Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

X.A. González Riaño, nuevu presidente de l'Academia de la Llingua Asturiana

Votos

(Total de votos recibidos 1)

(Puntuación 4,00)

academia

Ayeri, xueves 22 de xunu de 2017, en finando’l mandatu de 4 años de los cargos direutivos de la institución, fízose’l procesu eleutoral nel que salió escoyida la nueva direición, que tien a González Riaño como cara visible.

aa

Tamos acabantes de conocer el nomamientu de la nueva direutiva de l’Academia de la Llingua Asturiana, escoyida nel procesu eleutoral celebráu ayeri xueves 22 de xunu: elPresidente ye Xosé Antón González Riaño; la Vicepresidenta ye Marta Mori d’Arriba; el Secretariu ye Xosé Ramón Iglesias Cueva; la Vicesecretaria ye Carme Muñiz Cachón; y l’ Ayalgueru ye Carlos Lastra López.

Queremos aprovechar esti mediu pa da-yos la norabona a toes y toos ellos, y pa desea-yos munchos años de llogros y reconocencies al so trabayu y al reconocimientu del asturianu. Tamos segures de que van llevar alantre un encomiable llabor d’encontu del idioma, espresáu en forma d’actos, publicaciones, estudios, cursos, xornaes, premios, concursos… como se vien faciendo dende la creación de l’Academia de la Llingua en 1980. Ta pernidio qu’esta nueva direutiva ha empobinar, ensin dulda, hacia’l llogru de la oficialidá de la llingua hestórica de tolos asturianos y asturianes.

Per otru llau, nun podemos escaecer un fonderu agradecimientu a la que foi hasta ayeri presidenta de la Institución, Ana Mª Cano González, que desendolcó un escomanáu llabor nos ámbitos sociales y de normativización del idioma, amás de como cara visible de l’Academia, dedicando la so vida al estudiu del asturianu; amás d’al restu del equipu direutivu anterior, que vienen trabayando de forma bultable en toles xeres entamaes dende la Institución.