Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xixón en bolsu

Votos

(Total de votos recibidos 145)

(Puntuación 3,04)

Gijonenelbosillo
Gijón Turismo y dos empreses allugaes nes nueses residencies empresariales llancen una app turística pa tabletes y smartphones.


Gijón Turismo desarrolló l'aplicación en collaboración coles empreses Llume y Black Bot, dambes allugaes na nuesa residencia empresarial de Cristasa. Esta app recueye más d'un cientu de puntos turísticos d'interés, indicando cómo llegar a caún d'ellos ya incorporando audioguíes pa les rutes urbanes, lo que ye mui útil pa los visitantes.

Ye una aplicación de baldre pa dispositivos móviles con sistemes iOS y Android, qu'inclúi, tamién, un xeollocalizador real de la nuesa posición que nos indica cómo aportar dende esi puntu a un llugar d'interés.

Con más d'un cientu de puntos d'interés, Xixón en bolsu constitúi l'aplicación más refecha tocante a recursos patrimoniales de les realizaes n'Asturies. La empresa impulsora del proyeutu, Llume, considera que Xixón en bolsu ye "el modelu d'aplicación móvil a siguir, qu'amás val de guía empobinada al turismu cultural d'un territoriu". Trátase d'un productu que "satisfái los intereses del turista pero tamién l'interés de los mesmos habitantes del llugar, que van poder descubrir la historia ya intereses de les cais, places y monumentos peles que pasen davezu. Nun ye una guía pa buscar sinón pa descubrir, pol so plantegamientu funcional y de conteníos".

Estes dos empreses yá collaboraron anteriormente nel desarrollu d'otra aplicación pa dispositivos móviles, nomada Digi@art, xunto con LABoral Centro de Arte y Creación Industrial, en resultes del conveniu que tien soscritu col Centru Municipal d'Empreses pa potenciar la collaboración ente les empreses creatives agospiaes nos centros empresariales municipales.

Sobre Llume, Estudios y Proyectos Culturales

Llume, Estudios y Proyectos Culturales ye una empresa de xestión cultural, nacida nel contestu de les humanidaes, que trabaya en diferentes ámbitos del mundu de la cultura. Una de les sos llinies de trabayu más actives ye l'área de teunoloxía onde, al traviés del usu de les TIC, desarrollen arbíes dixitales pal espardimientu de conteníos culturales y/o turísticos. Dende la so creación, Llume plantega proyeutos de conteníu cultural y base teunolóxica. Pa ello collaboren con empreses del sector creativu de la ciudá, polo xeneral, y del Centru Municipal d'Empreses de Xixón, en particular, pa xenerar sinerxes collaboradores, lo que contribúi, al empar, al dinamismu nel sector.

Sobre Black Bot

Black Bot ye una empresa formada por inxenieros n'informática que se dedica al desarrollu de software de cualesquier ámbitu. Ta especializada nel desarrollu d'aplicaciones pa dispositivos móviles ente los que s'atopen los dispositivos d'Apple (iPhone, iPad y iPod) y dispositivos Android.

DESCARGUES DE LES APPS

Gijón en el bolsillo

Para dispositivos Ios

Para dispositivos Android

Digit@rt

Digit@rt