Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Los topónimos tradicionales de los conceyos de Valdés y Santu Adrianu yá son oficiales

Votos

(Total de votos recibidos 36)

(Puntuación 2,94)

- cartelu carretera 71 x 71.jpg
Los topónimos de los conceyos de Valdés y Santu Adrianu yá foron declaraos como oficiales.
Dempués de la espublización nel BOPA del sábadu de los decretos toponímicos de Valdés y Santu Adrianu, los nomes de llugar tradicionales d’estos conceyos yá son oficiales dafechu. A diferencia d’otres poblaciones importantes, Ḷḷuarca tien namái denominación asturiana.

El 5 d’agostu pasáu’l Conseyu de Gobiernu aprobaba estos decretos. Ello ye que namái quedaba’l trámite de la so espublización nel Boletín Oficial del Principáu d’Asturies (BOPA) col envís de que los topónimos tradicionales camudaren n'oficiales, dexando a un llau los castellanos. Dende esti momentu, les diverses alministraciones tienen la obligación d'adecuar de mou progresivu les rotulaciones, mapes y planos. El resultáu final ye que  Cadavéu va emplegase nel llugar del topónimu castellán Cadavedo y Outur va sustituyir a Otur, nel casu de Valdés, y Castañeo’l Monte por Castañedo del Monte y Los Niseiros en sustitución de Los Niseros, en Santu Adrianu, por poner dellos exemplos.

Con Valdés y Santu Adrianu, yá son 53 los conceyos que recuperaron los nomes de llugar tradicionales, sumando asina 16.565 topónimos, según cifres del Gobiernu. Anguaño hai otros 12 que tienen abiertu’l so espediente d’oficialización topónimica, en distintes fases de tramitación. Éstos son Ayande, Cabrales, Caravia, Castropol, Ibias, Llanera, Uviéu, Peñamellera Alta, Salas, Somiedu, Tapia y Tinéu.

Fuente Asturies.com