Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Los ensayos de "Cantar presta muncho"

Votos

(Total de votos recibidos 54)

(Puntuación 3,09)

cantarpresta
Dende'l llunes 28 al xueves 31 de mayu van tener llugar los ensayos de los Conciertos de Primavera "Cantar presta muncho" nel CMI Pumarín Xixón-Sur.
Al rodiu de 600 neños y neñes d'ente 8 y 12 años van amosar les sos dotes vocales nel Centru Municipal Integráu Pumarín Xixón-Sur, nun ensayu xeneral previstu pa la selmana del 28 al 31 de mayu ente les 10.30h. y les 11.30h., y enantes de los conciertos del 3 de xunu.

La iniciativa, entamada pola Oficina de Normalización Llingüística y coordinada pol músicu Nacho Fonseca, cuenta con un ampliu repertoriu d'unos cuarenta cantares, nos qu'alternen pieces tradicionales y populares. Xixón del alma, Camparina, Nel reinu de Neptuno... son dalgunos exemplos de los cantares que con muncha illusión y allegría van interpretar los neños y neñes participantes na actividá.

Nesta ocasión participen diecisiete colexos del conceyu que van repartise del mou que vien darréu:

  • Llunes 28: C.P. Noega, C.P. Severo Ochoa, C.P. El Llano, C. San Lorenzo y C.P. Gaspar Melchor de Jovellanos.
  • Martes 29: C.P. Federico García Lorca, C.P. Elisburu, C.P. Asturias y C.E.E. Sanatorio Marítimo.
  • Miércoles 30: C.P. El Lloréu, C.P. Alfonso Camín, C. La Milagrosa y C.P. Principe de Asturias.
  • Xueves 31: C.P. Martínez Torner, C.P. Clarín, C.P. Rey Pelayo y C.E.E. de Castiello
Estos conciertos tan abiertos a tol públicu hasta completar l'aforu y son de baldre.

Prestaríanos muncho cuntar cola vuesa presencia.

Equí podéis ver el programa d'ensayos completu