La Oficina Municipal de la Llingua celebró'l Día Internacional del Idioma Maternu

Vienres, 26 de Noviembre de 2010

Votos

(Total de votos recibidos 545)

(Puntuación 2,99)

- Portada dia internacional idioma maternu 2010 a 200.jpg
Dende l'añu 1999 vien celebrándose tolos 21 de febreru, el Día Internacional del Idioma Maternu.

La Oficina Municipal de la Llingua del Ayuntamientu de Xixón organizó por quintu añu consecutivu un actu cultural col envís de dar a conocer la importancia de les llingües y la diversidá cultural ente los escolinos y les escolines al tiempu que camientaron sobre'l papel qu'ellos puen cumplir nel respetu y espardimientu de les llingües, entamando pola propia, l'asturianu.

Esti añu la Oficina Municipal de la Llingua celebrólo xunto col I.E.S. Padre Feijoo, que tien un aula de acoyimientu llingüísticu. Les actividaes previstes, independientemente de les que'l Centru Escolar decidió facer al rodiu d'esti tema, fueron:

  • Los escolinos y escolines lleeron una frase nes distintes llingües qu'hai na escuela. La frase fue ésta: "La llingua de mio madre, de la mio tierra. Pallabres que falen de la mar y los montes, de rises y llárimes, de guerres y colleches, d'afalagos y taragaños, de pasáu y de futuru. Les llingües son la historia de los pueblos; Nun les dexes morrer."
  • Los neños y neñes visitaron la esposición "Un llugar na Tierra" basada nel llibru del mesmu títulu de la editorial Ámbitu, los testos son de Paulo Antón Marín Estrada y les ilustraciones de Pablo amargo.
  • La Oficina Municipal de la Llingua editó tamién unes tarxetes didáutiques que repartió ente tolos/es neños/es del centru educativu nel qu'apaecía un testu en distintes llingües y delles actividaes y pasatiempos al rodiu de les llingües del mundu.
  • Fízose tamién nel actu un xuegu musical tituláu "Cómo nos canta la llingua", en que l'alumnáu tenía qu'aldovinar en qué llingua tán sonando diferentes cantares.