Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Celebración del Día del Idioma Maternu 2018

Votos

(Total de votos recibidos 33)

(Puntuación 3,00)

cartelpoesies
Cartafueyos dixitales, actu d’entrega de premios del concursu de rellatu curtiu Qué guapo ye querese y llectura musicada d’un guapu poema en dellos idiomes.
El 21 de febreru celébrase’l Día Internacional del Idioma Maternu col oxetivu de promover el multillingüismu y la diversidá cultural.

En 1999 la UNESCO declarólu Día Internacional de la Llingua Materna. Anque foi Bangladex el país qu’unvió formalmente la propuesta a esta institución, la idea surdió en Canadá, d’una organización llamada Amantes de la Llingua Materna del Mundu, formada por diez falantes d’inglés, kutchi, cantonés, alemán, filipín, bengalín ya hindi. Ellos ficieron el pidimientu primeru, pero la UNESCO informólos de que namás podía venir de dalgún país miembru pa ser considerada. Entós, esta organización informó per teléfonu al Ministru d’Educación de Bangladex qu’al empar avisó al Primer Ministru que lu autorizó a mandar la propuesta nel intre.

La fecha ye significativa nesi país: el 21 de febreru de 1952 morrieron tres persones nuna manifestación que pidía que la so llingua materna, el Bangla, fuera reconocida pol Estáu.

Trátase de dar puxu a la diversidá llingüística y cultural y el plurillingüismu, dao que los idiomes son poderosos preseos pa la proteición y el desarrollu del nuesu patrimoniu cultural tanxible ya intanxible.

Dende la Oficina de Normalización Llingüística tamos acabantes d’asoleyar una publicación dixital venceyada a esta fecha y al so significáu (podéis descargala equí: http://llingua.gijon.es/multimedia_objects/download?object_id=225068&object_type=document), amás d’un cartafueyu cola torna d’un prestosu poema a dellos idiomes (http://llingua.gijon.es/multimedia_objects/download?object_type=document&object_id=225171).

Amás, el miércoles 21 de febreru, a les 18 hores, va tener llugar nel Salón de Receiciones de la Casa Conceyu de Xixón un actu nel que van entregase los premios del concursu de rellatu curtiu pa la mocedá Qué guapo ye querese, que va complementase cola llectura musicada en dellos idiomes del guapu poema qu’apaez nel cartafueyu asoleyáu.