Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Percorríu Lliterariu pela villa de les milenta histories

Votos

(Total de votos recibidos 51)

(Puntuación 3,04)

Xixon de Novela 2
Dende la Oficina de Normalización Llingüística de Xixón ufiertamos unes rutes guiaes pelos llugares del llibru "Xixón de Novela"
Conocer Xixón ye querela y nós proponemos conocela al traviés del llibru Xixón de Novela, un percorríu que, gracies a l'adautación del llibru a una App móvil, va permitir conocer los llugares más representativos de Xixón al tiempu que nos averamos a la lliteratura asturiana.

Nesti casu vamos conocer la zona del centru de la villa onde vamos visitar llugares como la Estatua Pelayo, la Plaza'l Parchís o la Ciudadela de Celestino Solar ente otros munchos sitios, too ello de la mano d'autores como Berto Cobreros Gil, Vicente García Oliva, Milio Rodríguez Cueto, Roxelio Crespo González o Carme Martínez Pérez. Estes visites van ser los díes 25 de xunetu, 1, 8 y 29 d'agostu.

Per otru llau ta la visita a la zona de Cimavilla na que los testos de Xulio Berros, Roxelio Crespo, Sabel de Fausta, Ramón Ll. Bande, Pablo A. Marín y Xandru Martino van acompañanos a conocer sitios tan representativos como La Cuesta'l Cholo, El Palaciu de Revillagigedo o l'Eloxu del Horizonte. Van ser los díes 26 de xunetu, 2, 9 y 30 d'agostu.

Toles visites son de baldre, entamen na Escalerona a les 11.00 de la mañana y duren 1 hora aproximadamente.

¡APÚNTATE YÁ! nos teléfonos de la Oficina de Normalización Llingüística 985 18 14 28 o 985 18 13 89 o nes Oficines de Turismu asitiaes enfrente La Escalerona y nel Espigón Central de Fomento.