Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

CONCIERTU CANTAR PRESTA MUNCHO.

Votos

(Total de votos recibidos 36)

(Puntuación 2,86)

cantar presta muncho
Los neños y neñes xixoneses enllenaron de cantares el teatru Xovellanos.

El domingo día 5 de xunu tuvo llugar nel Teatru Xovellanos el conciertu de los 17 coros participantes de l'actividá "Cantar presta muncho", coordinada por Nacho Fonseca, y organizada pola Oficina de Normalización Llingüística.

L'oxetivu d'esti proyeutu musical ye averar a los escolinos/es del conceyu a la música coral de forma cenciella, abierta, activa y participativa. Los coros tan compuestos por escolinos/es de diferentes niveles, con repertoriu de cantares cenciellos, temes mui diversos, siempre n'asturianu, tanto populares como clásicos infantiles de Xentiquina.

La xornada tuvo dividida en dos partes. L'actu musical entamó a les 12 hores y nel participaron CP Jacinto Benavente, CP Xovellanos, CP Severo Ochoa, CP Elisburu, CP García Lorca, CP Clarín, CEE Castiello y un coru de profesores dirixíu por Fonseca que actuó tamién de tarde..

La segunda sesión empecipió a les 18 hores y nella actuaron los colexos CP El Llano,CEE Sanatorio Marítimo,CP San Lorenzo, CP Los Pericones, CP Montevil, CP La Milagrosa, CP Príncipe de Asturias y CP Rey Pelayo. La gala tuvo presentada por l'actriz Ana Morán y l'actu cuntó cola presencia de la conceyala d'Educación y Cultura, Ana Montserrat López Moro. Participaron al rodiu de 500 escolinos y escolines.