Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

L'asturianu tamién pinta en mercaplana

Votos

(Total de votos recibidos 87)

(Puntuación 3,02)

Mercaplana 2016
Anímate a participar nes nueses actividaes

Un añu más, yyá van doce, la Oficina de Normalización Llingüística del Conceyu de Xixón,dependiente de la Fundación Municipal de Cultura Educación y UniversidáPopular, va tar presente nel Salón de Navidá pa la Infancia y la Mocedá qu'aporta cuasi al tiempu que l'inviernu pa entretener a los neños y neñes qu'estos díesnavidiegos abeyen per Xixón ensin escuela.

Queremos ufiertar un espaciu pa que les families y la xente pequeño y mozo s'avere al asturianu, lu conoza y reconoza, porqueuna llingua sirve pa comunicanos con otres persones y pa reconocenos como parte de la comunidaque la orixinó.

Contra lo quemuncha xente desinformao piensa, si na familia usamos l'asturianu - amás delcastellanu que van deprender tamién encasa o nel so procesu de socialización- los ñeños y neñes van tener munches másfacilidaes pa deprender otres llingües usando la flexibilidá intelectual que dadeprender un segundu idioma y crear pontes llingüístiques.

Poro, estiañu l'asturianu pinta de primera, como l'equipu de la nuestra ciudá y como Xixón,que nel 2016 va ser proclamada ciudá europea del deporte.

Si queréis saber más de fútbol, de la nuestra cultura, entretenevos y pasalo perbién altiempu que-y dais a la llingua, buscáil'espaciu de la Oficina de Normalización llingüística nel pabellón númberu 4 de Mercaplana.

Estes son les actividaes permanentes que vamos tener nel horariu avezau, de 16:00 a 20:30:

-Esposición del cuentu "Antón quería ser porteru", editáu por Pintar-pintar y del que son autores David Fernández y Xurde Fernández y que ta ilustráu por Francisco Pimiango.

Antón tenía seis años y quería ser porteru, d'esos que se ponen toles selmanes nun prau mui grande debaxo de tres palos pintaos de blanco y negro, y que nun tienen que dexar qu'un balón entre pente esos tres palos. El neñu, cuasi nun sabía nada de fútbol, pero quería ser porteru.

-El Requexu la llectura: onde los neños y neñes y los mayores, si-yos peta, podéis sentavos a lleer les últimes novedaes de la lliteratura infantil n'asturianu y disfrutar de prestoses y variaes histories y aventures, amás de facer un guapu marcapáxines pa nun escaecer la fueya na que tais lleendo.

- ¿Cuánto sabes de fútbol?: Si yes quien a aldovinar tres de les cinco entrugues que te van facer, pues consiguir un pallabreru del futbol y demostrar que yes un figura nesto del balón.

- Méte-y un gol a la llingua:busca la to portería, garra un balón y prepárate pa meter goles , quién sabe, quiciabes seyas la nueva " pichichi" del asturianu.

- El fotogol:escueyi la frase que más te presta, llama a les tos amigues, a los collacios, a la tu hermana y posa nel nuestru fotogol como si fueres una estrella y saca la meyor semeya.

Sesiones diaries de cuentacuentos y talleres futboleros de campeonatu

Pinta-cares:nesta actividá vamos intentar que la xente que quiera marche cola cara pintada colos colores del so equipu.

17.00 h:

-Ven a facer la to copa: atrévete a diseñar el meyor de los trofeos, el tuyu. Los neños y neñes que faigan el taller, llevarán una caxa de colores.

18.00 h:

- Recatiando colos deos: Ye tan fácil xugar un partíu colos deos, namás precises un par de marionetes de futbolistes y yá ta entamáu'l partíu. ¡Que gane'l meyor!.

19.00 h:

- Diseña la camiseta del to equipu:un taller depapiroflexia pa facer una camiseta con cartulina blanca que vas pintar colos colores del to equipu..

Tolos díes a última hora (sobre les 19:30) va sortease un paquete sorpresa ente los neños y neñes que pasaron pel stand y que ficieron les nuestres actividaes, con premios como un llote de llibros y otros prestosos materiales.

Anímate a participar nes nueses actividaes: xuega, pinta, diseña, acierta, llei, manda la carta a los reis magos n'asturianu y ¡munches sorpreses más!