Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Aporta la Noite Celta.

Votos

(Total de votos recibidos 59)

(Puntuación 3,07)

Alcuentros música Folk

La Noite Celta abre'l sábadu les fiestes n'alameda franquina de Porcía

La Noite Celta abre'l sábadu les fiestes n'Alameda franquina de Porcía. La Cita va contar con "El Trasno", "Corquiéu", "Vrienden", McSherry y "La Tarrancha"

La Noite Celta de Porcía, caderalga de les cites celtes asturianes, va cumplir esti sábado 31 años d'hestoria. Ye la primera de los tres grandes eventos qu'acueye cada branu la mítica alameda de Porcía.

L'asociación cultural Alameda ocúpase d'empobinar la cita celta del sábado, que va entamar a les diez y media de la nueche y va contar con un cartel de luxu y con Asturies como protagonista. De fecho, van tocar la banda de gaites coañesa "El trasno" y los grupos folk asturianos"Vrienden", "Corquiéu" y "La Tarrancha". L'aportación internacional va ponela'l cuartetu integráu polos músicos John McSherry, Sylvain Barou, Ruben Bada y Pádraig Rynne.

Como tolos años, el coleutivu empobinador prepara una gran parrochada p'animar la fiesta n'alameda, onde estos díes ultímense los preparativos pa la primer gran cita del añu.

La segunda fecha señalada nel calendariu será'l miércoles 3 de setiembre, cuando los Conceyos de Tapia y El Franco celebren de forma conxunta'l XXIII Alcuentru de mayores de Porcía. El festexu va entamar dempués de les once y media de la mañana y los vales p'alquirir la bolsa de la xinta yá tán a la venta nos conceyos.

La fiesta de los Remedios, que también empobina l'asociación cultural Alameda, va poner el puntu final a les fiestes de Porcía. El día grande va ser el llunes 8 de setiembre cola celebración de la tradicional romería de Porcía, una de les que tienen más poder de convocatoria en tola redolada.

Fuente http://ocio.lne.es/agenda/noticias/nws-336630-la-noite-celta-abre-sabado-fiestas-alameda-franquina-porcia.html