Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

El pallabreru de los bolos de Xixón

Portada Pallabreru Bolos
Autor Carlos Suari
Editor La Oficina de Normalización Llingüística. Ayuntamientu de Xixón
Año 2013
Edición
Soporte Libro
Nº de páginas 30
Colección Los pallabreros del deporte
Descripción
Nesta publicación que vien a sumase a los anteriores “pallabreros” asoleyaos pola Oficina de Normalización Llingüística del Conceyu de Xixón (fútbol, baloncestu, natación y ciclismu, hasta la fecha), axúntense dos aspeutos esenciales ya inseparables de la nuesa identidá: la Llingua y los xuegos populares; porque pienso que los bolos tradicionales tenemos qu’entendelos más como una manifestación de la cultura popular que como una práutica deportiva, masque tenga la so correspondiente federación y s’organicen competiciones oficiales.
A lo llargo del tiempu, la xente d’Asturies ficimos d’un xuegu rural como los bolos, un deporte que tien bien de xugadores y peñes organizaes. Anguaño esta situación ye mui conocida n’Asturies porque los medios de comunicación, incluyida la televisión, esparden pasu ente pasu tolos eventos al rodiu esti deporte, del que l’añu pasáu  hubo mil novecientos ochenta partíes.
Sicasí, pa qu’esto seya asina, tuvieron que pasar munchos años, incluso sieglos, porque ta escrito qu’en 1495 yá se xugaba a los “birlos” —anguaño “bolos”— nel Campu San Francisco d’Uviéu. Pero esto nun fue namás cosa del tiempu, sinon de munches persones que durante esos años, prauticando, sofitando o espardiendo esti deporte, tiraron del carru, pa llegar hasta agora. Recordamos a personaxes ilustres como Xovellanos, Casona, Clarín, que recueyen nes sos obres siempre esta costume asturiana de la nuestra cultura, cola mesma pallabra “bolos”, que yera la espresión d’una realidá enraigonada na vida asturiana.
Pa rematar, desear que toa persona que s’asome a esta publicación pueda ver la grandura del nuestru xuegu, naguando por afalar que la nuestra xuventú los prautique, pero partiendo de que s’ufierten nos centros escolares.
Precio De baldre
Subtítulo PDF: Pallabreru de los bolos