Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Presentación del Premiu "Fierro Botas".

Votos

(Total de votos recibidos 183)

(Puntuación 3,01)

fierrobotas1

Presentación del Premiu “Fierro Botas” L'espeyu onde miranos. Televisiones de proximidá n'Europa Occidental y procesos de recuperación identitaria.

La presentación del llibru va facese nel Antigu Institutu Xovellanos el miércoles cuatro de xunu a la una y media de la tarde.

Semeyes de la presentación.

Esta obra permitió-y a Damián Barreiro Maceiras algamar el Premiu “Fierro Botas” d’ensayu nel añu 2013. La obra ye un completu ensayu sobre la importancia que tienen los medios de comunicación, en xeneral y la televisión en particular, sobre’l caltenimientu, difusión y pervivencia d’una llingua minoritaria como pueden ser l’asturiano y otres llingües de la redolada como’l catalán, el gallegu o l’euskera.

Tamién desplica la influencia que tienen los medios na caltenencia de la identidá llingüística ya cultural de los pueblos y rexones a les que representen y nes que se desendolquen.

Dexando claro que la televisión de proximidá ta definida polos sos conteníos y l’accesu de la comunidá pertinente a unos conteníos caracterizaos por un accesu mayoritariu a temes ya intereses llocales, l’autor, fai un percorríu ya analís per toles televisiones autonómiques n’España y el restu d’Europa.

Dempués de la llectura del llibru, l’autor dexa nidio qu’el so oxetivu ye facer un analís del usu que les televisiones faen de les llingües rexonales ya minoritaries y al mesmu tiempu determinar la función que tienen los medios televisivos nel procesu de normalización social de les llingües de la redolada.

Finalmente l’ensayu centrase n’ufiertar un anális críticu de la función de la RTPA y la TPA como medios incapaces de reflexar la realidá asturiana al traviés del usu vehicular de la llingua por más qu’esi seya ún de los mandaos recoyíos nos sos estatutos.

Damián Barreiro Maceiras ye periodista y tien trabayao como redautor nel dasaniciáu selmanariu Les Noticies y n’Asturies.com, Diagonal Asturies y la sección “Escolinos” de La Nueva España.

Ente los asistentes a la presentación del llibru va tar el conceyal de cultura Carlos Rubiera Tuya.