Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Cuentacuentos en Xixón-Sur: Aquel viaxe estraordinariu que camudó al home solitariu

Votos

(Total de votos recibidos 8)

(Puntuación 3,00)

aquel viaxe olga

El prósimu domingu 2 d’abril a les 11.30 Olga Cuervo va averános a esti cuentu tan prestosu

Un añu más, y yá van cuatro, va tener llugar la Feria del Llibru Infantil y Xuvenil en Xixón. Durante tres días, del 31 de marzu al 2 abril, el Centru Municipal de Pumarín Xixón-Sur "Gonzalo Mieres" y la so Biblioteca, van llenase d’ actividaes, presentaciones de llibros, bebecuentos, talleres y munches coses más.


Con motivu d’esta cita dende la Oficina de Normalización Llingüística de Xixón proponémosvos un cuentacuentos pa lo más piquiñino (y pa los y les mayores tamién, pa qué negalo):

¿Préstenvos los Beatles? El llibru “Aquel viaxe estraordinariu que camudó al home solitariu”ye, en cada vuelta de fueya, un xiru al rodiu de la música y les lletres de los Beatles. Too nes sos precioses páxines ye un homenaxe a George, Ringo, Paul y John, la banda de los corazones solitarios. Los testos del llibru son de Lucía Tejerina y les ilustraciones de María Díaz Pereira.

Esti domingu, 2 d’abril, a les 11.30 h (nel Aula 6-7 del CMI Xixón-Sur) Olga cuervo va facenos una prestosa sesión de cuentos sobre esta obra. Amás, durante la sesión podrá visitase la esposición del cuentu.

¡Tais toos y toes convidaos a esfrutar de l’actividá con nós!