Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Ruta guiada pelos llugares de “Xixón de novela”

Votos

(Total de votos recibidos 1)

(Puntuación 1,00)

Xixon de Novela 2

Con motivu de la cellebración de la Feria del Llibru de Xixón 2018 (FeLiX), la Oficina de Normalización Llingüística de Xixón propón una ruta guiada al rodiu de los testos qu’apaecen en “Xixón de Novela”.

“Xixón de Novela: un percorríu lliterariu pela ciudá de les milenta histories”, quier ser un primer averamientu a esta villa mariñana al traviés de les histories que les y los escritores n’asturianu fueron posando nes sos obres nos caberos trenta años.

Conocer Xixón ye querela y nós proponemos conocela per aciu de l’adautación d’esi llibru, "Xixón de novela", a una app móvil. Dende la mesma pue accedese a los rellatos y ver nel mapa’l llugar del que se fala. Inclúinse tamién videos de los testos narraos polos mesmos autores y un llector de códigos QR dende’l que se pue acceder a una escoyeta de los más destacaos.

L’app yá ta disponible na páxina web:https://smart.gijon.es/xixondenovela y na Play Store de Google, hai tamién una versión p’Apple.

Esti xueves 14 y vienres 15 de xunu a les 12 hores vais poder disfrutar d’un percorríu peles cais de Xixón nel que vamos averanos a dalgún de los llugares que se nomen nel llibru.

Vamos entamar dende’l Paséu de Begoña pa dempués siguir al traviés de la cai Corrida hacia los Xardinos de la Reina, empobinar pa la Plaza Mayor y dir pasín ente pasu a la vera la mar hasta la escalera 9 de la Playa San Llorienzo. Dende ehí vamos perdenos pel barriu L’Arena p’aportar a La Plazuela y rematar el percorríu na cai Covadonga.

Esti percoríu xira al rodiu de los autores que siguen: Carme Martínez Pérez (“Vía d’escape”), David Rivas (“Xente perende”), Vicente García Oliva (“Diariu d’Enol”), Xulio Berros (“Maxa de branu”), Xandru Martino Ruz (“La rocea abeya en nós”), Xose María Vega Blanco (“El branu más llargu”), Xuan Xosé Sánchez Vicente (“La muerte amiya de nueche”), Nel Amaro (“Les siete vides de Xulián Cuesta”) y Roxelio Crespo González (“Pensái nos nenos”).

Si quies disfrutar d’esta actividá pues apuntate, pente medies de la to tarxeta ciudadana, nesti enllaz. Places limitaes. De baldre.