretaria); tres d’emponderar la calidá y bayura de los temes presentaos, valorótanto la calidá espositiva y la capacidá de síntesis como la calidá llingüística, la oratoria y la capacidá de comunicación de les persones participantes.

Poro, pa poner el ramu a esti añu 2018 préstanos enforma poder dar anuncia de les persones ganadores del I Concursu Xixón Fala en 3:

Estaya A: temes venceyaos a la cultura y la realidá asturiana:

Primer Premiu: Pablo Martínez Testa con “Ente lo animal y lo humano

Segundu Premiu: Inaciu Galán y González con “Muyeres na lliteratura asturiana

Tercer Premiu: Sergio Manuel Buelga Casas con “Desaniciu del términu teatru costumista referencia prexuiciosa pa contra’l teatru popular”.

Estaya B: temes de divulgación:

Primer Premiu: Claudia Gutiérrez Lueje con “Esquí de monte

Segundu Premiu: Rubén Magadán Cosío con “Otru estáu del bienestar nun ye posible: una excepción nel capitalismu históricu”

Tercer Premiu: Víctor Suárez Piñero con “Wikipedia: ¿ta’l conocimientu llibre y multillingüe en pelligru?

La entrega de premios va ser el 21 de Febreru de 2019, coincidiendo col Día Intercional del Idioma Maternu.

Norabona a toles persones que participaron nesti concursu y sobre manera, a les y los premiaos.