Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Esposición y cuentacuentos del llibru “Falar ensin parar”

Votos

(Total de votos recibidos 15)

(Puntuación 3,00)

falar ensin parar
Del 27 d’abril al 20 de mayu la Sala 3 del CCAI va acoyer un espo-cuentu de la prestosa obra “Falar ensin parar” (testu de Carlos Espina y dibuxos de Marina Lobo). Va complementase con dos actividaes de cuentacuentos.
Ente ser un poco charrana o quedase cola palabra na boca, la protagonista d’esti cuentu tienlo mui claro. A otros da-yos por axuntar caxigalines inútiles, pero ella quier más axuntar pallabres. Perguapa historia empobinada a rapacines y rapacinos de 4 a 9 años y asoleyada pola editorial Impronta.


Pallabres grandes, pallabres pequeñes, pallabres redondes y cuadraes, pallabres puntiagudes y blandines… como actividá complementaria, el miércoles 2 de mayu y el miércoles 9 de mayu, a les 18.00 h, na mesma Sala 3, vamos tener sesión de cuentacuentos con Olga Cuervo. La entrada ye llibre (de baldre), hasta completar aforu.

Averáivos al CCAI, que de xuru vais disfrutar enforma ente cuadros que nos cuenten guapes histories, nubes, formigues, bla bla bla, cereces… y una montonera d’ayalgues pa echar a andar el maxín.