Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

La guía de programes educativos de Xixón ufierta delles actividaes n'asturianu

Votos

(Total de votos recibidos 7)

(Puntuación 3,43)

Programes

La Oficina de Normalización Llingüística pon a disposición de los centros educativos una serie de talleres y actividaes col asturianu como llingua vehicular.

Los talleres concretos que van impartise, y les condiciones específiques nes que tienen de desenvolvese tán indicaes na Guía de programes educativos a partir de la páxina 56 y tán empobinaes a alumnáu dende Educación Infantil a Bachilleratu.

Les actividaes son de baldre, cuenten con monitores, material didáuticu y tresporte cuando ye preciso y son les que vienen darréu:

De la panoya al platu (3er cursu d’Educación Infantil)

Cenciellu taller de cocina amás de llevar alantre una esfoyaza y distintos xuegos infantiles, cantares y bailles tradicionales asturianos venceyaos al tema.

Cantar presta muncho (Educación Primaria)

Proyeutu p'averar a los escolinos y escolines del nuestru conceyu a la música coral d’una manera cenciella, abierta, activa y participativa que cumple yá seis ediciones.

Qué cuentu tienes (Educación Primaria)

Esposiciones didáutiques itinerantes. Delles esposiciones de cuentos infantiles en llingua asturiana.

Danciando tol añu (1u y 2u d'Educación Primaria)

Aniciu nel conocimientu y práutica de los bailles y dances tradicionales n’Asturies, conociendo los pasos másbásicos y les estructures más simples, trabayando sobre too los bailles-xuegu y distintes manifestaciones coleutives, como les dances.

Xixón, una ciudá abierta a la mar (4u d'Educación Primaria)

Esta actividá consiste nuna salida pedagóxica que fai un percorríu per La Rula, Cimavilla, el Campu Valdés y el Muru que, mecíu con pruebes y xuegos a mou de yinkana, va averar a los escolinos y escolines a puntos fundamentales de la historia de Xixón y a la so relación cola mar.

Xixónpolis: el xuegu pa mercar Xixón (5u d'Educación Primaria)
Una actividá pa que los escolinos y escolines conozan, al traviés d’un xuegu, los barrios y distritos de la ciudá de Xixón.

El cómic n’asturianu (6u d'Educación Primaria)
Nesta actividá'l dibuxante Ruma Barbero va fala-yos a los los escolinos y escolines de cómics asoleyaos n’asturianu, de dibuxantes renomaos y pa rematar va desplica-yos sobre cómo ye’l procesu de facer un cómic.

Sol nos pomares: les migraciones güei y ayeri (1u y 2u ESO)
Al traviés de la obra lliteraria “Sol nos pomares” va trabayase col alumnáu'l contestu históricu de les migraciones de los sieglos XIX y XX, rellacionándoles coles d’anguaño.

XV ¡Saca la Llingua! Alcuentros de la mocedá cola llingua (Alumnáu d'ESO matriculáu n'asturianu)

Coles actividaes del proyeutu “Saca la llingua”, basáu na participación delalumnáu y na tresversalidá de conteníos, preténdese que los mozos y moces participantes -matriculaos en llingua asturiana nos sos Centros- s’averen al asturianu dende un puntu de vista que nun seya’l puramente académicu.