Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

La Llingua asturiana cunta yá con diccionariu de sinónimos

Votos

(Total de votos recibidos 144)

(Puntuación 3,05)

Diccionariu de sinónimos

Luis Alberto Prieto recueye hasta 500 maneres de referise a lo mesmo

La Llingua asturiana cunta yá con un diccionariu de sinónimos. El so autor, el profesor Luis Alberto Prieto, atopó, dempués de diez años de trabayu, hasta 500 maneres distintes de referise a lo mesmo que recopiló nun volumen de 900 páxines.

Asina, lo que en Mieres o Cabrales llámase “argayu” en Tinéu o Cangas del Narcea ye una “fana”. Son, polo tanto, sinónimos.

Otru casu ye’l de la palabra caxigalina, qu’algama’l mediu millar de sinónimos, incluyendo les maneres de referise a daqué de poca importancia que s’emplega tanto nos conceyos centrales como nos occidentales y orientales.

Luis Alberto Prieto espera qu’esti nuevu volumen se camude nuna ferramienta útil pa los usuarios de la Llingua, como asocede col diccionariu normativu de l’Academia o les normes ortográfiques y gramaticales.

El llibru foi editáu pola editorial El sastre de los llibros.