Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

 Terminen los cursos de la UABRA.

 

Votos

(Total de votos recibidos 32)

(Puntuación 3,03)

Universidá- Asturiana

Una UABRA “perfeutamente afitada” tratará de recuperar el númberu máximu de cursos d’afondamientu na edición próxima.

La quinta edición de la Universidá Asturiana de Branu (UABRA) llegó al so fin tres dos selmanes d’actividá en Cangas del Narcea. El so direutor Xosé Antón González Riaño trabaya yá na cita próxima, onde espera algamar los seis cursos d’afondamientu.

Esta edición de la UABRA contó colos cursos tradicionales d'Asturiano elemental y avanzáu amás del cursu de Gallego-Asturiano (2ª fase). Como vien siendo habitual la UABRA tamién ufiertó esti añu los cursos d'afondamientu cultural y llingüísticu, ente los que podemos contar el de Capacitación pa la traducción al asturiano impartíu pola académica Cristina Valdés, Internet como recursu educativu impartíu por David Guardado y Cantares, bailles ya instrumentos musicales asturianos impartíu por José Antonio Gómez.

Los alumnos de la UABRA tamién pudieron asistir a delles conferencies como por exemplu la impartida por Xandro Armestu sobre Les aportaciones caberes de la llingua asturiana nes nueves teunoloxíes.

Los dirixentes de la UABRA esperen que l'añu que vien puedan volver a ufiertar el máximu númberu de cursos qu'esti añu viéronse reducíos por razones de calter presupuestariu.