Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Preséntase la campaña "Nel comerciu asturianu yes bienveníu/ida"

Votos

(Total de votos recibidos 9)

(Puntuación 3,56)

yesbienveniu
Na campaña participen unos 600 establecimientos que van repartir 25.000 folletos.

El Conceyu de Xixón aprobó l'añu l’añu pasáu el Plan de Normalización Llingüística pal 2016/2019 col enfotu de fomentar la normalización, l’usu y la presencia de la llingua asturiana en tolos ámbitos de la vida cultural y social del Conceyu de Xixón.

Ún de los oxetivos nel apartáu del sector socioeconómicu ye concienciar al sector empresarial y comercial de les potencialidaes d'usar l'asturianu na imaxe corporativa de les empreses, na publicidá y nes actividaes comerciales.

El comerciu -y entá más el de prosimidá- ye una de les estayes más importantes de la sociedá, onde cada día se desenvuelven bona parte de les rellaciones ente les persones. Poro, la Oficina de Normalización Llingüística de Xixón retoma una campaña que tuvo un éxitu bultable n’ediciones anteriores, empobinada al sector de l’alimentación y el testil, col envís de promover l’emplegu del asturianu nesti campu y de potenciar el so usu na imaxe pública de los comercios.

Esta aición enmarcase dientro del conveniu de collaboración esistente ente la Fundación Municipal de Cultura y la Unión de Comerciantes del Principáu d'Asturies.

La campaña consiste na re-edición de cinco trípticos (Pexe, Fruta y verdures, Carne y embutíos, Pan, lleche y derivaos, y Ropa) onde s’informa del nome n’asturianu de tolos productos que se merquen nestos comercios y dalguna información y/o suxerencia; amás de pegatines de regalu pa poner nos paquetes cola frase “Préstame que te preste”.

Nun podemos escaecer que la llingua ye un niciu d’identidá mui importante y que ye dalgo que la ciudadanía siente como propio, lo mesmo que’l comerciu de prosimidá, qu’el pequeñu comerciu d’al llau de casa. Hai que mirar polo propio.