Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

"La caxa del tiempu"

Votos

(Total de votos recibidos 0)

(Puntuación 0)

caxa

El pasáu miércoles 23 de mayu, la recién estrenada Escuela de Comerciu acoyó nel so Espaciu Mozu l'actividá “La Caxa del Tiempu” enmarcada dientro de los XV Alcuentros de la Mocedá cola Llingua: ¡Saca la llingua!

Esti añu ye mui especial, los Alcuentros de la Mocedá cola Llingua que como sabéis tán entamaos pola Oficina de Normalización Llingüística de Xixón, cumplen 15 años, al igual que nós. Ye por ello polo qu'estrenamos una actividá pa conmemorar esti cumpleaños, “la caxa del tiempu”.

Nesta actividá representantes de los cuasi 500 rapaces y rapazos de Secundaria que reciben clas d’asturianu nos institutos y colexos de Xixón, fueren les persones encargaes de meter nuna caxa, preparada pa la ocasión, el deséu o el petite que tienen pa col asturianu pa los próximos 5 años, amás d'una reflexón de cómo sedrá la situación llingüística nesi momentu.

Alumnos y alumnes de los I.E.S. Fernández Vallín, Rosario Acuña, Jovellanos, Montevil, Emilio Alarcos y Nº1; y de los colexos San Lorenzo, San Miguel y Santo Ángel dexáronnos petites y deseos de lo más variao. Dende peticiones al rodiu de los drechos llingüísticos hasta l’usu correutu de la toponimia de Xixón, pasando pel usu correutu de les normes ortográfiques. Amás quixeren dexar tamién dalgún recuerdu en forma de semeya, con un “pallabreru prestosu” o cola so robla.

Nun va ser hasta 2023 cuando veamos qué petites se cumplieren, cuálos tan en procesu y cuálos quedaren pel camín. Mentanto, “La Caxa del Tiempu” va tar precintada y custodiada na Oficina de Normalización hasta los XX Alcuentros de la Mocedá cola Llingua.